Read Aimol MANJETNA 19 Bible Online

MANJETNA 19 - Aimol bible

MANJETNA 19

¹Hava suale kein mitam rasa anga vanram hin ka jet, a man a ti, “Pathian man pakru! kum sot ring na, mahok lian na a rat na rakip kan puma ama jiang a om.

²A man chong hi adik a jen, ama ning numei chukluinu omchan ha jot mak, ramuol hi a man a chur a omchan salui han, Puma ning a man pong ajarko ama ning Pumma suakngai ha alui that.”

³Veikhat anmanin an khek ret, “Puma man pakru, mei khu khur tenna a hong mei han khopuilian ha pha rakip ranga a manmang jui.”

⁴Ulian somni leimali jiba manli ngai an hong chulla Puma chubei an hong buk. Tu mo reng ong na han alui ong? Anmanin anti, “Amen Pathian man pakru.”

⁵Hiva suale reng ong na tenna a hong rasa khat ning a ti, Pathian ha man pakru, ama a suak rakip, mirakip a sin a lian le ama jiang a thiang mingai hale,

⁶han kei ning mitam rasa ka jet, tui kan nok rasa ang le kolkanlet anga alui ring, anmanin anti, Pathian ha man pakru, ajarko, Pathian ha irakip a tor pa le reng chung nung ha ani.

⁷Kan ning mansat rei, ama lian nale rat na ha choi lom rei, ajarko, belram mui ruai na phat ha a hong jui, hale a numei chang rang nu ha a kan ning chak jui.

⁸A ma jiang puon nal puon thiang ha an pek jui, limon puon nal ha Pathian chuan sat a tho ngaiha anni.

⁹Hava suale thaneithiang in kei jiang a na ti, “Hivahi, jiakro belram mui ruai ranga a kui mingai ha ravansat ha anni, hale thaneithiang in arideret, hin Pathian chong dik ngaiha a om.”

¹⁰Kein a ke kung a chubeibuk ranga ka kiak jui, tak-ha a man kei jiang tho maro a ti, kei hi na sap khat ka ni hale na u na nai ha ka ni, Jisu ning a ti “Adik a om rakip ning Pathian chubei an buk ani, ajarko adik chong Jisu ning i naman jet rakip ha Pathian chong lui ri ngai jiang a manjet ani.”

¹¹Hiva suale kein vanram kot inn khar a kan long ha ka mu, han sakor ngui khat alui om, hava sakor a chuang pa ha chong ngaile adik anti, adik lam ma a man ral a tho.

¹²Puma ama mit ko mei rui anga a var, ama sana lu khu a tam alu han a hup, ama a mingngai ha a tak chunga a kan jiak, tak-ha ama ni lui a tu khat innom lui pa suak ma u.

¹³A kan khit na rui ha thisen ning alui khu, ama mingko Pathian chong ha anti.

¹⁴Vanram ma a om ralmingai ning ama ha an jui, Sakor nguiha a chuanga puon thiang nguiha alui tho.

¹⁵A ma a bai sung tenna chem ngaiha a hong suak, hava chem han jat rakip ha a tor rang ani, a man mingai ha thir ruija vai hom nati, hale a man Pathian a jot lui ju sung na mun ha a sir.

¹⁶A thir ruija le a el chunga a ming a kan jiak, reng karra reng chung nung Pathian karra Pathian chung nung ani.

¹⁷Han thaneithiang khat ni chunga a ngir ha kein ka mu, a man a ringa alui khek, chunga a vuang vangai jiang a ti, kan khom chun nang hongru, Pathian bu nek ranga,

¹⁸Hongru hong chakru rengngai taksa me ralmi a lianngai taksa me a neingai taksa me a sin a lian taksa me ngaiha hong chakru.

¹⁹Hava suale kein sa khat le ramuol reng khat ka mu, hale anmani ral mingai an kan khomma sakor a chuang pa jiang ral tho ranga an lui om.

²⁰Sa ngaiha pong na mun han an tuong ani lui chong ri ngaile kan ruaia anmanin a ngak pa chuan ngaiha ama madonna an tho, hava chuan ha sa ning a jet na ranga a om mingai le kut sin phur chubeibuk ngaiha an lui tuang jui, anmani ha amongtibui mei khurra an lui thun jui.

²¹Sakor chunga a om pa a bai sung tenna a hong suak chem han hava ral mingai ha an that jui, hale vate rakip ning an tor khan na anmani ha an lui c hak ju i.