Read Aimol MANJETNA 22 Bible Online

MANJETNA 22 - Aimol bible

MANJETNA 22

¹Thaneithiang in ring na tui pui a var an khat Pathian ong na tenna a hong suak ha a na man mu.

²Hava tuipui ha khopui sung alai tenna a hong ani, tuipui sir rakip ring na thing kung a om, han kum khat sunga veisomleini aluira, thar a cham ara, hava thingna ngaiha jat mirakip dam na ha ani.

³Khopui sung han Pathian kho khong a tung mi om ma u, Pathian ong na mun le belram jak khopuija om nanti, han mingai ning Puma chubei buk nanti.

⁴Anmanin Puma mai suo ha mu nanti, hale Puma a ming ha an chal la jiak pe nati.

⁵Jan nom om lai noning, hale anmanin thai mei var le ni var tokno ni u, ajarko Pathian ning anmani ranga a var ha ani; hale anmanin reng ong na han phat rakip a vai hom nanti.

⁶Han thaneithiang in kei jiang ana ti, “Hiva a hong ngaihi adik ani, takngairu, han Puma ning Pathian chong lui ri ngai jiang thavang a pek a mingai jiang sotluija, a hong suak rang chuan ngai ha a manjet jui.”

⁷Jisu ning a ti, “Ngairu!” “kei a rak hong rang ka ni, Pathian chong thiang rabu chong a jui ngaiha ravansat anni.”

⁸Johon kein hiva ngai hi ka mu suale ka ngai suale thaneithiang ke kung a ka lui kiak, han ama ning hiva ngai hi a na man mu, kein chubei ka lui buk.

⁹Tak-ha ama ning kei jiang a na ti, “Chubei na buk maro, kei ko nang le Pathian chong ri na u na nai le, Pathian chong jui ngai rakip le Pathian suak kan chang ani, Pathian ha chubei bukro.

¹⁰Han a man kei jiang ana ti, chong ngaiha hangan siakchian maro, ajarko a phat a hong nai jui.

¹¹Pathian chuan tho lui ama han hangahan om rase, a chok ama han hangan chok om rase, hale Pathian chuan tho ama han hangan chuan sat ha tho rase, hale a thiang ama han a thianga om rase.

¹²Jisu ning a ti, enru, kei a rak a hong rang ka nijui; kei ning lo man ki hong choi rang ke, an chuan tho nuk juia mu nanti.”

¹³Kei a phut nale a torna ha ka ni.

¹⁴Ring na thing kung nga che na rang nga, le khopui kot a lut na rung nga an puan rasuk thiang ngaiha ravansat ani.

¹⁵Tak-ha ani lui atho mingai le omchan salui ache mi khat, kut a sin Pathian chubei a buk le leisei tho, hava mingai ha ko, khopui va ralla om nanti.

¹⁶Jisu kei ning ka tirlon ngaiha hiva chong ri ranga biakrup rakip ka hong tir jui, kei hi David inn sunga ama phung tenna ka hong ani, kei hi a var sisor a var ha ka ni.

¹⁷Thavang le mui thar nu ning anti. “Hongru hiva a jet ngai ning om ti rase u. Hongru, a tui ral rakip ning hongru, ring na tui hi in rase u.”

¹⁸Kei Johon ning ka na manjet hiva Pathian chong thiang rabu rakip chunga a man khel de aninko, Pathian ning ring na thing kung le khopui hui na tenna, hale rabu sunga alui jiak rakip tenna ama tum ha an lui suak pe rang ani.

²⁰Hiva chongngai alui ri Puma ama ning alui ti, “kei a rak hong rang ka ni,” Amen, Puma Jesu “Na hong pero.”

²¹Puma Jisu Khrista lungsiat na mirakip jiang om rase: Amen.