Read Aimol MANJETNA 21 Bible Online

MANJETNA 21 - Aimol bible

MANJETNA 21

¹Kei ning vanram a thar khat le ramuol a thar khat ka mu a rapa ramuol le vanram ha ko a mang jui, hale tuionglian tui pui ham a mang jui.

²Hale kein khopui a thiang Jerusalem a thar ha ka mu, Pathian ning vanram tenna a hong man suak, kan ning taru mui nu ning a pasal kan mu ranga an ngak anga.

³Kein rasa a ring tak khat reng ong na mun tenna ka jet, “Atunko Pathian om na hi mingai karra ani jui, a man mingai le om rang ani jui. Anmani ha ama mi chang rang an nijui, Pathian nom anmani le Puma Pathian chang rang anni.

⁴A man an mit tui ngaiha not pe rang ani jui, hava han thina om lai noning, pong khodengthei a chap om lai noning, phur aluingai rakip ha a mang so jui.”

⁵Hava suale reng ong na mun na a ong han a ti, “Atunko kei ning phur rakip hi ka man thar jui!” a man kei jiang om a ti “Jiakro hiva chongngai hi adik ani tia ngairo.”

⁶Hale a man a ti, “Hivahi ka tor jui, kei hi a phut nale a torna ha ka ni. Tu anga a tui ral ama ning kei jiang ring na tui ha a man buija hong in rase.

⁷Tu ang khat ning ral a tor, ama ning kei tenna hivahi mu nanti.

⁸Tak-ha a chuk lui ani lui chong ri mi that omchan salui ache, ani lui kut a sin phur chubei a bukngai rakip ko amongtibui mei khurra om rang anni, hivahi veini tung na thina ha ani.”

⁹Thaneithiang saringai karra khat ning kheng kam sari ham rile rai sari a lek kei jiang a honga a ti, “Hongro kein mui ruai rang nu na man mu kati,”

¹⁰Thaneithiang in kei hi a na ruai a kei tangbung sang na tak a na tuanga a man Pathian tenna a hong a thar Jerusalem ha a na man mu.

¹¹Pum varra a var Pathian lianpui na khopui ha a man tam lung anga alui var.

¹²Hava han pal a lian a sanga a om, han inn khar somleini alui om, thaneithiang somleini ning hava kot an ngak, hava kot han Israel phung somleini ming ha alui kan jiak.

¹³Asir a pang rakip kot an thumje a om, ni sua tiang kot an thum, martiang kot an thum, taitak tiang kot an thum, hale simtiang kot an thum alui om.

¹⁴Khopuia a om pal ngaiha lungpui somleini hin an phun, hava lung chunga belram tirlon somleini ming ha alui kan jiak.

¹⁵Hale khopui le hava palngai dan uol na ranga kei jiang sana rui a om tia thaneithiang in a na ti.

¹⁶Khopui ha aki manli a om a khang le a dung a kan ang, pum changa alui chang, thaneithiang ning khopui ha a uol jui hava 2500 a sei. Mi le lising khat re ranga a khang ham hangahan alui ni, hale a sang om hava khan na alui sang.

¹⁷Thaneithiang in pal ha alui uol hale ama ning a uol nuk juia hava ha meter som ka ruk alui sang a ti.

¹⁸Hava pal ha jaspar lunga an lui sin, khopui han sana thianga an sin, glass likli a var anga a var.

¹⁹Khopui pal ranga a om lung ngaiha a man tam lung ngaiha ani, a rapa tak lungpui ha jaspar ani, anni chang na lung lam ha sapphire, an thum chang na lam ha a gate, manli chang na lam ha emerald ani.

²⁰Ranga chang na lam onyx, ka ruk chang na lam karneilian, sari chang na lam yellow quarty, ka riat chang na beryl, kua chang na lam topaz, som chang na lam chalcedony, somleikhat chang na jecinth somleini chang na lam amethyst alui ni.

²¹Kot somleini ha rang ka chak somleini ani, kot rakip ha rang ka chak khat jak in an sin ani, khopui lon na lam ha sana thiang likli anga a var han an lui sin.

²²Kot somleini hi rang ka chak somleini ani, kot rakip ha rang ka chak khat jak in an sin ani, khopui lon na lam ha sana thiang likli anga a var han an lui sin.

²³Hava khopui ha ni le sortha ning lui var mak, ajarko Puma lianpui na han pum varra a var, belram ama ha ning a var alui ni.

²⁴Mingai ham hava a varna thuaija an lon na, hale ramuol la rengngain an nei lal ngaiha hong choi nanti.

²⁵Khopui kot ngaiha sun sot a kan longa a om, anmani ning kot kharma u, ajarko hava han jan lui om mak.

²⁶Jatrakip lian na rat na ha hiva khopui hin hong choi nanti.

²⁷Tak-ha a thiang lui mi, ani lui chuan tho, mi salui ngaiha ko, khopui hin lut jot mak, tak-ha, belram ama ring na rabu sunga a ming a omngai rakip ko khopui han an lut rang ani.