Read Akha 1 Laˬsaˬbaˬ 3 Bible Online

1 Laˬsaˬbaˬ 3 - Akha bible

1 Laˬsaˬbaˬ 3

¹Sahˬ paˬ Daˬbiˇ Heˬbyoˬ meuˬ-ahˇ jawˇ ngeh dehꞈ le-euˬ aˬ yawꞈ-euˬ aˬ li deuˬ-aˬ, heu deuˬ meh. Aˬ li aˬ yuiꞈ yuiꞈ saˬ gʼaˬ-aˬ, Yeˬzaˬleˬlaˇ meuˬ-ahˇ jawˇ-eu Aˬhiˇnoˬ o neh dehꞈ le-euˬ Aˬmaˬnoˬ meh. Nyiˬ gʼaˬ tiˬ gʼaˬ-aˬ Gaˬlaˬmeˬlaˇ meuˬ-ahˇ jawˇ-eu Aˬbiˇgeˬlaˆ o neh dehꞈ le-euˬ Daˬyeˬlaˇ meh.

²Smˇ gʼaˬ tiˬ gʼaˬ-aˬ, Geˬshuˇlaˆ sahˬ paˬ Taˬlaˬmehˇ-euˬ aˬ buˇ Mawˇkah o neh dehꞈ le-euˬ Aˬbaˇsaˬloˬ meh. Oeˬ gʼaˬ tiˬ gʼaˬ-aˬ, Haˬgiˇdaˇ o neh dehꞈ le-euˬ Aˬdawˇniˇyaˆ meh.

³Ngaˬ gʼaˬ tiˬ gʼaˬ-aˬ, Aˬbiˇtaˬlaˇ o neh dehꞈ le-euˬ Sheˬpaˬtiˇ meh. Koꞈ gʼaˬ tiˬ gʼaˬ-aˬ, Eˇgaˬlahˬ o neh dehꞈ le-euˬ Iˇdaˬlamˬ meh.

⁴Aˬ li heu koꞈ li-aˬ, Daˬbiˇ aˬ yawꞈ Heˬbyoˬ meuˬ-ahˇ jawˇ-awˇ, shiꞈ kʼoꞈ uˬ taꞈ ba la koꞈ siˬ keuˆ ni miˇ kʼahˬ-ahˇ uˆ lahˇ ngeh dehꞈ le-euˬ deuˬ pyeuꞈ-eu meh. Aˬ yawꞈ Yeˬluˇsaˬlehˬ meuˬ-ahˇ jawˇ-awˇ, smˬ tseˇ smˇ kʼoꞈ sahˬ paˬ paˇ geuꞈ-euˬ meh.

⁵Kʼoeˇ gaˇ kʼawꞈ, aˬ li gʼawˬ mya li paˇ jawˇ le-euˬ meh. Aˬmeˬlaˆ-euˬ aˬ buˇ Baˬsheˬba o neh aˬ li oeˬ li jawˇ le-euˬ meh. Aˬ li kʼoeˇ oeˬ li-aˬ, Shiˇmehˇ, Shawˇbaˆ, Naˬdaˬ, Sawˇlaˬmoˬ aˬ ha mehˇ nmˇ meh.

⁶Aˬ yawꞈ-euˬ aˬ li nui deuˬ gʼoeˬ gʼaˬ jawˇ-eu meh. Kʼoeˇ deuˬ-aˬ, Iˇbaˬhaˬ, Eˇliˇshuˆ, Eˇpaˬlehˇ,

⁷Noˇgaˬ, Neˬpehˆ, Jaˬpiˇyaˬ,

⁸Eˇliˇshaˬmaˇ, Eˇlaˬdaˬ, Eˇliˇpaˬlehˇ, aˬ ha mehˇ nmˇ meh.

⁹Aˬ yawꞈ-euˬ aˬ li heu deuˬ dawˬ tawˆ luꞈ uˬ taꞈ, aˬ yawꞈ-euˬ ma nyiˇ nui deuˬ neh ciˬ-euˬ aˬ li deuˬ kʼawꞈ jawˇ-eu meh. Kʼoeˇ uˬ taꞈ, Taˬmaˬ lehˇ myahˇ-euˬ aˬ buˇ tiˬ buˇ kʼawꞈ jawˇ-eu meh.

¹⁰Sahˬ paˬ Sawˇlaˬmoˬ-ahˇ neh gui ka leꞈ-euˬ tsuiꞈ-aˬ, heu loꞈ-ehˇ meh. Sawˇlaˬmoˬ, Leˬhawˇbaoˬ, Aˬbiˇyaˬ, Aˬsaˬ, Yeˬhawˇshaˬpaˇ

¹¹Yeˬhawˇlamˬ, Aˬhaˬziˇ, Yawˇshaˆ,

¹²Aˬmaˬziˇ, Awˇziˆ, Yoˇdaˬ,

¹³Aˬkaˆ, Heˬsaˬgiˇ, Maˬnaˇseˬ,

¹⁴Aˬmoˬ, Yawˇshiˆ lehˇ meh.

¹⁵Yawˇshiˆ-aˬ, Yoˇhaˬnaˬ, Yeˬhawˇyaˬkmˬ, Zeˬdaˬkiˇ, Yeˬhawˇhaˆ lehˇ myahˇ-euˬ aˬ li oeˬ li jawˇ-eu meh.

¹⁶Yeˬhawˇyaˬkmˬ-aˬ, Yeˬhawˇyaˬciˬ hawˇ-eu Zeˬdaˬkiˇ lehˇ myahˇ-euˬ aˬ li nyiˬ li jawˇ-eu meh.

¹⁷Heu-aˬ, Baˬbuˇloˬ tsawˇ haˬ deuˬ neh bi nyehꞈ gʼeh-euˬ gʼaˬ pyeuꞈ-eu sahˬ paˬ Yeˬhawˇyaˬciˬ-euˬ zaˬ deuˬ uˆ deuˬ meh. Yeˬhawˇyaˬciˬ-aˬ, aˬ li shiꞈ li jawˇ-eu meh. Aˬ li kʼoeˇ deuˬ-aˬ, Sheˬtiˇlaˆ,

¹⁸Maˬlaˬciˇlmˬ, Peˬdehˇyaˬ, Sheˬnaˇzaˬ, Yeˬkaˬmiˇ, Hawˇshaˬmaˬ, Neˬdaˬbiˇ, aˬ ha mehˇ nmˇ meh.

¹⁹Peˬdaˇyaˬ-aˬ, Zeˬluˇbaˬbeˬlaˇ hawˇ-eu Shiˇmiˇ lehˇ myahˇ-euˬ aˬ li nyiˬ li jawˇ-eu meh. Zeˬluˇbaˬbeˬlaˇ-aˬ, Meˬshuˇlamˬ hawˇ-eu Haˬnaˬniˇyaˆ lehˇ myahˇ-euˬ aˬ li nyiˬ li hawˇ-eu, Sheˬloˇmiˇ lehˇ myahˇ-euˬ aˬ buˇ tiˬ buˇ jawˇ-eu meh.

²⁰Kʼoeˇ uˬ taꞈ, aˬ yawꞈ-euˬ aˬ li ngaˬ li paˇ jawˇ-eu meh. Aˬ li kʼoeˇ ngaˬ li-aˬ, Haˬshuˇbaˬ, Awˇheˬlaˇ, Beˬleˬkiˇ, Haˬsaˬdiˇ, Yuˇshaˆheˬsehˆ aˬ ha mehˇ nmˇ meh.

²¹Haˬnaˬniˇyaˆ-aˬ, Peˬlaˬtiˇ hawˇ-eu Yeˬshaˬyaˆ lehˇ myahˇ-euˬ aˬ li nyiˬ li jawˇ-eu meh. Yeˬshaˬyaˆ-euˬ aˬ li Leˬpaˬyaˆ, Leˬpaˬyaˆ-euˬ aˬ li Aˬlaˬnaˬ, Aˬlaˬnaˬ-euˬ aˬ li Awˇbaˬdiˇ, Awˇbaˬdiˇ-euˬ aˬ li Sheˬkaˬniˇ meh.

²²Sheˬkaˬniˇ-aˬ, Sheˬmaˇyaˬ lehˇ myahˇ-euˬ aˬ li tiˬ li jawˇ-awˇ, Haˬtuˇshaˬ, Iˇgaˬlaˇ, Baˬliˇyaˆ, Neˬliˇyaˆ, Shaˬpaˇ lehˇ myahˇ-euˬ oeˬ paˬ ngaˬ gʼaˬ jawˇ-eu meh.

²³Neˬliˇyaˆ-aˬ, Eˇlawˇneˬ, Hiˇsaˬgiˇ, Aˬzaˬliˇkmˬ lehˇ myahˇ-euˬ aˬ li smˬ li jawˇ-eu meh.

²⁴Eˇlawˇneˬ gʼaˬ aˬ li shiꞈ li jawˇ-eu meh. Aˬ li kʼoeˇ shiꞈ li-aˬ, Hawˇdaˬyaˇ, Eˇlaˬshiˆ, Peˬlaˇyaˬ, Aˬkuˇ, Yoˇhaˬnaˬ, Daˬlaˇyaˬ, Aˬnaˬniˬ, aˬ ha mehˇ nmˇ meh.