Read A'ingae Génesis 36 Bible Online

Génesis 36 - A'ingae bible

Génesis 36

¹Vandeccu tsu Esaú omba'su dushundeccu. Nane Esaú faesu inise tsu Edom.

²Esaúja Canaán ande'su pushesundeccuma pushe. Fae'cco tsu hitita'su a'i Elón onque'nge Ada. Faesu tsu Aholibama. Tsa tsu heveo'su a'i Zibeon dutssi'ye Aná onque'nge.

³Toya'caen faesu tsu Ismael onque'nge Basemat. Tsaja Nebaiot antian.

⁴Adanga Esaú du'sian'cho tsu Elifaz. Basematnga du'sian'cho tsu Reuel.

⁵Toya'caen Aholibamanga du'sian'cho tsu Jeús, Jaalam toya'caen Coré. Vandeccu tsu Esaú toya Canaán andeni can'jeinte du'sian'chondeccu.

⁶Esaúja tise antian Jacob'ye joqquitssiye in'jamba poiyi'cco tise pushendeccu, tise dutssiyendeccu, onquengendeccu toya'caen poiyi'cco tisei'ccu canjensundeccuma'qque ccani anga. Pa'cco tise Canaán andeni can'jemba gana'cho toya'caen tise atapoen'cho aiña'choma'qque anga.

⁷Nane dos tsa'caen tsain'bitsse an'biamba osha'fambi fae'tti can'jeñe. Toya'caen tise'pa can'jen'cho ande'qque poimbe aiña'chondeccu an'jeña'chove nepimbi.

⁸Tsa'cansi Esaú, tsa Edomjan, ccotta'cco'su Seir andeni canseye ja.

⁹Vandeccu tsu Esaú omba'su dushundeccu ccotta'cco'su Seir andeni cansesundeccu. Esaú omba'su dushundeccuma tsu inisian'fa edomitandeccuve.

¹⁰Va tsu Esaú dutssiyendeccu inise: Tise pushe Ada du'shu, Elifaz; tise pushe Basemat du'shu, Reuel.

¹¹Elifaz dushundeccu tsu Temán, Omar, Zefo, Gatam toya'caen Cenaz.

¹²Toya'caen Elifaz tise ambian'cho Timnanga du'sian'cho tsu Amalec. Vandeccu tsu Esaú pushe Adambe omba'su dushundeccu.

¹³Reuel dushundeccu tsu Nahat, Zera, Sama toya'caen Miza. Vandeccu tsu Esaú faesu pushe Basemat omba'su dushundeccu.

¹⁴Toya'caen Esaú faesu pushe Aholibama dushundeccu inise tsu Jeús, Jaalam toya'caen Coré. Aholibama tsu Zibeón dutssi'ye Aná onque'nge.

¹⁵Esaú omba'su dutssiyendeccumbe nasundeccu tsu qquen: Esaú dutssi'ye coenza Elifaz dutssiyendeccumbe nasundeccu tsu Temán, Omar, Zefo, Cenaz,

¹⁶Coré, Gatam toya'caen Amalec. Tsendeccu tsu Elifaz dutssiyendeccu, Edom andeni'su nasundeccu. Poiyi'cco tsu Esaú pushe Ada omba'su dushundeccu.

¹⁷Esaú dutssi'ye Reuel dutssiyendeccumbe nasundeccu tsu Nahat, Zera, Sama toya'caen Miza. Tsendeccu tsu Reuel dutssiyendeccu, Edom andeni'su nasundeccu. Poiyi'cco tsa Esaú pushe Basemat omba'su dushundeccu.

¹⁸Toya'caen Esaú pushe Aholibama, tsa Aná onque'nge dushundeccumbe nasundeccu tsu Jeús, Jaalam toya'caen Coré.

¹⁹Poiyi'cco tsendeccu tsu Esaú, tsa Edom, aindeccu'su nasundeccu.

²⁰Horeo'su Seir aindeccu tseni canjensundeccu tsu Lotán, Sobal, Zibeón, Aná,

²¹Disón, Ezer toya'caen Disán. Vandeccu tsu horeo'su nasundeccu, tsa Edom ande'su Seir omba'su dushundeccu.

²²Lotán dushundeccu tsu Hori toya'caen Hemam. Lotán que'tte tsu Timna.

²³Sobal dushundeccu tsu Alván, Nanahat, Ebal, Sefo toya'caen Onam.

²⁴Zibeón dutssiyendeccu tsu Aja toya'caen Aná. Tsa Aná tsu tise yaya Zibeón borondeccuma a'i menia coira'jepa tsa'ccu sombo'ttima atte'su.

²⁵Aná dutssi'ye tsu Disón, tise onque'ngeja Aholibama.

²⁶Disón dutssiyendeccu tsu Hemdán, Esbán, Itrán toya'caen Querán.

²⁷Ezer dutssiyendeccu tsu Bilhán, Zaaván toya'caen Acán.

²⁸Disán dutssiyendeccu tsu Uz toya'caen Arán.

²⁹Horeondeccu'su nasundeccu tsu Lotar, Sabal, Zibeón, Aná,

³⁰Disón, Ezer toya'caen Disán. Tsendeccu tsu Seir andeni canjen'su Horeo antiandeccu'su nasundeccu.

³¹Israendeccu toya na'suve ccutsiambi'te tsu vandeccuja Edom ande'su nasundeccuve dapa manda'fa.

³²O'tie tsu Beor dutssi'ye Belaja Edom na'su. Tise canqque tsu Dinaba qquen inisecho'cho.

³³Bela pasi tsu Bosra canqque'su Zera dutssi'ye Jobabja na'suve da.

³⁴Jobab pasi Temán ande'su Husam na'suve da.

³⁵Husam pasi Bedad dutssi'ye Hadad na'suve da. Tiseja Moabni japa Madián aindeccuma patsu'su. Tise canqque tsu Avit qquen inisecho'cho.

³⁶Hadad pasi Masreca canqque'su Samla na'suve da.

³⁷Samla pasi Rehobot canqque'su Saúl na'suve da. Tsa Rehobot canqque tsu na'en otafani.

³⁸Saúl pasi Acbor dutssi'ye Baal-hanán tsu na'suve da.

³⁹Baal-hanán pasi Pau canqque'su Hadadja na'suve da. Tise pushe tsu Mehetabel, tsa Mezaab dutssi'ye Matred onque'nge.

⁴⁰Vandeccu tsu Esaú dutssiyendeccu'su antiandeccumbe inise. Nane tise'pa inise tsu tise'pa canqque inise toya'caen tise'pa aindeccumbe inise: Timna, Alva, Jetet,

⁴¹Aholibama, Ela, Pinón,

⁴²Cenaz, Temán, Mibzar,

⁴³Magdiel toya'caen Iram. Esaú faesu inise tsu Edom. Tsendeccu tsu Edom'su nasundeccu. Tise'pa can'jen'cho ande tsu tise'pa iniseningae inisian'cho.