Read Aimol MANJETNA 16 Bible Online

MANJETNA 16 - Aimol bible

MANJETNA 16

¹Hava suale kein rasa a ringa a thiang mun tenna thaneithiang sari jiang an ri a ka jet, “cheru Pathian lung thak na ning a sip kheng kam sa ri ha ramuol la bunru.”

²Thaneithiang an khat thaneithiang ama kheng kam ha ramuol la an lui bun, hale sa jet na a choi ama ha chubei a buk, anmani chunga pong nale ma tir om a tam alui suak jui.

³Anni chang na thaneithiang in ama kheng kam ha tuionglian han a bun jui, hale hava a thi ngai thisen anga ati jui, hale a ring thavangngai rakip tuionglian sunga a om rakip ha an thi jui.

⁴Han an thum chang na ama han a kheng kam ha tui pui rakip le tui suakna a mun rakip a bun jui hale thisen a chang jui.

⁵Tui enpu thaneithiang in a ti ha kein ka jet; a tun nom hale alui ni sa ha om Puma a thiang na ani, adik ham ani, “Ajarko Puma ning hingahin chong alui jen,

⁶ajarko nang nin a thiang ngaile Pathian chong lui ri ngain, thisen an lui bun hale Puma nang in anmani ha thina namanni ha an ra hui ani.

⁷Han a thiang mun na hiva chong an ri kein ka jet,” “Puma Pathian a tor pa nang na chong jen ha adik tak ha ani.”

⁸Hava suale manli chang na thaneithiang in a kheng kam ha ni jiang alui bun, hava han a lum ma mingai ha alui kang jui.

⁹Anmani ha mei ning a kanga hale mingai ning Pathian ha khuo khong na an nei, ajarko Pathian ning ripur man suakna ranak a nei, ha an in nom anmanin an lung thul ma u, Pathian rat nale lian na ha lui manpak ma u.

¹⁰Han ranga chang na thaneithiang in a kheng kam ha sangai ong na mun han a bun karra ramuol hi pum jing a jing jui, hale mingain a nat pe reia an lei an se a an khang.

¹¹Mingai ning a nat pet le an pong reia vanram ma a om Puma khuo khong na an lui nei, tak-ha an siatna chuan lam tenna la hong kir ma u.

¹²Karuk chang na thaneithiang in a kheng kam ha tuipuilian Euphret a bun karra tuipuija tui ha a kanga ni sua tianga a hong rengpa che na lam lam ha alui chang jui.

¹³Hava suale kei ning thavang a thiang lui an thum uchok anga ka mu, anmaningai ha ri reng bai tenna, sangai bai tenna adik lui Pathian chong ri ngai tenna an lui hong suak.

¹⁴Anmani ning bhut ngai thavang jarra a ngak pa an lui tho, hiva thavang an thum ngain reng rakip jiang an lui che, hale Pathian nikhuo a tor nikhuo han ral tho na ranga anmaningai ha an hong kui khom ani.

¹⁵“Ngairu kei hi a ruk anga ka hong rang ke! puon le diar a kan ninga a om ama ha ravansat ha ani, ama ha mitam madonna, puon buija lon noning.”

¹⁶Hava thavangngai ning reng ngaiha a khom ma Hebru chonga Armagedon anti mun han an lui suak jui.

¹⁷Hava suale sari chang na thaneithiang in a kheng kam ha chung van tianga alui bun karra rasa ringa, inn thiang mun na reng ong na mun tenna a hong suak a ti, “Hin a tor jui.”

¹⁸Hava lai tak han ro rile kol adik khan alui kan let jui, hale ning nu a kan nik jui, hiva ning nu kan nik a lian hi ramuol a sin tenna phut a lian tak ani).

¹⁹Khopuilian ngaiha rup thumma alui kan sen jui, ram rakip a om khopuingai ha a manmang jui, hale Babilon khopui ha Pathian lung nat na ha ngaidon khir na a nei jui.

²⁰Simlei rakip alui manmang jui, tang mual rakip alui kan thup jui.

²¹Lung anga angar rial a lian a lian ning mi chunga a hong chul, rial ning a deng mingai han a nat pe reija Pathian ha kho khong na an lui ne i.