Read Aimol MANJETNA 8 Bible Online

MANJETNA 8 - Aimol bible

MANJETNA 8

¹Belram ning sari chang na sil an nam sa che chun a hong long karra pha dan a her duk pum daija a dai rip.

²Hiva suale kein thaneithiang sari Pathian madonna an ngirha ka mu, han anmani jiang pengkul sari an lui pek.

³Thaneithiang a dang khat a rim hui halna sana phur khat a lek a thiang na mun na a hong ngir, ama jiang a rim hui a tam a pek, a man Puma reng ong na madonna a thiang phur pek nale chubei an buk an lui pek.

⁴Hale thaneithiang kut tenna phut a rim hui an khat le kan ruaia a rim hui ha Pathian jiang ache jui.

⁵Hale thaneithiang in hava a rim hui hal na ha a luia mei alui thun, hale a man ramuol hin a hong pei karra rasa a tam a hong suak, kol alui kan let, hale ning nu a kan nik.

⁶Hava suale thaneithiang sari ning Pengkul sari hi anmani jiang tum ranga an lui pek.

⁷Thaneithiang an khat chang na pa ning a pengkul alui tum karra, rialle mei a hong suak, thisen le a kan jella ramuol hin alui hong deng juan, simlei rup an thumma rup khat hi, meija a kang hale, ramsul a ring rakip ham a kang jui.

⁸Anni chang na thaneithiang ning a pengkul a hong tung karra tangbung lian khat a kanga hale, tuionglian na a hong chulla tuionglian ha rup thumma rup khat ko thisen alui chang.

⁹Tuionglian sunga a ring jiba rup thumma rup khat an thi, hale rokuang rup thum sunga rup khat ko alui mang,

¹⁰an thum chang na thaneithiang ning a pengkul a hong tung karra, mei anga arsi ning a kanga chung van tenna a hong chul hale tui pui rup thumma rup khat hale a dang tui suakna rakip han alui hong chul.

¹¹Hiva arsi a ming ko a kha ha anti, “Tui hi rup thumma rup khat hi pum kha va alui kha,” hava tui ha an in jarra ani.

¹²Hale thaneithiang manli chang na pa ning a pengkul a hong tung karra ni le, sortha, arsi an var rakip ham rup thumma rup khat alui mang, sunthum le jan thum sunga rup thum sunga rup khat ko a var lui om mak.

¹³Han kei ning ka jet, ka mu thaneithiang khat ning chunga an sanga a vuanga a hong khek, chit na a om, midang a om ramuol chunga a omngai ranga, ning dong a om, pengkul rasa alui hong karra a dang thaneithiang an thum ning om hong khek rang an tho.