Read A'ingae Génesis 5 Bible Online

Génesis 5 - A'ingae bible

Génesis 5

¹Va tsu Adán omba'su dutssiyendeccumbe inisema tevaen'cho. Chigaja a'ima agattoemba tsu tisia'caen agattoen.

²Toya'caen tsu tsandie, pushesuve agattoen. Agattoemba tise'pama ñotsse tsoña'chove afapa a'ive inisian.

³Adánjan ciento treinta canqque'fave an'bian'ni tise dutssi'ye Setve isu. Ñoa'me tsu tiseja tise yaya Adán'cañi.

⁴Omboe Adánjan faesu ochociento canqque'fave can'jemba ti'tsse tsu tsandie, pushesu du'shuve an'bian.

⁵Nane noveciento treinta canqque'fave can'jemba tsu pa.

⁶Setja ciento cinco canqque'fave an'bian'ni tise dutssi'ye Enósve isu.

⁷Omboe Setja faesu ochociento siete canqque'fave can'jemba ti'tsse tsu tsandie, pushesu du'shuve an'bian.

⁸Nane noveciento doce canqque'fave can'jemba tsu pa.

⁹Enósja noventa canqque'fave an'bian'ni tise dutssi'ye Cainánme isu.

¹⁰Omboe Enósja faesu ochociento quince canqque'fave can'jemba ti'tsse tsu tsandie, pushesu du'shuve an'bian.

¹¹Nane noveciento cinco canqque'fave can'jemba tsu pa.

¹²Cainánjan setenta canqque'fave an'bian'ni tise dutssi'ye Mahalaleelve isu.

¹³Omboe Cainán faesu ochociento cuarenta canqque'fave can'jemba ti'tsse tsu tsandie, pushesu du'shuve an'bian.

¹⁴Nane noveciento diez canqque'fave can'jemba tsu pa.

¹⁵Mahalaleelja sesenta y cinco canqque'fave an'bian'ni tise dutssi'ye Jaredve isu.

¹⁶Omboe Mahalaleelja faesu ochociento treinta canqque'fave can'jemba ti'tsse tsu tsandie, pushesu du'shuve an'bian.

¹⁷Nane ochociento noventa y cinco canqque'fave can'jemba tsu pa.

¹⁸Jaredja ciento sesenta y dos canqque'fave an'bian'ni tise dutssi'ye Enocve isu.

¹⁹Omboe Jaredja faesu ochociento canqque'fave can'jemba ti'tsse tsu tsandie, pushesu du'shuve an'bian.

²⁰Nane noveciento sesenta y dos canqque'fave can'jemba tsu pa.

²¹Enocja sesenta y cinco canqque'fave an'bian'ni tise dutssi'ye Matusalénme isu.

²²Enocja ñoa'me Chiga in'janqquia'caen canse. Matusalénme isusi Enocja faesu tresciento canqque'fave tsa'caen can'jemba ti'tsse tsu tsandie, pushesu du'shuve an'bian.

²³Nane Enocja tresciento sesenta y cinco canqque'fave can'jen.

²⁴Tsa'ma Chiga in'janqquia'caen cansesi Chigaja tisema anga. Nane pambe'yi tsu metsse da.

²⁵Matusalénjan ciento ochenta y siete canqque'fave an'bian'ni tise dutssi'ye Lamecve isu.

²⁶Omboe Matusalénjan faesu seteciento ochenta y dos canqque'fave can'jemba ti'tsse tsu tsandie, pushesu du'shuve an'bian.

²⁷Nane noveciento sesenta y nueve canqque'fave can'jemba tsu pa.

²⁸Lamecja ciento ochenta y dos canqque'fave an'bian'ni tise dutssi'yeve isu.

²⁹Isusi tisema inisian Noéme. Nane Lamecja su: “Na'su Chiga andema egae tsonsi ñotsse sho'yombisi gi paya'ngae vanamba sema'jen'fa. Tsa'ma va du'shuja ingima ño'faen'su tsu ingi tive quimbisa'ne,” qquen supa du'shuma inisian Noéme.

³⁰Noéme isusi Lamecja faesu quiniento noventa y cinco canqque'fave can'jemba ti'tsse tsu tsandie, pushesu du'shuve an'bian.

³¹Nane seteciento setenta y siete canqque'fave can'jemba tsu pa.

³²Noéjan quiniento canqque'fave an'biamba du'siañe ashaemba tise dutssiyendeccu Sem, Cam, toya'caen Jafetve isu.