Read Aimol 1 TIMOTHI 3 Bible Online

1 TIMOTHI 3 - Aimol bible

1 TIMOTHI 3

¹Hivahi chong adik ani tu ang khat ning biakrup a lamkai achang jot aninko ama ning chuan sat ha atho jot ani.

²Ajarko lamkaipu ama ha ko chuan salui tho jot mak: Anumei khat jak ani rang a suak, ju in jot mak, a lung a kan khap tor rang ani, a phat naija chuan tho hale mi don a thei rang, mi manchu a thei rang asuak.

³Ju rui lui, kansual kanse om lui, lung nem ni jai tat lui, hale peisa dei rei lui mi ani rang asuak.

⁴A ma ning a naingai ha asat a aripe theia ama a insung pal ha asat a apal thei rang asuak.

⁵A ma ning a insung tak asat da a en tor mak aninko, ijamo biakrup khat hi a man a en tor rang?

⁶A ma ning Pathian takngai a det khat ha ni rase, animak inko man kan lian na ta seitan ning siatna a chul anga ni nati.

⁷A man biakrup va ralla a om mirakip ning chit jak, an nei mi ha chang rase, hi aninko ama siatna chang kot a chul noning.

⁸Hale biakrup a dikonngai om omchan asat mi ha ni rase u. Anmani ning ju in ma rase u, hale peisa tianga a tam ka ram ma rase u.

⁹Anmani ning a thiang adik ha ni rase u, han an takngai ha a thianga siak rase u.

¹⁰Anmani ning a rapatak dan ha kan en rase u, anmani ning dan en na rakip an tor suale Pathian chuan ha tho rase u.

¹¹An mu mei ngaiha omchan sat ha ni rase u an murtam ma rase, hale chuan rakip a lung thianga ngam na a jot mi ha ni rase u.

¹²Biakrup dikonngai om numei khat jak an nei rang a suak, hale a nai ngaile a insung ngai asat a sin tor rang a suak.

¹³Ajarko dikon chuan na asat a atho tor anmani ha an tak an tak ranga chuan lian an tho ani, hale Jisu jiang a om, takngai na chuan ha adik khan na an tho rang ani.

¹⁴Kei ning hiva chong jiak na ka nei a rak a nang ni le kan mu ret ranga ka ngaidon.

¹⁵Han kein ka hong sot aninko, nang ni jiang chong jiak na hin ka na hong manjet rang ke. Biakrup sunga ijamo kan om rang? Hivahi a ring Pathian in ha ani, adik ngai ngir thei na ranga ranak a om.

¹⁶Pathian chong ruk a thiang ha mirakip ning adik tia an lui. A ma ning mi anga ahong kan lem ma, thavang thiang tenna chuan dik a man tho, thaneithiangngai ning om an lui mu. Phung rakip jiang le jat rakip jiang alui ripe jui, ramuol chunga tak an lui ngaija hale vanram hin alui lut jui.