Read Aimol 2 THESSALONIKA 3 Bible Online

2 THESSALONIKA 3 - Aimol bible

2 THESSALONIKA 3

¹A torna tak a, u le naingai keini ranga lam na neiru. Pathian chongsat ha a rak a mirakip jiang man tungru hale chitlejak alui rase u, nang nin nan lei lui anga.

²Keinin mi saluingai jiang Pathian chongsat ha kan ri torna ranga, mirakip jiang nang nin takngai jot mak.

³Tak-ha puma jiang takngairu, Puma ning mi saluingai tenna na san nati.

⁴Hale keinin kan na pek chena dan ngaiha nang nin nan jui rang ani tia Pathian jiang takngai na kan nei.

⁵Puma ami lungsiat ha jet thei na rang le Jisu Khrista ning ana pek khang thei na han pathian in nan chunga na ruai rase.

⁶U le naingai keini ning nang ni jiang Khrista minga kan na manjet, keinin kan na pek chena dan, a jui lui miha ko nang nin makru.

⁷Keini hi chuan sin na thasiat mi ni masing tihi nangni le kan lui om lai han nan jet jui, Keini anga nang ni om thasiat maru.

⁸Keini chuan sin luia a man buia tu khat jiang bu lam masing tak-ha kan than le kan ranak hin sun le jan na chuan kan sin. Nangni jiang pong na na pek masing.

⁹Hingahin keinin kan rat tia kan tho chang mak tak-ha kan nuk nan na jui thei na ranga kan tho ani.

¹⁰Nangni le kan om lai han kan lui ti. “Tu khat ning chuan a sin mak inko bu nek ma rase”.

¹¹Ajarko nan karra mi aviar ning chuan sin luia a thasiat mi jak an en na an om ti kan jet.

¹²Hava mingai jiang Jisu Khrista minga kan ri ani. Anmani ha ahip adaija an ring na ranga chuan sin rase u.

¹³U le naingai chuan sat tho hi nang ni pong maru.

¹⁴Tu ang khat ning ka chithi hin ka hong jiak chong hi ajui mak inko ama ha makru jak rase.

¹⁵A ma mi salui ani tak-ha enda mit en na ko en maru. U le nai khat anga man jetru.

¹⁶Atunko puma ama lunghip han nan chunga lunghip na pek rase, phat rakip le chuan lam rakip a nan karra om rase.

¹⁷Paul kei ning ka kut tak a ka jiak chithi chong hui ha ani: Hiva chithi chunga hin kein suai ka tho; Hingahin rong kein chithi ka jiak ani.

¹⁸Puma Jisu Khrista a mi lungsiat thei na ha nan chunga le mirakip chunga om rase.