Read Aimol 1 TIMOTHI 2 Bible Online

1 TIMOTHI 2 - Aimol bible

1 TIMOTHI 2

¹A rapatak kein nangni jiang ki na ri ani, ajarko mirakip ning Pathian mangpak nale mi jiang lam pe ha, thoru.

²Ajarko rengngai le a dang alian arang ngaile Pathian ning a man thiang mingai le ahip adai ringkhuo hin adik tak a om thei na ranga ani.

³Hivahi asat ha ani Pathian a na san ringpa lung chum na ha ani.

⁴A ma ning mirakip hi a san ring jot hale mirakip hi adik ha a manjet jot ani.

⁵Ajarko Pathian hi khat jak ani, miring achang a Pathian chong ahong choipa Jisu ani.

⁶A ma a tak tak ning miring ngaiha sanring na anei hava ha Pathian in ana lungsiat na jet na ani. Aphat chap chalai tak hin Pathian ning miring ngaiha asan ring jot.

⁷Hiva jarra kei hi Pathian chong sem ranga an na lui tir hale Jatdangngai karra oja anga an na lui man che ani. Pathian chong ri rang le adik tho rangle, takngai na ranga kein chong adik ha kari ani.

⁸Kein ka dei phat rakip a mingai ning Pathian chubeibuk rase u, hale Pathian jiang a kan pek lut ngai ning Pathian an lam chunga an kut dom rase u, a kan nok le a rang ha om ma rase.

⁹Kein ka dei ko, numeingai ning an puan an diar ngaiha kerep rase u, hale an sam khit a, sana ruphai hin a mel asat na ranga an tho nima rase.

¹⁰Tak-ha an chuan sat han anmani ha, numei sat khat kan ni ti a do rase u.

¹¹Numeingai ning a hip a daija mi lungsiat jet a omra seu.

¹²Kein anmani ha Pasal chung chong ri ranga jot pe making, anmani ha om chian rase u.

¹³Ajarko Adam lam a rapa alui sin hiva suale Eve alui sin ani.

¹⁴Hale chuan salui ha Adam ning lui man tho mak, numei ama ning chuan salui ha alui tho man hale Pathian dan ha a man a man kui.

¹⁵Tak-ha anmani ning Pathian jet a chuan adik an tho a chang inko, nai an nei karra, anmani ha sanring na an mu rang ke.