Read Aimol MANJETNA 17 Bible Online

MANJETNA 17 - Aimol bible

MANJETNA 17

¹Hava suale thaneithiang saringai karra kheng kam sari a nei ama ha kei jiang a hong a ti, “Hongro; tui pui chungnga a om numei chukluinu khat ha ijamo pong na an pek ti ha na man mu kati.

²Ramuol la rengpa ning omchan salui ama jiang ache, hava omchan salui jui han mirakip ha pum ruija a man rui jui.”

³Thavang han kei a na ruaia ramtong na mun na a na tuong, han puma tak telluija a om, alu sari le a raki som pum sen na a sen sakhat chunga numeinu khat ha kei ning ka mu.

⁴Numeinu han a kan sinheija a man tam phur pai a tho, a kut matirom ti ko omchan salui jak ache a a man sana kheng kam alui lek.

⁵A challa chong ruk alui kan jiak, “Babilon hi ramuol chunga omchan salui ning pumsip a sip jui.”

⁶Hale Pathian mingai thisen han a ruia a om numei khat kein ka mu, hale mingai jiang hava thisen a suakna ajarko Jisu chong ri an lui jui jarra an lui thi ani.

⁷Thaneithiang ning ana dingkel, “Ijarra mo nangak?” Numeinu le a maning a choi sa alu sari a raki som jiangnga ruk chuan ha kei ning na ri pek ati.

⁸Sa phat khat ako a ring, tak-ha a sot lui ring mak, a man mei khur tenna hong suak na ta mingai manmang rang ani, ramuol la a om mingai ning an ming ngaiha ring na rabu han ko lui kan jiak mak anmanin sa ning i tho ha pum ngak an ngak rang ke, ama ha phat khat ko a ring, a tun ko ring lai mak, tak-ha vei khat ala hong suak rang ke.

⁹“Hivahi jet nale ching na ani, alu sari ha tangbung sari ani, numeinu ning hava chunga a ong anmani ha reng sari an lui ni.

¹⁰Reng ranga ko a bang jui, rengkhat lam a hong jui, rengkhat hi hong rang ani, ama ning phat bongkhat jak aput rang ke.

¹¹Hale alui ni hale ani lai lui sa ama ha ka riat chang na ham ani, hale sari chang na ham ani, hale a man ani luija ache.”

¹²“Saraki som na mu ha rengram ala mu khir lui reng somngai anni, an ma ni an reng ha la phut ma u, tak-ha anmani jiang reng chang ranga ranak pek nanta pungkhat jak sale an kan ruai rang ani.

¹³Hale anmanin an lung khat a om, hale anmanin sa jiang ranak ha an lui pek.

¹⁴Hiva ngai ning belram chunga ral tho nanti, tak-ha belram han tor nati, ajarko kan puma ama ko renga reng chung nung, puma ama ha ani, hale Puma ning a kan ruai pui, athang suak, hale ama jiang takngai rakip ning om an tor.”

¹⁵Hale a man kei jiang a ti, tui pui chunga a ong numei chuk lui ni mu ha mitamngai, jatngai, hale chong a tam ngaiha ani.

¹⁶Hale nang in ni mu a raki som a om sa han, a chuk lui numei ha an ma tirra ama ha man mangrang le puan bui an manom, hale a taksa ham an chak, mei ning a kang vam jit.

¹⁷Hale Puma Pathian i ngaidon rakip tho torna rang a lung khat man chang a ama chong rakip pui a tung mak kar je sa ama rengram pek na rang, Puman a lunga a pek jui.

¹⁸“Han na nang ni ni mu numei ha ramuol chunga reng rakip chunga vai hom khopui ha ani.”