Read Akha 1 Laˬsaˬbaˬ 1 Bible Online

1 Laˬsaˬbaˬ 1 - Akha bible

1 Laˬsaˬbaˬ 1

¹Aˬdaˬ-euˬ aˬ li Seˬtaˆ, Seˬtaˆ-euˬ aˬ li Iˇnoˆ, Iˇnoˆ-euˬ aˬ li Gaˬnaˬ,

²Geˇnaˬ-euˬ aˬ li Maˬhaˬleˬlaˇ, Maˬhaˬleˬlaˇ-euˬ aˬ li Jaˬyehˆ,

³Jaˬyehˆ-euˬ aˬ li Iˇnawˆ, Iˇnawˆ-euˬ aˬ li Maˬtuˇsheˬlaˇ, Maˬtuˇsheˬlaˇ-euˬ aˬ li Laˬmehˇ,

⁴Laˬmehˇ-euˬ aˬ li Noˇaˬ meh. Noˇaˬ-aˬ, Sheˬmaˆ, Haˬmaˇ hawˇ-eu Yaˬpahˇ lehˇ myahˇ-euˬ aˬ li smˬ li jawˇ-eu meh.

⁵Yaˬpahˇ-euˬ aˬ li deuˬ pyeuꞈ-eu Gawˬmaˬ, Maˬgawˇgaˆ, Maˬdehˇ, Yaˬbaˬ, Tuˇbaˬlaˇ, Meˬshehˆ, Tiˇlaˆ aˬ ha mehˇ nmˇ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh.

⁶Gawˬmaˬ-euˬ zaˬ deuˬ uˆ deuˬ-aˬ, Aˬshaˇgaˬnaˆ tsawˇ jeuˬ, Liˇpaˬtaˇ tsawˇ jeuˬ, Tawˇgaˬmaˬ tsawˇ jeuˬ heu deuˬ meh.

⁷Yaˬbaˬ-euˬ zaˬ deuˬ uˆ deuˬ-aˬ, Eˇliˇshaˬ tsawˇ jeuˬ, Saˬbeˬ tsawˇ jeuˬ, Guˇbaˬluˇ tsawˇ jeuˬ, Loˇdiˬ tsawˇ jeuˬ deuˬ meh.

⁸Haˬmaˇ-euˬ aˬ li deuˬ pyeuꞈ-eu Kuˇshaˆ, Iˇjiˇtuˆ, Liˆbyaˇ hawˇ-eu Kaˬnaˬ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh.

⁹Kuˇshaˆ-euˬ zaˬ deuˬ uˆ deuˬ-aˬ, Seˬbaˇ, Haˬbiˇlaˬ, Saˬbaˬ, Saˬbaˬtah, Laˬmaˬ, Saˬteˬkaˬ heu deuˬ meh. Laˬmaˬ-euˬ zaˬ deuˬ uˆ deuˬ-aˬ, Sheˬba tsawˇ jeuˬ hawˇ-eu Deˬdaˬ tsawˇ jeuˬ meh.

¹⁰(Kuˇshaˆ-aˬ, Niˇyawˇdaˆ lehˇ myahˇ-euˬ aˬ li tiˬ li jawˇ le-euˬ meh. Aˬ li kʼoeˇ li-aˬ, gʼaˬ huiˬ dui dui-awˇ, miˇ tsaˬ kʼoeˇ taˆ aˬ cawˬ-ahˇ gʼaˬ leˇ-eu tsawˇ haˬ yaw beh gʼaˬ pyeuꞈ-eu meh.)

¹¹Iˇjiˇtuˆ-euˬ zaˬ deuˬ uˆ deuˬ-aˬ, Luˇdeˬ tsawˇ jeuˬ, Aˬnaˬmiˇ tsawˇ jeuˬ, Laˬhaˬbeˬ tsawˇ jeuˬ, Naˬtuˇheˬ tsawˇ jeuˬ,

¹²Paˬdaˬluˇ tsawˇ jeuˬ, Kaˬsaˬlaˇ tsawˇ jeuˬ, Gaˬlaˬdeˬ tsawˇ jeuˬ heu deuˬ meh. (Gaˬlaˬdeˬ tsawˇ jeuˬ-aˬ, Piˇliˇtiˆ tsawˇ jeuˬ-euˬ aˬ da yaw dzahˇ meh.)

¹³Kaˬnaˬ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Siˇdoˬ hawˇ-eu, aˬ nyiˇ gʼaˬ pyeuꞈ-eu Heˬtaˆ-aˬ, aˬ yawꞈ nyaꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ pyeuꞈ-eu meh.

¹⁴Kaˬnaˬ-aˬ, Yeˬbuˇ tsawˇ jeuˬ, Aˬmoˬ tsawˇ jeuˬ, Geuˬgaˬshaˆ tsawˇ jeuˬ,

¹⁵Hiˇbiˇ tsawˇ jeuˬ, Aˬkiˇ tsawˇ jeuˬ, Siˇniˇ tsawˇ jeuˬ,

¹⁶Aˬbaˬdiˇ tsawˇ jeuˬ, Zeˬmaˬliˇ tsawˇ jeuˬ, Haˬmaˆ tsawˇ jeuˬ heu deuˬ-euˬ aˬ da yaw dzahˇ kʼawꞈ pyeuꞈ-eu meh.

¹⁷Sheˬmaˆ-euˬ aˬ li deuˬ pyeuꞈ-eu Eˇlamˬ, Aˬshuˇlaˆ, Aˬpaˬshaˇ, Luˇdaˆ, Aˬlamˬ, Uˇzaˆ, Huˇlaˆ, Gaˬdeuˬ, Meˬshehˆ heu deuˬ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ meh.

¹⁸Aˬpaˬshaˇ-aˬ, Sheˬlahˬ-euˬ aˬ da pyeuꞈ-awˇ, Sheˬlahˬ-aˬ, Eˬbaˬ-euˬ aˬ da pyeuꞈ-eu meh.

¹⁹Eˬbaˬ aˬ li nyiˬ li jawˇ le-awˇ, tiˬ li-ahˇ Pehˇlehˆ[1] lehˇ myahˇ nehˬ-euˬ meh. Aˬ yawꞈ yaw dehꞈ dehꞈ luꞈ-eu aˇ nah aˇ yamˬ kʼoeˇ yamˬ laꞈ kʼoeˇ, tsawˇ haˬ zaˬ tiˬ gʼaˬ tiˇ gʼaˬ gʼawˬ-iˇ gʼehˇ-iˇ luꞈ-eu miˇ neh, kʼoeˇ loꞈ-ehˇ myahˇ nehˬ-euˬ meh. Aˬ li yawˬ li yawˬ-ahˇ, Yoˇtaˬ lehˇ myahˇ nehˬ-euˬ meh.

²⁰Yoˇtaˬ-euˬ zaˬ deuˬ uˆ deuˬ-aˬ, Aˬlaˬmoˇdaˬ, Shehˇlehˆ, Haˬzaˇmaˬbehˇ, Yeˬlahˬ,

²¹Haˬdoˇlamˬ, Uˇzaˬlaˇ, Diˇkaˬlaˇ,

²²Eˇbaˬlaˇ, Aˬbiˇmeˬlaˇ, Sheˬba,

²³Awˇpiˇlaˆ, Haˬbiˇlaˬ, Yawˇbehˆ heu deuˬ meh.

²⁴Sheˬmaˆ-ahˇ neh Aˬbyaˬ-ahˇ keuˆ ni, tsuiꞈ heu loꞈ-ehˇ meh. Sheˬmaˆ Aˬpaˬshaˇ, Sheˬlahˬ,

²⁵Eˬbaˬ, Pehˇlehˆ, Yeˬuˇ,

²⁶Seˬlawˇ, Naˬkawˬ, Teˬlaˇ,

²⁷Aˬbyaˬ. (Aˬbyaˬ-ahˇ Aˬbyaˬhaˬ lehˇ kʼawꞈ kuˇ-eu meh.)

²⁸Aˬbyaˬhaˬ-aˬ, Iˇtsaˆ hawˇ-eu Iˇshaˬmeˬlaˇ lehˇ myahˇ-euˬ aˬ li nyiˬ li jawˇ-eu meh.

²⁹Iˇshaˬmeˬlaˇ-euˬ aˬ li deuˬ-aˬ, tsawˇ jeuˬ tseˇ nyiꞈ jeuˬ-euˬ aˬ da deuˬ pyeuꞈ laˇ-euˬ meh. Tsawˇ jeuˬ kʼoeˇ tseˇ nyiꞈ jeuˬ-aˬ, (Iˇshaˬmeˬlaˇ-euˬ aˬ li aˬ yuiꞈ yuiꞈ saˬ gʼaˬ-euˬ tsawˇ myahˇ pi luꞈ-eu) Neˬbaˬyoˇ tsawˇ jeuˬ, Geˬdaˬ tsawˇ jeuˬ, Aˬdaˬbeˬlaˇ tsawˇ jeuˬ, Miˇbaˬsaˬ tsawˇ jeuˬ,

³⁰Miˇshaˬmaˬ tsawˇ jeuˬ, Duˇmahˬ tsawˇ jeuˬ, Maˬsaˬ tsawˇ jeuˬ, Haˬdaˇ tsawˇ jeuˬ, Teˬmaˇ tsawˇ jeuˬ,

³¹Yeˬtuˬlaˇ tsawˇ jeuˬ, Naˬpiˇshaˬ tsawˇ jeuˬ, Geˬdaˬmaˬ tsawˇ jeuˬ, heu deuˬ meh.

³²Aˬbyaˬhaˬ-aˬ, Geˬtuˬlaˇ lehˇ myahˇ-euˬ ma nyiˇ tiˬ gʼaˬ jawˇ-awˇ, ma nyiˇ kʼoeˇ gʼaˬ o neh aˬ li koꞈ li jawˇ le-euˬ meh. Aˬ li kʼoeˇ deuˬ-aˬ, Zmˇlaˬ, Yoˇshaˬ, Meˬdaˬ, Miˇdiˬyaˬ, Iˇshaˬbehˇ, Shuˇhaˬ aˬ ha mehˇ nmˇ meh. Yoˇshaˬ-aˬ, Sheˬba hawˇ-eu Deˬdaˬ lehˇ kuˇ-euˬ aˬ li nyiˬ li jawˇ le-euˬ meh.

³³Miˇdiˬyaˬ-aˬ, Eˇpaˬ, Eˇpeuˬ, Haˬnoˆ, Aˬbiˇdaˬ, Eˇlaˬdaˬ lehˇ kuˇ-euˬ aˬ li ngaˬ li jawˇ-eu meh.

³⁴Aˬbyaˬhaˬ-euˬ aˬ li Iˇtsaˆ-aˬ, Iˇsawˇ hawˇ-eu Yaˬkoˆ lehˇ myahˇ-euˬ aˬ li nyiˬ li jawˇ-eu meh.

³⁵Iˇsawˇ-euˬ aˬ li deuˬ-aˬ, Eˇli paˬ, Yoeˬlaˇ, Yuˇshaˆ, Yaˬlamˬ, Kawˇlaˆ aˬ ha mehˇ nmˇ meh.

³⁶Eˇliˇpaˬ-aˬ, Teˬmaˬ tsawˇ jeuˬ, Awˇmaˬlaˇ tsawˇ jeuˬ, Zeˬpiˬ tsawˇ jeuˬ, Gaˬtmˬ tsawˇ jeuˬ, Gaˬnaˆ tsawˇ jeuˬ, Tmˇnaˬ tsawˇ jeuˬ, Aˬmaˬlehˇ tsawˇ jeuˬ, heu deuˬ-euˬ aˬ da yaw dzahˇ pyeuꞈ laˇ-euˬ meh.

³⁷Yoeˬlaˇ gʼaˬ-aˬ, Naˬhaˇ tsawˇ jeuˬ, Zeˬlahˬ tsawˇ jeuˬ, Shaˬmahˇ tsawˇ jeuˬ, Miˇzah tsawˇ jeuˬ, heu deuˬ-euˬ aˬ da yaw dzahˇ pyeuꞈ laˇ-euˬ meh.

³⁸Eˬdoˬ miˇ kʼahˬ-ahˇ jawˇ beh beh-euˬ tsawˇ haˬ deuˬ-aˬ, Siˇyaˆ-euˬ aˬ li heu deuˬ-euˬ zaˬ deuˬ uˆ deuˬ meh. Lawˇtah-aˬ, Hawˇliˬ aˇ jeuˬ hawˇ-eu Hawˇmamˬ aˇ jeuˬ-euˬ aˬ da yaw dzahˇ gʼaˬ meh. (Lawˇtah-aˬ, Tmˇnaˬ lehˇ myahˇ-euˬ dmˇ ma tiˬ gʼaˬ jawˇ-eu meh.) Shawˇbaˬlaˇ-aˬ, Aˬlaˬbaˬ aˇ jeuˬ, Maˬnaˬhaˇ aˇ jeuˬ, Eˇbaˬlaˇ aˇ jeuˬ, Sheˬpiˇ aˇ jeuˬ, Awˇnamˬ aˇ jeuˬ heu deuˬ-euˬ aˬ da yaw dzahˇ gʼaˬ meh. Ziˇbyoˬ-aˬ, Aˬiˇyaˬ hawˇ-eu Aˇnahˬ lehˇ myahˇ-euˬ aˬ li nyiˬ li jawˇ-eu meh. Aˬnaˬ gʼaˬ-aˬ, Diˇshoˬ-euˬ aˬ da pyeuꞈ-eu meh. Diˇshoˬ-aˬ, Hamˬlaˬ aˇ jeuˬ, Eˇshaˬbaˬ aˇ jeuˬ, Iˇdaˬlaˬ aˇ jeuˬ, hawˇ-eu, Ciˇlaˬ aˇ jeuˬ-euˬ aˬ da yaw dzahˇ gʼaˬ meh. Eˇzaˬ-aˬ, Biˇlaˬhaˬ aˇ jeuˬ, Zaˬbaˬ aˇ jeuˬ hawˇ-eu, Yaˬkaˬ aˇ jeuˬ-euˬ aˬ da yaw dzahˇ gʼaˬ meh. Diˇshaˬ-aˬ, Uˇzaˆ aˇ jeuˬ hawˇ-eu Aˬlaˬ aˇ jeuˬ-euˬ aˬ da yaw dzahˇ gʼaˬ pyeuꞈ-eu meh.

³⁹

⁴⁰

⁴¹

⁴²

⁴³Iˇsaˬleˬlaˆ miˇ kʼahˬ laꞈ kʼoeˇ sahˬpaˬ maˬ baw mi naˆ-ehˇ, Eˬdoˬ miˇ kʼahˬ laꞈ kʼoeˇ sahˬpaˬ heu deuˬ tiˬ gʼaˬ saˇ-iˬ tiˬ gʼaˬ uˆ lahˇ ka leꞈ-euˬ meh. Beˬyoˇ-euˬ aˬ li Beˬlaˬ-aˬ, Deˬnaˬbaˬ meuˬ-ahˇ jawˇ-awˇ uˆ lahˇ-euˬ meh.

⁴⁴Beˬlaˬ shiˇ ngeh jawˇ, Bawˇzaˬlahˬ meuˬ-ahˇ jawˇ-eu Zeˬlahˬ-euˬ aˬ li Yawˇbehˆ uˆ lahˇ-euˬ meh.

⁴⁵Yawˇbehˆ shiˇ ngeh jawˇ, Teˬmaˬ meuˬ-ahˇ jawˇ-eu Huˇshaˬ uˆ lahˇ-euˬ meh.

⁴⁶Huˇshaˬ shiˇ ngeh jawˇ, Mawˇbaˆ deh ga-ahˇ Miˇdiˬyaˬ tsawˇ jeuˬ-ahˇ guiˆ deuˆ gʼaˬ-euˬ gʼaˬ pyeuꞈ-eu Beˬdaˇ-euˬ aˬ li Haˬdaˇ gʼaˬ, Aˬbiˇ meuˬ-ahˇ jawˇ-awˇ uˆ lahˇ-euˬ meh.

⁴⁷Haˬdaˇ shiˇ ngeh jawˇ, Maˬsaˬleˇkaˬ meuˬ-ahˇ jawˇ-eu Saˬmaˬlahˬ uˆ lahˇ-euˬ meh.

⁴⁸Saˬmaˬlahˬ shiˇ ngeh jawˇ, Uˇpaˬlaˇ lawˇ baˬ lawˇ deh-ahˇ jaˆ-eu Leˬhawˇboˆ meuˬ-ahˇ jawˇ-eu Shawˇlaˆ uˆ lahˇ-euˬ meh.

⁴⁹Shawˇlaˆ shiˇ ngeh jawˇ, Aˬkaˬbawˇ-euˬ aˬ li Baˬlaˇhaˬnaˬ uˆ lahˇ-euˬ meh.

⁵⁰Aˬkaˬbawˇ-euˬ aˬ li Baˬlaˇhaˬnaˬ shiˇ ngeh jawˇ, Haˬdaˇ lehˇ myahˇ-euˬ gʼaˬ, Paˇoˇ meuˬ-ahˇ jawˇ-awˇ uˆ lahˇ-euˬ meh. Aˬ yawꞈ-euˬ miˬ zaˬ-aˬ, Meˬheˬtaˬbeˬlaˇ meh. Meˬheˬtaˬbeˬlaˇ-euˬ aˬ ma-aˬ, Maˬtaˬlehˇ pyeuꞈ-awˇ, Maˬtaˬlehˇ-euˬ aˬ da-aˬ, Meˬzaˬhaˇ meh.

⁵¹Eˬdoˬ meuˬ-ahˇ jawˇ-eu tsawˇ jeuˬ deuˬ-aˬ, Tmˇnaˬ tsawˇ jeuˬ, Aˬlaˬbaˬ tsawˇ jeuˬ, Yeˬtehˆ tsawˇ jeuˬ,

⁵²Oˬhoˬliˇbaˬmaˇ tsawˇ jeuˬ, Eˇlahˬ tsawˇ jeuˬ, Piˇnahˬ tsawˇ jeuˬ,

⁵³Gaˬnaˆ tsawˇ jeuˬ, Teˬmaˬ tsawˇ jeuˬ, Miˇbaˬzaˬ tsawˇ jeuˬ,

⁵⁴Maˬgaˬdeˬlaˇ tsawˇ jeuˬ hawˇ-eu, Iˇlamˬ tsawˇ jeuˬ heu deuˬ meh.