Read Aimol 1 THESSALONIKA 3 Bible Online

1 THESSALONIKA 3 - Aimol bible

1 THESSALONIKA 3

¹Keini ning kan lui khang tor mak pha han Athen hin ka thei a om ranga kan lui man sat.

²Hale Timothi Pathian chuan tho ama hi nan karra chongsat ha ri rang le nan takngai na ha na man det pe na ranga kan hong tir jui.

³Han nangni tu khat om nan nuk kir maru, nangni hi kein in kan choi phur rik ha nan ni.

⁴Nan karra kan lui om lai han a rapatak a kan na lui manjet jui, ajarko keini chunga khodengthei na kan la mu rang ke kan luiti ha a hong suak jui.

⁵Kein ka khang torlui jarra Timothi ha ka hong tir jui nan takngai na rakip ha a salui ning manmang ma rase, hale ka sin chuan ngaiha anem na man om ru.

⁶Atunko Timothi a hong kir jui, hale ama ning nan chong hui ngaiha a hong choi hale nan takngai nale lungsiat tak a nan lui mahok na hale nan na mu jot jui tia a na ri.

⁷Han ulenaingai ka khodeng theina rakip hin nan takngai na jarra kein in rat na kan nei jui.

⁸Atunko nang nin puma jiang a det a nan ngir inko keini ring rang kan ni jui.

⁹Atunko puma ha kan manpak tor jui nang ni jarra, Puman kan karra a om jarra ningsat na ama jiang kan nei hi nang ni jarra ani.

¹⁰keinin sun le jan na kan lam kan lung sunga, nang ni le kan mu thei na rang le nan takngai na chunga nasan torna ranga,

¹¹Pa Pathian le Jisu Khrista ning nang ni jiang hong thei na ranga keini rang lam na long pe rase.

¹²Pathian in nang ni khat le khat chunga lung kan siatna pek rase, hale a dang mi jiang om lungsiat ha hong khel rase ajarko kein in nan chunga kan na lungsiat.

¹³Hingahin kan puma Jisu Khrista ning Thavang thiang ngai le a hong phat han Pathian madonna nangni mi thiang khat changa lui om ru.