Read Aimol 2 KORINTH 2 Bible Online

2 KORINTH 2 - Aimol bible

2 KORINTH 2

¹Kei hong rang jarra nang ni jiang pongna veikhat na pek lai noning.

²Ajarko kei nangni pongna ka na pek aninko, kein ka man pong ama ha ni luia tuning mo keihi an na don rang?

³Hale ka ning satna hi nang ni rakip ningsat na ani tia nangni jiang takngai na ka nei. Hiva jarra ka ning asat nahi nangni rakip jiang om ningsat ha nirase.

⁴Hiva chithi hi mit tui le lungtok a ka hong jiak ani. Ka lungdo ko nangni na man pong mak na ranga ani hale iduk mo ka na lungsiat tihi na manjetna ranga ani.

⁵Atunko mi khat ning anilui chuan a tho aninko, ama han kei jiang a tho chang mak, nangni rakip jiang a tho ani, tak-ha nangni ning angar reija tho pe maru.

⁶Achuk lui khat chunga mitam ning an ripe aninko a jot jui.

⁷Atunko nang nin ama ha ngaidam taru, a khel la pongna ning dongna tenna lung ngam na pektaru.

⁸Hiva jarra nang nin ama chunga nan lungsiat ha man jetru tia ka na ri ani.

⁹Kein nang ni jiang chithi ka hong jiak na ajarko nang ni ning ka chong pek jui thei na rang hale i rakip a asat a nan om torna ranga ani.

¹⁰Nang nin nan ngaidam ama ha kein nom ka ngaidam ani, ajarko ka ngaidam ama ha irakip a ka ngaidam jui, Khrista ama jarra ani.

¹¹Seitan ning keini chunga a salui hin ana manchul mak na ranga kei ning Seitan chuan ha jet lui tho ma rei?

¹²Kei ning Traos hin Khrista chongsat ka lui ri karra pathian in kei ranga kot a na lui longpe.

¹³Tak-ha kein ning dongna atam ka lui nei ajarko ka u ka nai Taitas ha lui om mak, hiva jarra kein mirakip jiang mathanna ka lui nei hale Makidonia hin ka lui che.

¹⁴Pathian ha manpak rei, a man Khrista jarra phat rakip a keini hi chung suak na ana man nei jui hale keini renna Khrista arui ha jet na an nei, thairim hui ha a mun rakip a atung jui.

¹⁵Ajarko keini hi Khrista ning Pathian jiang akat a rim hui phur anga kan ni. Hava a rim han ring na a mungai jiang le a manga a omngai jiang a tung jui.

¹⁶Amanga a om mingai rang ko a rim han thina ranga arim aluini, tak-ha a ringa a om mingai rang ko ring thei na ranga arim aluini. Hiva chuan a tho tor ha tumo ani?

¹⁷Keini ko Pathian chongsat lal oul mitamngai anga ni masing, tak-ha Pathian chuan sin na lung lut ama ning a chuan sin ranga ana kui ha kan ni. Keini Khrista jiang kan om ma Pathian madonna kan ri ani.