Read Akha Aˇ dahˬ 5 Bible Online

Aˇ dahˬ 5 - Akha bible

Aˇ dahˬ 5

¹Heu-aˬ, Aˬdaˬ-ahˇ neh dehꞈ ka leꞈ-euˬ tsuiꞈ pyeuꞈ-eu meh. Tsawˇ haˬ zaˬ-ahˇ Miˬyehˇ beh ngeh, aˬ yawꞈ-ahˇ duˇ ni beh-euˬ meh.

²Kʼaˬ dzeˇ zaˬ hawˇ-eu zaˬ miˬ zaˬ-ahˇ aˬ yawꞈ beh gʼaˬ ngeh, aˬ yawꞈ nyaꞈ-ahˇ guiˬ lahˬ biꞈ nehˬ-awˇ, “Tsawˇ haˬ zaˬ” lehˇ myahˇ nehˬ-euˬ meh.

³Aˬdaˬ tiˬ yaˇ smˬ tseˇ kʼoꞈ kʼawˆ ngeh, aˬ yawꞈ-ahˇ duˇ-eu aˬ li tiˬ li paˇ jawˇ le-awˇ, Seˬtaˆ lehˇ myahˇ nehˬ-euˬ meh.

⁴Kʼoeˇ naˇ, Aˬdaˬ aˬ yawꞈ yehꞈ yaˇ kʼoꞈ paˇ dehꞈ-awˇ, zaˬ paˇ jawˇ lahˬ le-euˬ meh.

⁵Gʼoeˬ yaˇ tseˇ shiꞈ kʼoꞈ kʼawˆ ngeh, aˬ yawꞈ ziˇ jiˇ-euˬ meh.

⁶Seˬtaˆ tiˬ yaˇ ngaˬ kʼoꞈ kʼawˆ ngeh, aˬ li tiˬ li jawˇ le-awˇ, Iˇnoˆ lehˇ myahˇ nehˬ-euˬ meh.

⁷Aˬ li kʼoeˇ li jawˇ le gʼaˬ miˇ tsa, yehꞈ yaˇ shiꞈ kʼoꞈ aˬ yawꞈ paˇ dehꞈ-awˇ, zaˬ paˇ jawˇ lahˬ le-euˬ meh.

⁸Gʼoeˬ yaˇ smˬ tseˇ kʼoꞈ kʼawˆ ngeh, aˬ yawꞈ ziˇ jiˇ-euˬ meh.

⁹Iˇnoˆ gʼoeˬ tseˇ kʼoꞈ kʼawˆ ngeh, Gaˬnaˬ lehˇ myahˇ-euˬ aˬ li tiˬ li jawˇ le-euˬ meh.

¹⁰Aˬ li kʼoeˇ li jawˇ le gʼaˬ miˇ tsa, yehꞈ yaˇ tseˇ ngaˬ kʼoꞈ aˬ yawꞈ paˇ dehꞈ-awˇ, zaˬ paˇ jawˇ lahˬ le-euˬ meh.

¹¹Gʼoeˬ yaˇ ngaˬ kʼoꞈ kʼawˆ ngeh aˬ yawꞈ ziˇ jiˇ-euˬ meh.

¹²Gaˬnaˬ shiꞈ tseˇ kʼoꞈ kʼawˆ ngeh, Maˬhaˬleˬlaˇ lehˇ myahˇ-euˬ aˬ li tiˬ li jawˇ le-euˬ meh.

¹³Aˬ li kʼoeˇ li jawˇ le gʼaˬ miˇ tsa, yehꞈ yaˇ oeˬ tseˇ kʼoꞈ aˬ yawꞈ paˇ dehꞈ-awˇ, zaˬ paˇ jawˇ lahˬ le-euˬ meh.

¹⁴Gʼoeˬ yaˇ tseˇ kʼoꞈ kʼawˆ ngeh aˬ yawꞈ ziˇ jiˇ-euˬ meh.

¹⁵Maˬhaˬleˬlaˇ koꞈ tseˇ ngaˬ kʼoꞈ kʼawˆ ngeh, Jaˬyehˆ lehˇ myahˇ-euˬ aˬ li tiˬ li jawˇ le-euˬ meh.

¹⁶Aˬ li kʼoeˇ li jawˇ le gʼaˬ miˇ tsa, yehꞈ yaˇ smˬ tseˇ kʼoꞈ aˬ yawꞈ paˇ dehꞈ-awˇ, zaˬ paˇ jawˇ lahˬ le-euˬ meh.

¹⁷Yehꞈ yaˇ gʼoeˬ tseˇ ngaˬ kʼoꞈ kʼawˆ ngeh aˬ yawꞈ ziˇ jiˇ-euˬ meh.

¹⁸Jaˬyehˆ tiˬ yaˇ koꞈ tseˇ nyiꞈ kʼoꞈ kʼawˆ ngeh, Iˇnawˆ lehˇ myahˇ-euˬ aˬ li tiˬ li jawˇ le-euˬ meh.

¹⁹Aˬ li kʼoeˇ li jawˇ le gʼaˬ miˇ tsa, yehꞈ yaˇ kʼoꞈ aˬ yawꞈ paˇ dehꞈ-awˇ, zaˬ paˇ jawˇ lahˬ le-euˬ meh.

²⁰Gʼoeˬ yaˇ koꞈ tseˇ nyiꞈ kʼoꞈ kʼawˆ ngeh, aˬ yawꞈ ziˇ jiˇ-euˬ meh.

²¹Iˇnawˆ koꞈ tseˇ ngaˬ kʼoꞈ kʼawˆ ngeh, Maˬtuˇseˬlah lehˇ myahˇ-euˬ aˬ li tiˬ li jawˇ le-euˬ meh.

²²Kʼoeˇ naˇ, Iˇnawˆ aˬ yawꞈ smˬ yaˇ kʼoꞈ byah ni Miˬyehˇ nehˬ-ehˇ cawˬ cawˬ taꞈ-awˇ, zaˬ paˇ jawˇ lahˬ le-euˬ meh.

²³Smˬ yaˇ koꞈ tseˇ ngaˬ kʼoꞈ kʼawˆ ngeh keuˆ ni, miˇ tsaˬ kʼoeˇ taˆ aˬ yawꞈ dehꞈ-euˬ meh.

²⁴Aˬ yawꞈ miˇ tsaˬ kʼoeˇ taˆ yaw dehꞈ dehꞈ-euˬ tiˬ ziˇ, Miˬyehˇ nehˬ-ehˇ cawˬ cawˬ taꞈ-awˇ, aˬ yawꞈ-ahˇ tiˬ jawˇ-iˬ maˬ paˇ ya mawˇ ni byoˆ tsehˆ-euˬ meh. Aˬ jeˬ miˇ neh ehˇ naˇ, aˬ yawꞈ-ahˇ Miˬyehˇ sheuˬ kʼoꞈ gʼeh-euˬ meh.

²⁵Maˬtuˇseˬlah tiˬ yaˇ yehꞈ tseˇ shiꞈ kʼoꞈ kʼawˆ ngeh, Laˬmehˇ lehˇ myahˇ-euˬ aˬ li tiˬ li jawˇ le-euˬ meh.

²⁶Aˬ li kʼoeˇ li jawˇ le gʼaˬ miˇ tsa, shiꞈ yaˇ yehꞈ tseˇ nyiꞈ kʼoꞈ aˬ yawꞈ paˇ dehꞈ-awˇ, zaˬ paˇ jawˇ lahˬ le-euˬ meh.

²⁷Gʼoeˬ yaˇ koꞈ tseˇ gʼoeˬ kʼoꞈ kʼawˆ ngeh, aˬ yawꞈ ziˇ jiˇ-euˬ meh.

²⁸Laˬmehˇ tiˬ yaˇ yehꞈ tseˇ nyiꞈ kʼoꞈ kʼawˆ ngeh, aˬ li tiˬ li jawˇ le-euˬ meh.

²⁹Kʼoeˇ ngeh, “Sahˬpaˬ Miˬyehˇ neh yaˬ kʼehˇ yaˬ taˬ-euˬ miˇ tsaˬ heu kʼoeˇ taˆ, shaˬ-eu zahˬ-eu laꞈ kʼoeˇ aˬ dui ya mˇ dzaˬ ya kʼawꞈ dawˇ-eu jeˬ-ahˇ, aˬ li heu li bi buˬ-iˇ laꞈ luꞈ-uˇ” lehˇ aˬ yawꞈ ehˇ-awˇ, aˬ li kʼoeˇ li-ahˇ Noˇaˬ[6] lehˇ myahˇ nehˬ-euˬ meh.

³⁰Noˇaˬ dehꞈ le gʼaˬ miˇ tsa, ngaˬ yaˇ gʼoeˬ tseˇ ngaˬ kʼoꞈ Laˬmehˇ paˇ dehꞈ-awˇ, zaˬ paˇ jawˇ lahˬ le-euˬ meh.

³¹Shiꞈ yaˇ shiꞈ tseˇ shiꞈ kʼoꞈ kʼawˆ ngeh aˬ yawꞈ ziˇ jiˇ-euˬ meh.

³²Noˇaˬ ngaˬ yaˇ kʼoꞈ dzehˬ-iˇ ngeh, Sheˬmaˆ, Haˬmaˇ, Yaˬpahˇ lehˇ myahˇ-euˬ aˬ li smˬ li jawˇ le-euˬ meh.