Read Aimol EPHESIA 1 Bible Online

EPHESIA 1 - Aimol bible

EPHESIA 1

¹Pathian ning alui thang suak tirlon Paul Jisu Khrista a nuk jui ning Ephesia hin a om, Khrista nukjui mi thiangai jiang.

²Puma Pathian le Jisu Khrista jiang lungsiat thei nale lunghip na ha nan chunga om rase.

³Pa Pathian Jisu Khrista a pa amaha man pakru. Jisu Khrista tenna keini hi Thavang lam ma phual rakip ramuol hin ana pek jui vanram anga.

⁴Pathian ning ramuol alui sin madonna keini hi ana lui thangjui, hale hivahi puma madonna a thianga om na ranga ani.

⁵Puman ana lungsiat thei jarra Jisu Khrista tenna keini a naingai ana man chang jui hivahi Pathian lungdo alui ni.

⁶Manpak tarei puma lurna le alian naha, a dei tak anai ha keini ranga a man buia kutchoi a na pek jui.

⁷Jisu Khrista thisen han keini anatan ring jui puma lurna le ana lungsiat theina han kan siatna rakip hi ana ngaidam jui.

⁸Hivahi puma ching nale varna tenna ani.

⁹Pa Pathian a lung dei le alung rilla a om chingna le alungdo rakip ha Jisu Khrista jiang a man tho.

¹⁰A ma a lungdo chuan rakip ha pha ahong tung karra khat jak ala manchang rang ke. Vanram ma a om le ramuol la a om rakip Jisu Khrista thuaija a siak rang ke.

¹¹A ma lungdo ngaidon nuk juia irakip alui tho, hale a renga ama chong pek nuk juia alui om.

¹²A rapatak Jisu Khrista alui jet takngai keini puma lurna lianna ha manpak rei.

¹³Hale Pathian chongsat ha nan jet tenna phut ama anai nan hong ni jui.

¹⁴Thavang Thiang ranak han pathian in keini ranga ana siak pe kan loman kan tum kan mu mak kar je ama lurna le alian na ha manpak rei.

¹⁵Nang nin Pathian jiang tak nan ngai na rakip le mi thiang ngai chunga lungsiat nan muha kein ka jet.

¹⁶Hiva jarra kein nangni ranga Pathian manpak le lam na bang chil luia ka nei.

¹⁷Jisu Khrista pa Pathian jiang kein ka lam, a man Thavang Thiang na pek nata chingna nei nanti hale Pathian ha nangni jiang hong kando na ta jet nanti.

¹⁸Nan lung ril mit ham puma jiang a om a var ham mu nanti hale a man ina kui na a jar ham jet nanti, iduk a aman tam mo ini, mithiang ngai ning an mu rang ha.

¹⁹Puma ama raat na han iduk mo kan sunga chuan a tho, ama jiang takngai na a nei mingai ning puma raat na ranak ha an nei.

²⁰Pa Pathian ning Jisu Khrista hi thina tenna a kei thui ja vanram ma puma kut chang tiang hin a man om.

²¹Jisu Khrista ning vanram ma reng a changa ranak rakip hi ama jiang a om jui, hale ama a ming hi ramuol la ming rakip nek a alui lian, han a hong rang phat, nuk hin nom ama ming ang hin om lai noning.

²²Pathian ning irakip hi Jisu Khrista ke thuaija asiak jui, hale biakrupngai Lu ha Jisu ani.

²³Biakrup hi Jisu Khrista a taksa ha ani, hale ama a taksa ha biakrup hin a sip tit a om.