Read Aimol JUD 1 Bible Online

JUD 1 - Aimol bible

JUD 1

¹Jisu Khrista a suak le Jems a u anai chang pui Jud Kei ning Ka pa Pathian ning lungsiat tak a a kui mingai hale puma jiang a omngai, halle Jisu Khrista ning a san ngai jiang;

²Puma ama manrit na lunghip le lungsiat ha nang ni jiang sip rase.

³Ulenaingai! Kei ning nang ni jiang san ring na ruia a rak jiak rang ka ngaidon lai, mi thiang ngai ranga an pek sa Thavang hava ruia lung lut chung suak thei na ranga nang ni jiang ka jiak lam, sat rang ani tia ka ngaidon.

⁴Ajarko mi aviar ning ruk chian na an tan jui, anmanin Pathian chuan ha ale lam tianga ansin, kan puma Jisu Khrista a jot lui mi anni, hava jarra dan chong sunga anmani ranga a kan jiak sake ani.

⁵Nang ni ning chong rakip ha vei khat tak nan ngai aninom, vei khat ka na man ngaidon ret, tiko puma ning Ijip ram sunga mingai ha a san ring suale, takngai lui rakip ha ko a manmang.

⁶Ngaidon ru thaneithiangai tak om an om na hi a mong ti om mak, tak-ha anmanin a tor pu ama chong ha an ngai mak inko amongtibuia khit na ta ajing karra a thuaija siak nati, hale a tor pu puma ning anmani ha thaneithiangngai ha Puma ning a torna chongtan nikhuo han an manmang rang ani.

⁷Ha ang han Sodom le Gomara a sir panga om khuo ngaile an nun chan satlui ha an tho jarra, tak sa omchan salui tho ngaiha a tor ti bui mei khurra an om ha jet na ranga ani.

⁸Hale a kan ang rip omchan salui tho mingai ha, tak sa mang na ranga an tho Pathian ha tak tel ma u ama lianpui na ham esella an ri.

⁹Hava ang han thaneithiang Ulian Maikal ning om seitan le an kan sual lai Mousi tak sa ha an kan chua, Esella a ri jarra a chunga a man ranak lui nei mak, han puma ning ama ha man chu ta rase tia alui kan jiak.

¹⁰Anmani an jet lui i rakip chunga esella an ri anga anmanin an jet nuk juia hava ngaiha anmanin an man rang.

¹¹Anmani ranga pong khodengthei a om! Ajarko anmani ning ken a nuk lam an jui jui, Balaam chunga lam mo an lui pek, anmani ha ruphai an dei anga hava lam tiang an che jui, kora, ning a rang rat, mi sa mak anni jarra i mang pui ang han, anmani om an mang jui.

¹²Hiva ngaihi nang ni le kan lungsiat bule an nek suam pui, a kan thup om lung lianpa, a chit bui a bing jak a kan sella omngai anni, tui kan chel lui sum phai phaivuo ning a sem tan anga ani hale, a rabui, an kel sa a ra jung bui thing kung mui anga ani.

¹³An thei jak a an rang a siat rei a, jak jet lui tui huan anga anni, arsi vuang ti tir anga anni: Anmani ranga a tor ti bui a jing ha an tet jui.

¹⁴Anmani karra hin Adam tenna von choi rui sari tung na Pathian tashanthei Enok in a ri, Enru, “Puma ning a mi thiang ngai lising lising le kan ruoija a hong.”

¹⁵Anmani rakip chongtan na rang le Pathian don lui rakip an tho na chuan rakip ruia siat nei ngai ning Pathian ruia esella an ri na chunga man dik mak na ranga a man a hong.

¹⁶Hiva ngai hi ko mi nuk tiang a chong ri siat, a khop ti bui, an lungdo nuk jui a an che, an nei na rang jak an ngaidon na mi mai en lui, a chong ri an man kan thuai ngaiha anni.

¹⁷U le naingai puma Jisu Khrista a thiamruoingai ning a tuan lai an na lui ripe ngaiha ngaidon ru.

¹⁸Anmanin an lui ti, a torna pha han Pathian lungdo jui luia an lungdo jak an tho ngaiha hong suak nan ta nang ni ha na nok nanti.

¹⁹Anmani ko miringngai rupha khui sen na an lungdo jak an tho hale Thavang Thiang nei lui anni.

²⁰Tak-ha, ka sap ka jar ngai nang niko ruk chian na nan takngai na han asat a ngirru, Thavang Thiang ranak ha lam na neiru.

²¹Hale, puma Jisu Khrista manrit na han nang ni amongtibui ring na na pek rase hale ama hong na rang nan ngak kar han, Pathian lungsiat na ha nan tak chunga man om ru.

²²Takngai torlui ngai jiang manrit na neiru.

²³Mei khurra a omngai ha kei sua ret unang sanru, an omchan satlui, jarra an tak in an kan man tir, mi aviar ngai chunga chit le kan ruaia manrit le lungsiat muro.

²⁴Atunko, nang ni kutsui kesui, na man nei lui ranga a na om pui ningsat a nan lungdo tung nga ama mai kunga, lianpui tak an na man ngir tor.

²⁵keini a na san ringpu kan Pathian khat jak, kan puma Jisu Khrista jarra chitlejak a lurna avarna, ranak le irakip alui suak mak ma a tun nom a neipu ama ha a tor ti bui ha chang rase Amen.