Read Aimol 2 TIMOTHI 4 Bible Online

2 TIMOTHI 4 - Aimol bible

2 TIMOTHI 4

¹Pathian le Jisu Khrista madonna a thi a ring ngai jiang chong jenna nei nanti, ajarko a man reng khat anga hong na ta vaihom nati.

²Nang in chong thiang ha riru, a phat aninom animak nom, hale khang thei le kan ruaia an lung sunga thanuam na ha pekru.

³Chong thiang adik ha mingai ning an jet lui rang a phat a la hong rang ke. Hale an lungdo lam hin che nan ta anmani ranga oja siak nan ta an kuar an la do rang ke.

⁴Anmani ning chong thiang ha mak nan ta rochi chong lam ha an la ngai rang ke.

⁵Tak-ha nang ni ning phat rakip a kan ning theiru, a khang theiru, Pathian chong sem chuan ha thoru, hale chuan rakip hi Pathian a suak khat kan ni tia thoru.

⁶Kei ning akat phur anga nang ni ranga ka kan pek na rang a phat ha a hong tung jui, hale hiva ringkhuo mak na ranga phat a hong tung jui.

⁷Kei ning ka tor khan na chuan sat ha ka tho jui, ka chuan ha ka tor jui, takngai na ham ka nei jui.

⁸Atunko kein pong man ha lui ranga ka om jui, hiva puma chong jen nikhuo hin, kei jak nimak puma ha lungsiat tak a alui ngak mingai ham hava lo man ha an mu rang ani.

⁹Ching theiru a rak a kei jiang hongru,

¹⁰Demas ning ramuol hui na lam hi a lungsiat a, kei hi ana mak a, Thessolonika hin a che jui, krescen ning Galatia hin hale Taitas ning Dalmatia hin alui che jui.

¹¹Luk jak ha kei le alui om, nang in Mark ha kei jiang hong tuangro, ajarko ama ning kei ka chuan hi a na san tor.

¹²Kein Taichikas hi Ephesia hin ka tir jui.

¹³Nang in na hong karra kei ka puanle ka rabu Troas kar pa hin ka mak ngaiha hong choiro.

¹⁴Aleksandar thir sin pa ning atam ana manmang jui, ama a tho nuk jui a Pathian ning a lom an ha pek nati,

¹⁵nang in na tak tak ranga kan ngak theiro, ajarko ama ning chong thiangai hi manmang na ranga a tho.

¹⁶Kei hi tu khat ning om na lui san ma u, a rapa tak hin, kei ka tak tak ning ka lui kan san, mingai ning kei hi an na lui mak, Pathian ning, anmani ha luingai siat pe ma rase.

¹⁷Tak-ha Pathian ning kei jiang a om hale ranak ha a na pek, hava jarra kei ning chong thiang ha jatdang rakip jiang ka lui manjet tor ani, han thina mun ten nom kei hi a na lui san jui.

¹⁸Pathian ning a satlui rakip tenna ana san rang ke hale puma rengram hin a huia a na man om rang ke. A ma jiang lian nale ma hok na ha ni rase phat rakip a Amen.

¹⁹Kei ning manpak na ka hong nei Prisila le, Aquila le Onesiphoro insung mingai jiang.

²⁰Erasta hi, Korinth hin a om hale Mileta han Trophima ha ka mak, ajarko ama hi alui nat.

²¹Nang in Phabi madonna hongna thoru Eubula, Puden, Linas, le Klaudia ngai ning chubei an na hong pek hale Khristian ulenaingai rakip ning om an na hong manpak.

²²Nan lung sunga Pathian om rase, Pathian manrit ha nang ni rakip jiang om chak rase.