Read Akha Aˇ dahˬ 36 Bible Online

Aˇ dahˬ 36 - Akha bible

Aˇ dahˬ 36

¹Heu-aˬ, Eˬdoˬ lehˇ kuˇ-euˬ Iˇsawˇ-euˬ zaˬ deuˬ uˆ deuˬ meh.

²Iˇsawˇ-aˬ, Kaˬnaˬ miˇ kʼahˬ-ahˇ jawˇ-eu zaˬ miˬ zaˬ deuˬ-ahˇ sheuˬ-euˬ meh. Aˬ yawꞈ-euˬ miˬ zaˬ kʼoeˇ deuˬ-aˬ, Heˬtaˆ tsawˇ jeuˬ Eˇloˬ-euˬ aˬ buˇ Aˬdaˇ, Hiˇbiˇ tsawˇ jeuˬ Ziˇbyoˬ-euˬ aˬ li Aˇnahˬ-euˬ aˬ buˇ Oˬhoˬliˇbaˬmaˇ hawˇ-eu,

³Iˇshaˬmeˬlaˇ-euˬ aˬ buˇ Naˬbaˬyoˇ-euˬ dmˇ ma Baˬseˬmaˇ meh.

⁴Aˬdaˇ gʼaˬ o neh Eˇliˇpaˬ dehꞈ le-awˇ, Baˬseˬmaˇ gʼaˬ o neh Yoeˬlaˇ dehꞈ le-euˬ meh.

⁵Oˬhoˬliˇbaˬmaˇ gʼaˬ o neh dehꞈ le-euˬ deuˬ-aˬ, Yuˇshaˆ, Yaˬlmˬ, Kawˇlaˆ, aˬ ha smˬ mehˇ nmˇ meh. Iˇsawˇ-euˬ aˬ li heu deuˬ dawˬ tawˆ luꞈ, Kaˬnaˬ miˇ kʼahˬ laꞈ kʼoeˇ dehꞈ le-euˬ meh.

⁶Iˇsawˇ-aˬ, aˬ yawꞈ-euˬ miˬ sawˇ zaˬ dawˬ tawˆ luꞈ hawˇ-eu, aˬ yawꞈ-euˬ tsawˇ haˬ dawˬ tawˆ luꞈ sheuˬ-awˇ, aˬ yawꞈ-euˬ jeˬ zaˬ dawˬ tawˆ luꞈ teh-awˇ, Kaˬnaˬ miˇ kʼahˬ-ahˇ jawˇ ngeh aˬ yawꞈ neh kʼaˇ mˇ kʼaˇ shaˇ za-euˬ pyuˇ shuiˇ myawˬ gahˬ dawˬ tawˆ luꞈ kʼawꞈ yuˇ-awˇ, Yaˬkoˆ jawˇ gaˇ neh gaˇ mahˇ kaˬ-eu miˇ kʼahˬ-ahˇ jawˇ-iˇ-eu lehˇ doˆ-iˇ-euˬ meh.

⁷Aˬ jeˬ miˇ neh ehˇ naˇ, aˬ nyaꞈ nmˇ-euˬ jeˬ zaˬ myaˬ dui dui-eu miˇ neh, aˬ yawꞈ nyaꞈ nmˇ jawˇ luꞈ-eu miˇ kʼahˬ laꞈ kʼoeˇ tiˬ kawˆ loꞈ-ehˇ maˬ jawˇ deˇ nya ni pyeuꞈ laˇ taˬ-euˬ meh.

⁸Kʼoeˇ miˇ neh, gawˬ jawˬ gawˬ duˇ gʼawˬ mya ni jaˆ-eu Eˬdoˬ miˇ kʼahˬ paw Iˇsawˇ jawˇ daˆ leˇ-euˬ meh.

⁹Heu-aˬ, Eˬdoˬ tsawˇ jeuˬ-euˬ aˬ da yaw dzahˇ gʼaˬ pyeuꞈ-eu Iˇsawˇ-euˬ zaˬ deuˬ uˆ deuˬ meh.

¹⁰Iˇsawˇ-euˬ aˬ li deuˬ-euˬ tsawˇ myahˇ heu loꞈ-ehˇ meh. Iˇsawˇ-euˬ miˬ zaˬ Aˬdaˇ o neh jawˇ le-euˬ gʼaˬ-aˬ, Eˇliˇpaˬ pyeuꞈ-awˇ, Iˇsawˇ-euˬ miˬ zaˬ Baˬseˬmaˇ o neh jawˇ le-euˬ gʼaˬ-aˬ, Yoeˬlaˇ meh.

¹¹Eˇliˇpaˬ-euˬ aˬ li deuˬ-aˬ, Teˬmaˬ, Awˇmaˬ, Zeˬpawˬ, Gaˬtmˬ, Gaˬnaˆ aˬ ha mehˇ nmˇ meh.

¹²Kʼoeˇ uˬ taꞈ, Eˇliˇpaˬ-euˬ ma nyiˇ Tmˇnaˬ o neh, Aˬmaˬlehˇ lehˇ myahˇ-euˬ aˬ li tiˬ li jawˇ le-euˬ meh. Kʼoeˇ taˆ paw ehˇ dzeuˇ yaꞈ-euˬ tsawˇ haˬ heu deuˬ-aˬ, Iˇsawˇ-euˬ miˬ zaˬ Aˬdaˇ-euˬ aˬ li deuˬ pyeuꞈ-eu meh.

¹³Yoeˬlaˇ-euˬ aˬ li deuˬ-aˬ, Naˬhaˆ, Zeˬlahˬ, Shaˬmahˇ, Miˇzah aˬ ha mehˇ nmˇ meh.

¹⁴Ziˇbyoˬ-euˬ aˬ li Aˇnahˬ-euˬ aˬ buˇ pyeuꞈ-eu Iˇsawˇ-euˬ miˬ zaˬ Oˬhoˬliˇbaˬmaˇ-euˬ aˬ li deuˬ-aˬ, Yuˇshaˆ, Yaˬlmˬ, Kawˇlaˆ aˬ ha mehˇ nmˇ meh.

¹⁵Heu-aˬ, Iˇsawˇ o neh jeuˬ le o le-euˬ tsawˇ jeuˬ tsawˇ ca deuˬ pyeuꞈ-eu meh. Iˇsawˇ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Eˇliˇpaˬ-aˬ, Teˬmaˬ tsawˇ jeuˬ, Awˇmaˬ tsawˇ jeuˬ, Zeˬpawˬ tsawˇ jeuˬ, Gaˬnaˆ tsawˇ jeuˬ,

¹⁶Kawˇlaˆ tsawˇ jeuˬ, Gaˬtmˬ tsawˇ jeuˬ, Aˬmaˬlehˇ tsawˇ jeuˬ, heu deuˬ-euˬ aˬ da yaw dzahˇ pyeuꞈ-eu meh. Heu deuˬ dawˬ tawˆ luꞈ, Iˇsawˇ-euˬ miˬ zaˬ Aˬdaˇ gʼaˬ o neh jeuˬ le o le-euˬ tsawˇ jeuˬ tsawˇ ca deuˬ pyeuꞈ-eu meh.

¹⁷Iˇsawˇ-euˬ aˬ li Yoeˬlaˇ-aˬ, Naˬhaˆ tsawˇ jeuˬ, Zeˬlahˬ tsawˇ jeuˬ, Shaˬmahˇ tsawˇ jeuˬ, Miˇzah tsawˇ jeuˬ, heu deuˬ-euˬ aˬ da yaw dzahˇ pyeuꞈ-eu meh. Heu deuˬ dawˬ tawˆ luꞈ, Iˇsawˇ-euˬ miˬ zaˬ Baˬseˬmaˇ o neh jeuˬ le o le-euˬ tsawˇ jeuˬ tsawˇ ca deuˬ pyeuꞈ-eu meh.

¹⁸Aˇnahˬ-euˬ aˬ buˇ pyeuꞈ-eu Iˇsawˇ-euˬ miˬ zaˬ Oˬhoˬliˇbaˬmaˇ o neh jeuˬ le o le-euˬ Iˇsawˇ-euˬ zaˬ deuˬ uˆ deuˬ-aˬ, Yuˇshaˆ tsawˇ jeuˬ, Yaˬlmˬ tsawˇ jeuˬ, Kawˇlaˆ tsawˇ jeuˬ heu deuˬ meh.

¹⁹Tsawˇ jeuˬ heu deuˬ dawˬ tawˆ luꞈ-euˬ aˬ da yaw dzahˇ gʼaˬ-aˬ, Iˇsawˇ pyeuꞈ-eu meh.

²⁰Eˬdoˬ miˇ kʼahˬ laꞈ kʼoeˇ jawˇ dahˬ beh-euˬ tsawˇ jeuˬ deuˬ-euˬ aˬ da yaw dzahˇ gʼaˬ-aˬ, Hawˇlaˆ tsawˇ jeuˬ pyeuꞈ-eu Siˇyaˆ meh.

²¹Siˇyaˆ o neh jeuˬ le o le-euˬ tsawˇ jeuˬ tsawˇ ca kʼoeˇ deuˬ-aˬ, Lawˇtah tsawˇ jeuˬ, Shawˇbaˬlaˇ tsawˇ jeuˬ, Ziˇbyoˬ tsawˇ jeuˬ, Aˇnahˬ tsawˇ jeuˬ, Diˇshoˬ tsawˇ jeuˬ, Eˇzaˬ tsawˇ jeuˬ, Diˇshaˬ tsawˇ jeuˬ, heu deuˬ meh.

²²Lawˇtah-aˬ, Hawˇliˬ aˇ jeuˬ hawˇ-eu Heˬmaˬ aˇ jeuˬ-euˬ aˬ da yaw dzahˇ pyeuꞈ-eu meh. Tmˇnaˬ lehˇ kuˇ-euˬ Lawˇtah-euˬ dmˇ ma kʼawꞈ tiˬ gʼaˬ jawˇ-eu meh.

²³Shawˇbaˬlaˇ-aˬ, Aˬlaˬbaˬ aˇ jeuˬ, Maˬnaˬhaˇ aˇ jeuˬ, Eˇbaˬlaˇ aˇ jeuˬ, Sheˬpoˬ aˇ jeuˬ, Awˇnaˬ aˇ jeuˬ, heu deuˬ-euˬ aˬ da yaw dzahˇ pyeuꞈ-eu meh.

²⁴Aˬiˇyaˬ hawˇ-eu Aˇnahˬ lehˇ myahˇ-euˬ Ziˇbyoˬ-euˬ aˬ li nyiˬ li jawˇ-eu meh. Bawˇ tsahˬ bawˇ dahˇ-ahˇ aˬ yawꞈ aˬ da-euˬ mahˬ tahˬ laˆ bo luꞈ ngeh, cuˬ tiˬ cuˬ mawˇ-euˬ gʼaˬ-aˬ, Aˇnahˬ meh.

²⁵Aˇnahˬ-euˬ zaˬ deuˬ-aˬ, aˬ yawꞈ-euˬ aˬ li Diˇshoˬ hawˇ-eu, aˬ yawꞈ-euˬ aˬ buˇ Oˬhoˬliˇbaˬmaˇ meh.

²⁶Diˇshoˬ gʼaˬ o neh jeuˬ le o le-euˬ tsawˇ jeuˬ tsawˇ ca deuˬ-aˬ, Heˬdaˬ aˇ jeuˬ, Eˇshaˬbaˬ aˇ jeuˬ, Eˇdaˬlaˬ aˇ jeuˬ, Ciˇlaˬ aˇ jeuˬ heu deuˬ meh.

²⁷Eˇzaˬ-aˬ, Biˇlaˬhaˬ aˇ jeuˬ, Zaˬbaˬ aˇ jeuˬ, Aˬgaˬ aˇ jeuˬ, heu deuˬ-euˬ aˬ da yaw dzahˇ pyeuꞈ-eu meh.

²⁸Diˇshaˬ-aˬ, Uˇzaˆ aˇ jeuˬ hawˇ-eu Aˬlaˬ aˇ jeuˬ-euˬ aˬ da yaw dzahˇ pyeuꞈ-eu meh.

²⁹Eˬdoˬ miˇ kʼahˬ laꞈ kʼoeˇ jawˇ-eu Hawˇlaˆ tsawˇ jeuˬ tsawˇ ca deuˬ-aˬ, Lawˇtah tsawˇ jeuˬ, Shawˇbaˬlaˇ tsawˇ jeuˬ, Ziˇbyoˬ tsawˇ jeuˬ, Aˇnahˬ tsawˇ jeuˬ,

³⁰Diˇshoˬ tsawˇ jeuˬ, Eˇzaˬ tsawˇ jeuˬ, Diˇshaˬ tsawˇ jeuˬ heu deuˬ meh.

³¹Iˇsaˬleˬlaˆ miˇ kʼahˬ laꞈ kʼoeˇ sahˬ paˬ maˬ jawˇ mi naˆ-ehˇ, Eˬdoˬ miˇ kʼahˬ-ahˇ tiˬ gʼaˬ saˇ-iˬ tiˬ gʼaˬ uˆ lahˇ ka leꞈ-euˬ sahˬ paˬ deuˬ-aˬ, heu deuˬ meh.

³²Beˬyoˇ-euˬ aˬ li Beˬlaˬ-aˬ, Deˬnaˬbaˬ meuˬ-ahˇ jawˇ-awˇ, Eˬdoˬ miˇ kʼahˬ-ahˇ uˆ lahˇ-euˬ meh.

³³Beˬlaˬ gʼaˬ shiˇ ngeh jawˇ, Bawˇzaˬlahˬ-ahˇ jawˇ-eu Zeˬlahˬ-euˬ aˬ li Yawˇbehˆ uˆ lahˇ-euˬ meh.

³⁴Yawˇbehˆ gʼaˬ shiˇ ngeh jawˇ, Teˬmaˬ miˇ kʼahˬ-ahˇ jawˇ-eu Huˇshaˬ uˆ lahˇ-euˬ meh.

³⁵Huˇshaˬ gʼaˬ shiˇ ngeh jawˇ, Mawˇbaˆ deh ga-ahˇ Miˇdiˬyaˬ tsawˇ jeuˬ-ahˇ guiˇ deuˆ gʼaˬ-euˬ gʼaˬ pyeuꞈ-eu, Beˬdaˇ-euˬ aˬ li Haˬdaˇ gʼaˬ, Aˬbiˇ meuˬ-ahˇ jawˇ-awˇ uˆ lahˇ-euˬ meh.

³⁶Haˬdaˇ gʼaˬ shiˇ ngeh jawˇ, Maˬsaˬleˇkaˬ meuˬ-ahˇ jawˇ-eu Saˬmaˬlahˬ uˆ lahˇ-euˬ meh.

³⁷Saˬmaˬlahˬ gʼaˬ shiˇ ngeh jawˇ, Uˇpaˬlaˇ lawˇ baˬ lawˇ deh-ahˇ jaˆ-eu Leˬhawˇboˆ meuˬ-ahˇ jawˇ-eu Shawˇlaˆ uˆ lahˇ-euˬ meh.

³⁸Shawˇlaˆ gʼaˬ shiˇ ngeh jawˇ, Aˬkaˬbawˇ-euˬ aˬ li Baˬlaˇhaˬnaˬ uˆ lahˇ-euˬ meh.

³⁹Aˬkaˬbawˇ-euˬ aˬ li Baˬlaˇhaˬnaˬ gʼaˬ shiˇ ngeh jawˇ, Haˬdaˇ lehˇ myahˇ-euˬ gʼaˬ Paˇoˇ meuˬ-ahˇ jawˇ-awˇ uˆ lahˇ-euˬ meh. Aˬ yawꞈ-euˬ miˬ zaˬ-aˬ, Maˬheˬtaˬbeˬlaˇ meh. Maˬheˬtaˬbeˬlaˇ-euˬ aˬ ma-aˬ, Maˬtaˬlehˇ pyeuꞈ-awˇ, Maˬtaˬlehˇ-euˬ aˬ da-aˬ, Meˬzaˬhaˇ meh.

⁴⁰Iˇsawˇ-aˬ, Eˬdoˬ tsawˇ jeuˬ tsawˇ ca deuˬ-euˬ aˬ da yaw dzahˇ pyeuꞈ-eu meh. Eˬdoˬ tsawˇ jeuˬ tsawˇ ca deuˬ-aˬ, Tmˇnaˬ tsawˇ jeuˬ, Aˬlaˬbahˬ tsawˇ jeuˬ, Yeˬtehˆ tsawˇ jeuˬ,

⁴¹Oˬhoˬliˇbaˬmaˇ tsawˇ jeuˬ, Eˇlahˬ tsawˇ jeuˬ, Piˇnahˬ tsawˇ jeuˬ,

⁴²Gaˬnaˆ tsawˇ jeuˬ, Teˬmaˬ tsawˇ jeuˬ, Miˇbaˬzaˬ tsawˇ jeuˬ,

⁴³Maˬgaˬdeˬlaˇ tsawˇ jeuˬ, Iˇlamˬ tsawˇ jeuˬ, heu deuˬ pyeuꞈ-eu meh. Tsawˇ jeuˬ heu deuˬ neh kʼaˇ jawˇ-euˬ jawˇ duˬ deuˬ-ahˇ, aˬ yawꞈ maꞈ tsawˇ jeuˬ-euˬ tsawˇ myahˇ myahˇ nehˬ-euˬ meh.