Read Aimol 1 THESSALONIKA 2 Bible Online

1 THESSALONIKA 2 - Aimol bible

1 THESSALONIKA 2

¹Paul ning aluiti ka u ka naingai nang nin nan jet ajarko keinin nangni jang kan lui hong ha a man bui ko nimak.

²Keinin Thessalonika hin kan hong madonna philipi hin khodengthei na a tam kan lui mu tiha nang nin nan jet, hale keini chunga a salui tho atam an om nom pathian in kan chunga rat na a na lui pek, hiva jarra nangi chunga chongsat ha kan ri tor ani.

³Ajarko keini jang a om thavang rat na, hale nang ni jiang kan ri chongsat rakip ha adik lui tenna nimak.

⁴Keini hi pumman a chongsat ri ranga ana thang suak jui. Hiva jarra kein in miringngai lung khop na ranga tho masing tak-ha Pathian lung khop na ranga, ama han kan lung ril la kan ngaidon ha a jet.

⁵Nang nin nan jet, keini hi ani lui chuan tho mi en lal, ka rama chuan tho masing, Pathian shakhi ani.

⁶Pathian tirlon khat changa mi ning an na manpak na ranga nang ni le a dang mingai ning an na manpak rang ha tok masing.

⁷Tak-ha kein in lung nem tak a nan karra kan lui om. Nu khat ning a nai jiang a tho anga kan lui tho.

⁸Ajarko kein in kan na lungsiat jarra Pathian chongsat nang ni jang kan na pek niluia kan ringkhuo hi om nang ni ranga kan na pek ajarko nang nin nom keini ranga nan ngir tit jui.

⁹Ngaidon ru keini khodengthei a pong na kan lui dui, U le naingai ranga sun le jan na chuan kan sin, ka ril chongsat ngaihi nang ni ranga pong na ko lui nimak.

¹⁰Nang ni le Pathian madonna kein in a thianga kan om, a salui omchan che masing.

¹¹Pa khat ning nai jiang ache anga keini om kan che. Nang ni thanuam nale lung thok na chuan ha kan tho.

¹²Hale ringkhuo asat chang na ranga ana kui hi ama rengram lian nale lur na ranga ani.

¹³Pa pathian hi ka manpak chak, ajarko chongsat hi nan jet karra Pathian chong ke tia nan lei lui. Hiva hi Pathian chong tak ha ani. Pathian chong han nan sunga chuan a tho jui.

¹⁴U le naingai nang ni om Judia hin a om biakrup mingai Jisu Khrista a nuk jui ngai anga ni ru, ajarko nang ni om nan mingai ning pong na na pek nanti, Jiwngai ning anmani ha an lui man pong.

¹⁵Tu ning mo puma Jisu Khrista le Pathian chong lui ringai an lui that? Hale keini ngaihi an na manmang a Pathian mu ngaiha lunghui lui an lui pek.

¹⁶Jat a dangai jiang chongsat ri ham an na lui khap anmanin sanring na chong ani tihi lui jet ma u. Tak-ha an siatna ko alui hong khel, Pathian lung thak na ha an chunga a om jui.

¹⁷u le naingai nangni le taksa hin phat bongkhat kan kan sen nom kan lunga ko lui kan sen masing, keinin kan ning ana bui jui.

¹⁸keinin kan hong jot tak-ha, Pual kei hi seitan ning ana chur tit.

¹⁹Kan lungdo ngaihi iduk a ningsat na rang ani! nang ni hi keini ningsat na, kan lungdo, keini ranga mai pak na nan ni puma Jisu Khrista a hong karra.

²⁰A thianga nangni hi keini lian nale ningsat na ha nan ni jui.