Read Akha 1 Laˬsaˬbaˬ 4 Bible Online

1 Laˬsaˬbaˬ 4 - Akha bible

1 Laˬsaˬbaˬ 4

¹Heu-aˬ, Yuˇdaˆ-euˬ zaˬ deuˬ uˆ deuˬ laꞈ kʼoeˇ, tiˬ paˆ na deuˬ meh. Paˬyehˆ, Heˬzaˬloˬ, Kaˬmiˬ, Huˇyaˆ, Shawˇbaˬlaˇ,

²Shawˇbaˬlaˇ-euˬ aˬ li Leˬyaˆ, Leˬyaˆ-euˬ aˬ li Jaˬhaˆ, Jaˬhaˆ-euˬ aˬ li Aˬhuˇmehˇ hawˇ-eu Laˬhaˆ meh. Heu deuˬ-aˬ, Zoˇlahˬ-ahˇ jawˇ-eu tsawˇ haˬ deuˬ-euˬ aˬ da yaw dzahˇ deuˬ pyeuꞈ-eu meh.

³Huˇyaˆ-aˬ, Eˇpaˬlaˇ o neh dehꞈ le-euˬ Gaˬlehˆ-euˬ aˬ li aˬ yuiꞈ yuiꞈ saˬ gʼaˬ pyeuꞈ-awˇ, aˬ yawꞈ-euˬ zaˬ deuˬ uˆ deuˬ Behˬlehˬhehˬ meuˬ teˬ-euˬ meh. Huˇyaˆ-aˬ, Eˇtamˬ, Peˬnoeˬlaˇ, Eˇzaˬ lehˇ myahˇ-euˬ aˬ li smˬ li jawˇ-eu meh. Eˇtamˬ-aˬ, Yeˬzaˬleˬlaˇ, Iˇshaˬmaˬ, Iˇdaˬbaˇ lehˇ myahˇ-euˬ aˬ li smˬ li jawˇ-awˇ, Haˬzaˬleˇpoˬniˇ lehˇ myahˇ-euˬ aˬ buˇ tiˬ buˇ jawˇ-eu meh. Peˬnoeˬlaˇ gʼaˬ Geˬdawˬ meuˬ teˬ-awˇ, Eˇzaˬ gʼaˬ Huˇshahˬ meuˬ teˬ-euˬ meh.

⁴

⁵Teˬkawˬ meuˬ teˬ-euˬ gʼaˬ pyeuꞈ-eu Aˬshuˇlaˆ-aˬ, Heˬlahˬ hawˇ-eu Naˬlahˬ lehˇ myahˇ-euˬ miˬ zaˬ nyiˬ gʼaˬ jawˇ-eu meh.

⁶Naˬlahˬ o neh aˬ li oeˬ li jawˇ-eu meh. Aˬ li kʼoeˇ oeˬ li-aˬ, Aˬhuˇzmˬ, Heˬpaˬ, Teˬmeˬniˇ, Haˬhaˇshaˬtaˬliˇ, aˬ ha mehˇ nmˇ meh.

⁷Heˬlahˬ o neh jawˇ le-euˬ Aˬshuˇlaˆ-euˬ aˬ li smˬ li-aˬ, Zeˬyehˆ, Iˇzaˬhaˬ, Eˇdaˬnamˬ aˬ ha mehˇ nmˇ meh.

⁸Kawˇzaˆ-aˬ, Aˬnuˇbaˆ hawˇ-eu Zoˇbeˬbaˇ-euˬ aˬ da pyeuꞈ-awˇ, Haˬlamˬ-euˬ aˬ li Aˬhaˬheˬlaˆ-ahˇ neh myaˬ laˇ behˇ laˇ-euˬ aˇ jeuˬ deuˬ-euˬ aˬ da yaw dzahˇ pyeuꞈ-eu meh.

⁹Yaˬbehˆ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-euˬ aˬ yuiꞈ aˬ nyiˇ deuˬ laꞈ kʼoeˇ, aˬ yawꞈ-ahˇ aˬ cawˬ yaw zeu baw dzehˬ-eu meh. Aˬ yawꞈ dehꞈ le ngeh, aˬ yawꞈ-euˬ aˬ ma gʼaˬ uˬ maˆ naˇ dui dui-euˬ miˇ neh, aˬ yawꞈ-euˬ aˬ ma neh Yaˬbehˆ/f 4.9 *‘Yaˬbehˆ’ lehˇ ehˇ-eu Heˬbyehˇ dawˬ-euˬ dawˬ tsuiꞈ-aˬ, ‘gawˇ-eu’ lehˇ ehˇ mawꞈ-euˬ meh.* lehˇ myahˇ nehˬ-euˬ meh.

¹⁰Ehˇ kʼawꞈ, yaˬbehˆ-aˬ, Iˇsaˬleˬlaˆ tsawˇ jeuˬ-euˬ Miˬyehˇ-ahˇ heu loꞈ-ehˇ guiˬ lahˬ shaˇ-euˬ meh. “Miˬyehˇ-oˇ, ngaˬ-ahˇ guiˬ lahˬ biꞈ-eu laꞈ kʼoeˇ, miˇ tsaˬ gʼawˬ mya ni biꞈ laꞈ-awˬ. Ngaˬ nehˬ-ehˇ jawˇ-awˇ, ngaˬ-ahˇ bi shaˬ bi zahˬ nehˬ laꞈ-eu maˬ muiˬ-eu jeˬ laꞈ kʼoeˇ bi law-iˇ nehˬ laꞈ-awˬ” lehˇ shaˇ-euˬ meh. Aˬ yawꞈ neh kʼaˇ shaˇ-euˬ jeˬ-ahˇ, Miˬyehˇ naˇ haˬ geuꞈ nehˬ-euˬ meh.

¹¹Shuˇhaˬ-euˬ aˬ nyiˇ Gaˬlehˆ-euˬ aˬ li-aˬ, Maˬhiˇlaˆ meh. Maˬhiˇlaˆ-euˬ aˬ li-aˬ, Eˇshaˬtoˇ meh.

¹²Eˇshaˬtoˇ-aˬ, Behˬlaˬpaˬ, Paˬsah, Teˬhiˇnahˬ lehˇ myahˇ-euˬ aˬ li smˬ li jawˇ-eu meh. Teˬhiˇnahˬ-aˬ, Naˬhaˆ meuˬ teˬ-euˬ gʼaˬ pyeuꞈ-eu meh. Tsawˇ haˬ heu deuˬ-euˬ zaˬ deuˬ uˆ deuˬ Leˬkah meuˬ-ahˇ jawˇ-euˬ meh.

¹³Gaˬnaˆ-aˬ, Awˇdaˬneˬlaˇ hawˇ-eu Seˬlehˇyaˬ lehˇ myahˇ-euˬ aˬ li nyiˬ li jawˇ-eu meh. Awˇdaˬneˬlaˇ-aˬ, Haˬdah hawˇ-eu Mawˇnawˇdehˇ lehˇ myahˇ-eu aˬ li nyiˬ li jawˇ-eu meh.

¹⁴Mawˇnawˇdehˇ-aˬ, Awˇpaˬlaˇ-euˬ aˬ da meh. Seˬlehˇyaˬ-aˬ, Yoˇbaˬ-euˬ aˬ da meh. Yoˇbaˬ-aˬ, laꞈ myawˬ laꞈ sawˆ nya-eu tsawˇ haˬ deuˬ tehꞈ-ehˇ jawˇ-eu jawˇ duˬ pyeuꞈ-eu, Laꞈsaˇmaˇ deh kʼawꞈ lehˇ kuˇ-eu jawˇ duˬ kʼoeˇ tsahˇ teˬ-euˬ gʼaˬ meh.

¹⁵Yeˬpuˬnehˇ-euˬ aˬ li Gaˬlehˆ-aˬ, Iˇluˆ, Eˇlahˬ, Naˬmˬ lehˇ myahˇ-euˬ aˬ li smˬ li jawˇ-eu meh. Eˇlahˬ-aˬ, Gaˬnaˆ-euˬ aˬ da pyeuꞈ-eu meh.

¹⁶Yeˬhaˬleˬlaˇ-aˬ, Ziˇpaˬ, Ziˇpahˬ, Tiˇliˆ, Aˬsaˬyeˬlaˆ lehˇ myahˇ-euˬ aˬ li oeˬ li jawˇ-eu meh.

¹⁷Eˇzaˬlahˬ-aˬ, Yeˬdeuˬ, Meˬyehˆ, Eˇpeuˬ, Yaˬlah lehˇ myahˇ-euˬ aˬ li oeˬ li jawˇ-eu meh. Meˬyehˆ-aˬ, Biˇdiˬyaˬ lehˇ myahˇ-euˬ Iˇjiˇtuˆ sahˬ paˬ zaˬ miˬ-ahˇ sheuˬ-awˇ, Miˇliˬyaˬ lehˇ myahˇ-euˬ aˬ buˇ tiˬ buˇ hawˇ-eu, Shaˬmaiˇ hawˇ-eu Iˇshaˬbahˬ lehˇ myahˇ-euˬ aˬ li nyiˬ li jawˇ le-euˬ meh. Iˇshaˬbahˬ-aˬ, Eˇshaˬteˬmawˇ meuˬ teˬ-euˬ gʼaˬ pyeuꞈ-eu meh. Meˬyehˆ-aˬ, Yuˇdaˆ tsawˇ jeuˬ zaˬ miˬ zaˬ tiˬ gʼaˬ paˇ sheuˬ-awˇ, aˬ li smˬ li paˇ jawˇ le-euˬ meh. Aˬ liˬ kʼoeˇ deuˬ-aˬ, Geˬdawˬ meuˬ teˬ-euˬ gʼaˬ pyeuꞈ-eu Yeˬyehˆ, Sawˇkawˇ meuˬ teˬ-euˬ gʼaˬ pyeuꞈ-eu Heˬbeuˬ hawˇ-eu, Zaˬnoˇaˬ meuˬ teˬ-euˬ gʼaˬ pyeuꞈ-eu Yeˬkuˇdeˬlaˇ meh.

¹⁸

¹⁹Hawˇdiˇyaˆ-aˬ, Naˬhamˬ-euˬ dmˇ ma-ahˇ sheuˬ-euˬ meh. Aˬ yawꞈ-euˬ zaˬ deuˬ uˆ deuˬ-aˬ ,Kiˇlahˬ meuˬ-ahˇ jawˇ-eu Gaˬmˬ aˇ jeuˬ hawˇ-eu , Eˇshaˬteˬmawˇ meuˬ-ahˇ jawˇ-eu Mawˇkaˇ aˇ jeuˬ-euˬ aˬ da yaw dzahˇ deuˬ pyeuꞈ-eu meh.

²⁰Shiˇmoˬ-aˬ, Aˬmaˬnoˬ, Li nahˬ, Beˬhaˬnaˬ, Tiˇloˬ lehˇ myahˇ-euˬ aˬ li oeˬ li jawˇ-eu meh. Iˇshiˇ-aˬ, Zoˇhehˇ hawˇ-eu Beˬzoˇhehˇ lehˇ myahˇ-euˬ aˬ li nyiˬ li jawˇ-eu meh.

²¹Sheˬlahˬ-aˬ, Yuˇdaˆ-euˬ aˬ li pyeuꞈ-eu meh. Sheˬlahˬ-euˬ zaˬ deuˬ uˆ deuˬ-aˬ, Leˇkah meuˬ teˬ-euˬ gʼaˬ pyeuꞈ-eu Iˇlehˆ, Maˬleˇshaˬ meuˬ teˬ-euˬ gʼaˬ pyeuꞈ-eu Lawˬdah, Behˬaˬshaˬ meuˬ-ahˇ jawˇ-eu shawˇ jehˆ ni gʼeh-eu saˬ paˇ zaꞈ-euˬ aˇ jeuˬ,

²²Yoˇkmˬ lehˇ myahˇ-euˬ gʼaˬ hawˇ-eu Kawˇzeˬbaˬ meuˬ-ahˇ jawˇ-eu deuˬ, Mawˇbaˆ tsawˇ jeuˬ zaˬ miˬ zaˬ deuˬ-ahˇ sheuˬ-awˇ Behˬlehˬhehˬ meuˬ-ahˇ jawˇ-euˬ Yawˇshaˆ hawˇ-eu Saˬlaˆ heu deuˬ meh. (Gaˇ kawˆ heu-aˬ, oeˇ dui dui laˇ-euˬ gaˇ kawˆ pyeuꞈ-eu meh.)

²³Aˬ yawꞈ maꞈ-aˬ, sahˬ paˬ-euˬ oeˬ lahˬ tehˆ-eu gaˇ mˇ-eu tsawˇ haˬ deuˬ pyeuꞈ-awˇ, Neˬteˬ meuˬ hawˇ-eu Geˬdeˬlahˇ meuˬ-ahˇ jawˇ-eu meh.

²⁴Suˇmoˬ-aˬ, Neˬmoeˬlaˇ, Yaˬmeˬ, Yaˬliˆ, Zeˬlahˬ, Shawˇlaˆ lehˇ myahˇ-euˬ aˬ li ngaˬ li jawˇ-eu meh.

²⁵Shawˇlaˆ-euˬ aˬ li Shaˬlmˬ, Shaˬlmˬ-euˬ aˬ li Miˇbaˬsaˬ, Miˇbaˬsaˬ-euˬ aˬ li Miˇshaˬmaˬ meh.

²⁶Miˇshaˬmaˬ-euˬ aˬ li Haˬmoeˬlaˇ, Haˬmoeˬlaˇ-euˬ aˬ li Zaˬkuˬlaˇ, Zaˬkuˬlaˇ-euˬ aˬ li Shiˇmiˇ meh.

²⁷Shiˇmiˇ-aˬ, aˬ li tseˇ koꞈ li hawˇ-eu aˬ buˇ koꞈ buˇ jawˇ-eu meh. Ehˇ kʼawꞈ, aˬ yawꞈ-euˬ aˬ yuiꞈ aˬ nyiˇ deuˬ zaˬ maˬ myaˬ-eu miˇ neh, Suˇmoˬ tsawˇ jeuˬ-aˬ, Yuˇdaˆ tsawˇ jeuˬ loꞈ-ehˇ tsawˇ haˬ maˬ behˇ-a.

²⁸Sahˬ paˬ Daˬbiˇ-euˬ ziˇ-ahˇ keuˆ ni Suˇmoˬ-euˬ zaˬ deuˬ uˆ deuˬ jawˇ-eu meuˬ deuˬ-aˬ, Beˬlaˇsheˬba meuˬ, Mawˇlaˬdaˇ meuˬ, Haˬzaˇshawˇlaˆ meuˬ,

²⁹Biˇlaˬhaˇ meuˬ, Eˬzeˬ meuˬ, Tawˇlaˆ meuˬ,

³⁰Behˬtuˬlaˇ meuˬ, Hawˇmaˬ meuˬ, Ziˇkaˬlehˆ meuˬ,

³¹Behˬmaˬkaˬbawˇ meuˬ, Haˬzaˇsuˇsiˬ meuˬ, Behˬbiˇliˇ meuˬ, Shaˬleˬ meuˬ heu deuˬ meh.

³²Kʼoeˇ uˬ taꞈ, Eˇtamˬ meuˬ, Aˬiˇ meuˬ, Leˬmoˬ meuˬ, Tawˇsheˬ meuˬ, Aˇshah meuˬ heu ngaˬ meuˬ hawˇ-eu,

³³meuˬ heu deuˬ-euˬ tahˬ gʼoꞈ tahˬ jawˇ jaˆ-eu pu deuˬ-ahˇ kʼawꞈ aˬ yawꞈ maꞈ jawˇ-awˇ, laꞈ oˆ paw nahˇ ma ga kʼehˬ paw pyawˬ-ehˇ jaˆ-eu Baˬlaˆ meuˬ-ahˇ keuˆ ni jawˇ-euˬ meh. Heu-aˬ, aˬ yawꞈ maꞈ-euˬ aˬ yuiꞈ aˬ nyiˇ deuˬ gaˇ kawˆ hawˇ-eu, aˬ yawꞈ maꞈ neh kʼaˇ jawˇ-euˬ jawˇ duˬ deuˬ gaˇ kawˆ, aˬ yawꞈ maꞈ neh boꞈ doˆ-awˇ jeˬ hmˬ taˬ-euˬ jaˇ laˇ pyeuꞈ-eu meh.

³⁴Tsawˇ haˬ heu deuˬ-aˬ, Suˇmoˬ tsawˇ jeuˬ laꞈ kʼoeˇ yawˬ ha-euˬ aˇ jeuˬ aˇ ca-ahˇ uˆ lahˇ-awˇ, aˬ yuiꞈ aˬ tsu geuꞈ-euˬ deuˬ meh. Meˬshawˇbaˆ, Yamˬlehˆ, Aˬmaˬziˇ-euˬ aˬ li Yoˇshah, Yawˇlaˆ, Yeˬhuˇ, (Yeˬhuˇ-euˬ aˬ da Yawˇshiˇbyaˬ, Yawˇshiˇbyaˬ-euˬ aˬ da Seˬlehˇyaˬ, Seˬlehˇyaˬ-euˬ aˬ da Aˬseˬlaˇ meh.) Eˇlawˇneˬ, Yaˬkawˇbaˬ, Yeˬshawˇhaˬyaˇ, Aˬsaˬyaˇ, Aˬdeˬlaˇ, Yeˬsiˇmeˬlaˇ, Baˬnaˇyaˬ, Ziˇzaˬ, (Ziˇzaˬ-euˬ aˬ da Sheˬpiˇ, Sheˬpiˇ-euˬ aˬ da Aˇlahˬ, Aˇlahˬ-euˬ aˬ da Yeˬdaˬyaˇ, Yeˬdaˬyaˇ-euˬ aˬ da Shiˇmaˬliˇ, Shiˇmaˬliˇ-euˬ aˬ da Sheˬmaˇyaˬ meh.) Aˬ yawꞈ maꞈ-euˬ aˇ jeuˬ aˇ ca tsawˇ haˬ myaˬ laˇ tehˇ tehˬ-eu meh.

³⁹Kʼoeˇ miˇ neh, nahˇ ma ga kʼehˬ paw Geˬlawˬ meuˬ-ahˇ keuˆ ni jawˇ keuˆ gʼeh-awˇ, meuˬ kʼoeˇ meuˬ jaˆ-eu deh kʼawꞈ-euˬ nahˇ ma doˆ kʼehˬ paw baˬ-ahˇ yawˇ cu-euˬ meh.

⁴⁰Kʼoeˇ gaˇ, jeˬ zaˬ gaˆ kʼahˬ muiˬ dui dui-eu deh ga deuˬ aˬ yawꞈ maꞈ mawˇ-euˬ meh. Kʼoeˇ-aˬ, ciˬ cuˇ ni gʼeh-awˇ, miˇ kʼahˬ saˇ-eu jawˇ duˬ pyeuꞈ-eu meh. Yaw beh kʼoeˇ gaˇ jawˇ-euˬ tsawˇ haˬ deuˬ-aˬ, Haˬmiˇ tsawˇ jeuˬ pyeuꞈ-eu meh.

⁴¹Sahˬ paˬ Heˬsaˬgiˇ Yuˇdaˆ miˇ kʼahˬ-ahˇ uˆ lahˇ ngeh yamˬ-ahˇ, laꞈ taˆ paw ehˇ taˬ-euˬ tsawˇ haˬ kʼoeˇ deuˬ Geˬlawˬ deh kʼawꞈ-ahˇ iˇ-awˇ, kʼoeˇ gaˇ jawˇ-eu tsawˇ haˬ deuˬ-euˬ sehˬ gʼawˆ deuˬ-ahˇ laˆ cawˆ-euˬ meh. Tsawˇ haˬ kʼoeˇ deuˬ-ahˇ aˬ yawꞈ maꞈ teh doˆ-awˇ, kʼoeˇ gaˇ jawˇ duˬ dah-euˬ meh. Aˬ jeˬ miˇ neh ehˇ naˇ, jawˇ duˬ kʼoeˇ tsahˇ-ahˇ, aˬ yawꞈ maꞈ-euˬ yawˇ deuˬ gʼaˇ duˬ muiˬ dui dui-eu gaˆ kʼahˬ gʼawˬ mya ni jaˆ-eu meh.

⁴²Ngaˬ heˇ gʼaˬ byah-eu Suˇmoˬ tsawˇ jeuˬ tiˬ maꞈ-aˬ, nahˇ ma doˆ kʼehˬ paw jaˆ-eu Eˬdoˬ meuˬ-ahˇ iˇ-euˬ meh. Aˇ maꞈ kʼoeˇ maꞈ-ahˇ, Iˇshiˇ-euˬ aˬ li deuˬ pyeuꞈ-eu Peˬlaˬtiˇ, Neˬliˇyaˆ, Leˬpaˬyaˆ, Awˇzeˬlaˇ aˬ ha mehˇ nmˇ aˬ yuiꞈ geuꞈ-awˇ sheuˬ gʼeh-euˬ meh.

⁴³Kʼoeˇ gaˇ kʼaˇ dzeˇ-eu Aˬmaˬlehˇ tsawˇ haˬ deuˬ-ahˇ aˬ yawꞈ maꞈ sehꞈ-awˇ, kʼoeˇ ngeh neh naˇ, aˬ yawꞈ maꞈ kʼoeˇ gaˇ jawˇ duˬ dah-euˬ meh.