Read Aimol 1 THESSALONIKA 1 Bible Online

1 THESSALONIKA 1 - Aimol bible

1 THESSALONIKA 1

¹Paul, Silas hale Timothi ning Thessalonika biakrup mingai chunga pa pathian le Jisu Khrista jiang a om mi lungsiat thei nale lunghip na ha nan chunga na pek rase.

²Keinin nangni ranga phat rakip a Pathian jiang lam na kan nei hale Pathian ha kan manpak.

³Nang nin Pathian madonna takngai na iduk mo nan nei, hale chuan ha adik khan na nan tho hale Jisu Khrista jiang nan siak lungdo ha a det tia kein in kan ngaidon.

⁴U le naingai puman nangni ha a na lui thang suak jui tihi kan jet.

⁵Chongsat ha kein in nang ni jiang kan hong choi, Chongsat jak nilui a Pathian ranak ha adik chong ani tia nang ni le kan lui om lai han keini ijamo kan om tiha nang nin nan jui.

⁶Nang nin kan nuk nan na jui ha atam nan pong a chang nom chongsat nan lui jui ha ningsat a om, Chongsat ha Pathian Thavang tenna a hong ani.

⁷Hingahin nang nin Makidonia le Akaia hin a om Pathian mingai jiang an jet thei na rang nunchan han om ru.

⁸Nang ni tenna Pathian chong thiang ruia Makidonia le Akaia Sunga an jet jak niluia Pathian jiang nan takngai na ha a mun rakip hin a tung so jui.

⁹Keini kan lui hong karra ija mo nan na lui don? Kut a sin Pathian ha, ija mo nan mak a aring Pathian ha nan jui tia mirakip ning an lui ri.

¹⁰Hale Pathian anai Jisu Khrista vanram tenna a hong rang ha nan lui ngaak. Puma ning thina tenna a hong ringkhir hale Pathian lung thak na tenna keini, ana tan ring jui.