Read Aimol 1 JOHON 1 Bible Online

1 JOHON 1 - Aimol bible

1 JOHON 1

¹Ramuol phut lai tenna kan lui jet, kan mit kan lui mu, O! tak balla kan kut kan them, hava ring na chong ha nang ni jiang ka jiak ani.

²Hiva ring na chong hi mu thei na ani jarra kan mu jui, a tor tibui ring na chong ha Pathian le an lui om ha keinin kan jet, nang ni jiang ka na ripe ani.

³A pa le a nai Jisu Khrista le kan kan chun na ha nang ni jom kan chel thei na ranga, kan mu kan jet ngaiha nang ni jiang kan na ripe ani.

⁴Kan ningsat na hi lungdo tung na ranga hivahi kan jiak ani.

⁵Keini ning a Pasalnai tenna kan jet chong ha nang ni jiang kan na manjet ani. Pathian ko a var ha ani. A ma ko a jing ti om chil lai noning.

⁶keinin ama le kan kan chun kan ti bak a, a jing karra kan om inko, kan chuan tho le kan chong ri na han leisei ha kan ni jui.

⁷Tak-ha ama hi a varra a om anga, keini om a varra kan om a chang inko, Keini an khat le an khat kan kan chun jui, han a pasalnai Jisu Khrista thisen tenna keini ana rasuk thiang jui ani.

⁸Keini siatna neimaksing kan ti inko keini leisei kan ni, hale kan chunga adik ha om mak.

⁹Tak-ha, keini kan siatna ha Pathian jiang kan ri inko ama chongsan adik ha tho nati, hale kan siat nale kan ma sial na ngaihi na man thiang na ta na ngaidam nati.

¹⁰Keini siatna nei maksing kan ti inko, Pathian ha leisei kan man changa achong dik ham keini jiang om mak.