Read Akha 1 Laˬsaˬbaˬ 6 Bible Online

1 Laˬsaˬbaˬ 6 - Akha bible

1 Laˬsaˬbaˬ 6

¹Leˬbiˇ-aˬ, Geˬlaˬshoˬ, Kawˇhaˆ, Meˬlaˬliˇ lehˇ myahˇ-euˬ aˬ li smˬ li jawˇ-eu meh.

²Kawˇhaˆ-aˬ, Aˬmaˬlamˬ, Iˇzaˬhaˬ, Heˬbyoˬ, Awˇzeˬlaˇ lehˇ myahˇ-euˬ aˬ li oeˬ li jawˇ-eu meh.

³Aˬmaˬlamˬ-aˬ, Aˬloˬ hawˇ-eu Moˇseˬ lehˇ myahˇ-euˬ aˬ li nyiˬ li hawˇ-eu, Miˇliˬyaˬ lehˇ myahˇ-euˬ aˬ buˇ tiˬ buˇ jawˇ-eu meh. Aˬloˬ-aˬ, Naˬdehˇ, Aˬbiˇhu, Eˇlaˬzaˬ, Iˇdaˬmaˬ lehˇ myahˇ-euˬ aˬ li oeˬ li jawˇ-eu meh.

⁴Eˇlaˬzaˬ-ahˇ neh gui ka leꞈ-euˬ tsuiꞈ-aˬ, heu loꞈ-ehˇ meh. Piˇnaˬhaˇ, Aˬbiˇshahˬ,

⁵Buˇkiˬ, Awˇzeˬ,

⁶Zeˬlaˬhiˇ, Meˬlaˇyoˆ,

⁷Aˬmaˬliˇ, Aˬhiˇtuˆ,

⁸Zaˬdoˆ, Aˬhiˇmaˆ,

⁹Aˬzaˬziˇ, Yoˇhaˬnaˬ,

¹⁰(Yeˬluˇsaˬlehˬ meuˬ-ahˇ sahˬ paˬ Sawˇlaˬmoˬ neh tsoˆ-euˬ Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu gʼaˬ pyeuꞈ-eu) Aˬzaˬyiˇ,

¹¹Aˬmaˬliˇ, Aˬhiˇtuˆ,

¹²Zaˬdoˆ, Shaˬlmˬ,

¹³Hiˇlaˬkiˇ, Aˬzaˬziˇ,

¹⁴Seˬlehˇyaˬ, Yeˬhawˇzaˬdaˆ lehˇ meh.

¹⁵Sahˬpaˬ Miˬyehˇ neh sahˬ paˬ Neˬbuˬkaˬneˬzaˬ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ bi nyehꞈ gʼeh ngeh, Yeˬhawˇzaˬdaˆ-ahˇ kʼawꞈ nyehꞈ gʼeh-euˬ meh.

¹⁶Leˬbiˇ-aˬ, Geˬlaˬshoˬ, Kawˇhaˆ, Meˬlaˬliˇ lehˇ kuˇ-euˬ aˬ li smˬ li jawˇ-eu meh.

¹⁷Aˬ ha smˬ mehˇ nmˇ luꞈ aˬ li deuˬ jawˇ-eu meh. Geˬlaˬshoˬ-aˬ, Liˇbaˬniˇ hawˇ-eu Shiˇmiˇ-euˬ aˬ da pyeuꞈ-eu meh.

¹⁸Kawˇhaˆ-aˬ, Aˬmaˬlamˬ, Iˇzaˬhaˬ, Heˬbyoˬ, Awˇzeˬlaˇ aˬ ha mehˇ nmˇ-euˬ aˬ da pyeuꞈ-eu meh.

¹⁹Meˬlaˬliˇ-aˬ, Maˬhaˬliˬ hawˇ-eu Muˇshiˬ aˬ nyaꞈ nmˇ-euˬ aˬ da pyeuꞈ-eu meh.

²⁰Geˬlaˬshoˬ-ahˇ neh gui ka leꞈ-euˬ tsuiꞈ-aˬ, Geˬlaˬshoˬ, Liˇbaˬniˇ, Jaˬhaˆ, Ziˇmaˬ,

²¹Yoˇaˬ, Iˇdoˬ, Zeˬlahˬ, Yeˬdaˬlehˇ, lehˇ meh.

²²Kawˇhaˆ-ahˇ neh gui ka leꞈ-euˬ tsuiꞈ-aˬ, Kawˆhaˆ, Aˬmiˇnaˬdehˇ, Kawˇlaˆ, Aˬsiˇlaˆ,

²³Eˇlaˬkaˬnaˬ, Eˇbyaˬsaˆ, Aˬsiˇlaˆ

²⁴Taˬhaˇ, Uˇleˬlaˇ, Awˇziˇ, Shawˇlaˆ lehˇ meh.

²⁵Eˇlaˬkaˬnaˬ-aˬ, Aˬmaˬsehˇ hawˇ-eu Aˬhiˇmoˇ lehˇ myahˇ-euˬ aˬ li nyiˬ li jawˇ-eu meh.

²⁶Aˬhiˇmoˇ-ahˇ neh gui ka leꞈ-euˬ tsuiꞈ-aˬ, Aˬhiˇmoˇ, Eˇlaˬkaˬnaˬ, Zoˇpeˬ, Naˬhaˇ,

²⁷Eˇliˇbaˆ, Yeˬloˇhamˬ, Eˇlaˬkaˬnaˬ lehˇ meh.

²⁸Saˬmeuˬlaˆ-euˬ aˬ li nyiˬ li jawˇ-eu meh. Aˬ yuiꞈ gʼaˬ Yawˇlaˆ pyeuꞈ-awˇ, aˬ nyiˇ gʼaˬ Aˬbiˇyaˬ pyeuꞈ-eu meh.

²⁹Meˬlaˬliˇ-ahˇ neh gui ka leꞈ-euˬ tsuiꞈ-aˬ, Meˬlaˬliˇ, Maˬhaˬliˇ, Liˇbaˬniˇ, Shiˇmiˇ, Awˇzah,

³⁰Shiˇmehˇ, Haˬjaˬ, Aˬsaˬyaˇ lehˇ meh.

³¹Heu-aˬ, Yeˬluˇsaˬlehˬ meuˬ laꞈ kʼoeˇ jaˆ-eu uˬ duˬ tahˬ-eu jawˇ duˬ-ahˇ Dawˬ ma saˇ jaˇ Bahˬ keuˆ hehˇ keuˆ laꞈ gʼaˬ ngeh, kʼoeˇ gaˇ caˇ dawˬ bi caˇ-eu gʼaˇ duˬ, sahˬ paˬ Daˬbiˇ neh gaˇ biꞈ taˬ-euˬ tsawˇ haˬ deuˬ pyeuꞈ-eu meh.

³²Sahˬ paˬ Sawˇlaˬmoˬ Uˬ duˬ tahˬ nymˇ nymˇ ma maˬ tsoˆ mi naˆ-ehˇ, Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ, aˬ yawꞈ maꞈ yawˬ ha -euˬ aˇ yamˬ yawˬ ha baw baw ehˇ, gaˇ tawˬ luꞈ-eu meh.

³³Kʼoeˇ loꞈ-ehˇ gaˇ mˇ-eu aˇ jeuˬ aˇ ca deuˬ-euˬ tsuiꞈ-aˬ, heu loꞈ-ehˇ meh. Kawˇhaˆ aˇ jeuˬ laꞈ kʼoeˇ, kawˇ yehˬ caˇ-eu paw aˬ yuiꞈ geuꞈ-awˇ sheuˬ gʼeh-euˬ gʼaˬ-aˬ, Yawˇlaˆ-euˬ aˬ li Heˬmaˬ meh. Yaˬkoˆ-ahˇ keuˆ ni gui daˆ leꞈ-euˬ aˬ yawꞈ-euˬ tsuiꞈ daˆ-aˬ, Heˬmaˬ, Yawˇlaˆ, Saˬmoeˬlaˆ,

³⁴Eˇlaˬkaˬnaˬ, Yeˬloˇhamˬ, Eˇliˇlaˆ, Toˇhaˬ,

³⁵Zuˇpaˬ, Eˇlaˬkaˬnaˬ, Maˬhaˇ, Aˬmaˬsehˇ,

³⁶Eˇlaˬkaˬnaˬ, Yawˇlaˆ, Aˬzaˬyiˇ, Zeˬpaˬniˇ,

³⁷Taˬhaˇ, Aˬsiˇlaˆ, Eˇbyaˬsaˆ, Kawˇlaˆ,

³⁸Iˇzaˬhaˬ, Kawˇhaˆ, Leˬbiˇ, Yaˬkoˆ, lehˇ meh.

³⁹Aˬsaˆ-aˬ, kawˇ yehˬ caˇ-eu paw aˬ yuiꞈ geuꞈ-euˬ nyiˬ gʼaˬ tiˬ gʼaˬ pyeuꞈ-eu meh. Leˬbiˇ-ahˇ keuˆ ni gui daˆ leꞈ-euˬ aˬ yawꞈ-euˬ tsuiꞈ daˆ-aˬ, Aˬsaˆ, Beˬleˬkiˇ, Shiˇmehˇ,

⁴⁰Miˇkeˬlaˇ, Baˬseˬyaˆ, Maˬlaˬkiˇyaˬ,

⁴¹Eˬdaˬniˇ, Zeˬlahˬ, Aˬdaˬyaˇ,

⁴²Eˇdaˬ, Ziˇmaˬ, Shiˇmiˇ,

⁴³Jaˬhaˆ, Geˬlaˬshoˬ, Leˬbiˇ lehˇ meh.

⁴⁴Meˬlaˬliˇ aˇ jeuˬ Eˇdaˬ-aˬ, kawˇ yehˬ aˇ muˇ kʼoeˇ taˆ aˬ yuiꞈ geuꞈ-euˬ smˇ gʼaˬ tiˬ gʼaˬ meh. Leˬbiˇ-ahˇ keuˆ ni gui daˆ leꞈ-euˬ aˬ yawꞈ-euˬ tsuiꞈ daˆ-aˬ, Eˇdaˬ, Giˇshiˇ, Aˬbaˬdiˇ, Maˬluꞈ,

⁴⁵Haˬshaˬbiˇ, Aˬmaˬziˇ, Hiˇlaˬkiˇ,

⁴⁶Mˬziˇ, Baˬniˬ, Sheˬmeuˬ,

⁴⁷Maˬhaˬliˇ, Muˇshiˬ, Meˬlaˬliˇ, Leˬbiˇ lehˇ meh.

⁴⁸Aˬ yawꞈ maꞈ-euˬ aˬ yuiꞈ aˬ nyiˇ Leˬbiˇ tsawˇ haˬ deuˬ-aˬ, uˬ duˬ tahˬ-eu jawˇ duˬ-ahˇ jaˆ-eu nui jeˬ gaˇ dawˬ tawˆ luꞈ-ahˇ ya mˇ-eu meh.

⁴⁹Aˬloˬ hawˇ-eu aˬ yawꞈ-euˬ zaˬ deuˬ uˆ deuˬ-aˬ, tsiˇ yaw saw jeˬ doꞈ damˬ-eu gaˇ hawˇ-eu, lawˇ duˬ kʼoeˇ taˆ dzah puiˆ-awˇ lawˇ-eu jeˬ lawˇ nehˬ-eu gaˇ mˇ-eu meh. Muiˬ dui shawˇ dui dui-eu jawˇ duˬ laꞈ kʼoeˇ uˬ duˬ tahˬ-eu hawˇ-eu, Iˇsaˬleˬlaˆ tsawˇ jeuˬ-ahˇ Miˬyehˇ iˬ baˇ pyehˬ nehˬ laꞈ ni ya lawˇ ya shehˇ-eu gaˇ dawˬ tawˆ luꞈ, aˬ yawꞈ maꞈ kʼoeˇ taˆ jaˆ-eu meh. Miˬyehˇ-euˬ zaˬ kʼaˆ pyeuꞈ-eu Moˇseˬ neh mehˬ nehˬ tsoˆ nehˬ-euˬ loꞈ-ehˇ, gaˇ kʼoeˇ deuˬ dawˬ tawˆ luꞈ-ahˇ aˬ yawꞈ maꞈ ya mˇ-eu meh.

⁵⁰Aˬloˬ-euˬ zaˬ deuˬ uˆ deuˬ-euˬ tsuiꞈ-aˬ, Aˬloˬ, Eˇlaˬzaˬ, Piˇnaˬhaˇ, Aˬbiˇshahˬ,

⁵¹Buˇkiˬ, Awˇzeˬ, Zeˬlaˬhiˇ,

⁵²Meˬlaˇyoˆ, Aˬmaˬliˇ, Aˬhiˇtuˆ,

⁵³Zaˬdoˆ, Aˬhiˇmaˆ lehˇ meh.

⁵⁴Heu-aˬ, Aˬloˬ-euˬ zaˬ deuˬ uˆ deuˬ pyeuꞈ-eu Kawˇhaˆ aˇ jeuˬ-ahˇ biˇ nehˬ-euˬ miˇ tsaˬ meh. Leˬbiˇ tsawˇ haˬ deuˬ-ahˇ biˇ nehˬ beh beh-euˬ miˇ tsaˬ pehˇ tsahˇ yaw beh tsahˇ aˬ yawꞈ maꞈ za-euˬ meh.

⁵⁵Yuˇdaˆ miˇ kʼahˬ laꞈ kʼoeˇ jaˆ-eu Heˬbyoˬ meuˬ hawˇ-eu, meuˬ kʼoeˇ meuˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ, miˇ tsaˬ pehˇ tsahˇ kʼoeˇ tsahˇ laꞈ kʼoeˇ ahˇ-eu meh.

⁵⁶Ehˇ kʼawꞈ, meuˬ kʼoeˇ meuˬ-ahˇ taꞈ-eu deh yaˇ deuˬ hawˇ-eu pu deuˬ-aˬ, Yeˬpuˬnehˇ-euˬ aˬ li Gaˬlehˆ-ahˇ biꞈ-euˬ meh.

⁵⁷Aˬloˬ-euˬ zaˬ deuˬ uˆ deuˬ-ahˇ biˇ nehˬ-euˬ meuˬ deuˬ-aˬ, buˬ-iˇ law-iˇ-eu meuˬ tiˬ meuˬ pyeuꞈ-eu Heˬbyoˬ meuˬ, Liˇbaˬnahˬ meuˬ, Yaˬtiˇlaˆ meuˬ, Eˇshaˬteˬmawˇ meuˬ,

⁵⁸Hiˇleˬ meuˬ, Deˬbeuˬ meuˬ,

⁵⁹Aˇshah meuˬ, Behˬsheˬmehˇ meuˬ heu deuˬ hawˇ-eu, meuˬ heu deuˬ-euˬ jeˬ zaˬ gaˆ kʼahˬ deuˬ meh.

⁶⁰Beˬyaˬmiˬ miˇ kʼahˬ laꞈ kʼoeˇ Geˬbaˬ meuˬ, Aˬlaˬmehˇ meuˬ, Aˬnaˬtawˇ meuˬ hawˇ-eu, meuˬ heu deuˬ-euˬ jeˬ zaˬ gaˆ kʼahˬ deuˬ aˬ yawꞈ maꞈ za-euˬ meh. Aˬ yawꞈ maꞈ aˇ jeuˬ gʼaˇ duˬ, meuˬ dawˬ tawˆ luꞈ tseˇ smˇ meuˬ za-euˬ meh.

⁶¹Miˇ tsaˬ maˬ za-ehˇ dzeˇ-eu Kawˇhaˆ aˇ jeuˬ aˇ ca aˬ yawꞈ ca yawꞈ-ahˇ, nahˇ ma ga kʼehˬ paw baˬ-ahˇ jaˆ-eu Maˬnaˇseˬ miˇ kʼahˬ laꞈ kʼoeˇ, meuˬ tseˇ meuˬ biˇ oꞈ nehˬ-euˬ meh.

⁶²Geˬlaˬshoˬ aˇ jeuˬ laꞈ kʼoeˇ ahˇ-eu aˇ ca aˬ yawꞈ ca yawꞈ-ahˇ, Iˇsaˬkaˬ miˇ kʼahˬ, Aˬshaˬ miˇ kʼahˬ, Naˬtaˬliˇ miˇ kʼahˬ hawˇ-eu, Baˬshaˬ miˇ kʼahˬ laꞈ kʼoeˇ jaˆ-eu nahˇ ma doˆ kʼehˬ paw dzeˇ baˬ-ahˇ jawˇ-eu Maˬnaˇseˬ miˇ kʼahˬ heu deuˬ laꞈ kʼoeˇ, meuˬ tseˇ smˇ meuˬ biˇ oꞈ nehˬ-euˬ meh.

⁶³Kʼoeˇ loꞈ-ehˇ duˇ ni, Luˇbeˬ miˇ kʼahˬ, Gaˆ miˇ kʼahˬ, Zeˬbuˬluˬ miˇ kʼahˬ heu deuˬ laꞈ kʼoeˇ jaˆ-eu meuˬ tseˇ nyiꞈ meuˬ, Meˬlaˬliˇ aˇ jeuˬ aˇ ca aˬ yawꞈ ca yawꞈ-ahˇ biˇ nehˬ-euˬ meh.

⁶⁴Kʼoeˇ loꞈ-ehˇ, Iˇsaˬleˬlaˆ tsawˇ haˬ deuˬ-aˬ, Leˬbiˇ tsawˇ jeuˬ-ahˇ, meuˬ kʼoeˇ deuˬ hawˇ-eu jeˬ zaˬ gaˆ kʼahˬ deuˬ biꞈ-euˬ meh.

⁶⁵(Yuˇdaˆ miˇ kʼahˬ, Suˇmoˬ miˇ kʼahˬ, Beˬyaˬmiˬ miˇ kʼahˬ heu deuˬ laꞈ kʼoeˇ jaˆ-eu, laˬ taˆ paw ehˇ dzeuˇ yaꞈ-euˬ meuˬ kʼoeˇ deuˬ biˇ nehˬ ngeh, shehˆ tsaˬ tsaˬ-awˇ biˇ nehˬ-euˬ meh.)

⁶⁶Kawˇhaˆ aˇ jeuˬ aˇ ca tiˬ paˆ na deuˬ-ahˇ, Eˇpaˬleˬ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu jeˬ zaˬ gaˆ kʼahˬ deuˬ biˇ nehˬ-euˬ meh.

⁶⁷Eˇpaˬleˬ miˇ kʼahˬ gawˬ jawˬ gawˬ duˇ-ahˇ jaˆ-eu buˬ-iˇ law-iˇ-eu meuˬ tiˬ meuˬ pyeuꞈ-eu Sheˬkmˬ meuˬ, Geˬzeuˬ meuˬ,

⁶⁸Yawˇkaˬmeˬ meuˬ, Behˬhawˇleuˬ meuˬ,

⁶⁹Aiˬjaˬloˬ meuˬ, Gaˬdaˇleˬmoˬ meuˬ, heu deuˬ biˇ nehˬ-euˬ meh.

⁷⁰Nahˇ ma ga kʼehˬ paw baˬ-ahˇ jaˆ-eu Maˬnaˇseˬ miˇ kʼahˬ laꞈ kʼoeˇ, Aˬneˬlaˆ meuˬ, Biˇlamˬ meuˬ hawˇ-eu, meuˬ kʼoeˇ nyiˬ meuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ, aˬ yawꞈ maꞈ-ahˇ biˇ nehˬ-euˬ meh.

⁷¹Geˬlaˬshoˬ aˇ jeuˬ-ahˇ biˇ oꞈ nehˬ-euˬ meuˬ deuˬ hawˇ-eu jeˬ zaˬ gaˆ kʼahˬ deuˬ-aˬ, heu deuˬ pyeuꞈ-eu meh. Nahˇ ma doˆ kʼehˬ paw baˬ-ahˇ jaˆ-eu Maˬnaˇseˬ miˇ kʼahˬ laꞈ kʼoeˇ, Baˬshaˬ gahˬ kaˬ-ahˇ jaˆ-eu Goˬlaˬ meuˬ, Aˬshaˇtaˬyoˇ meuˬ hawˇ-eu, meuˬ kʼoeˇ nyiˬ meuˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ meh.

⁷²Iˇsaˬkaˬ miˇ kʼahˬ laꞈ kʼoeˇ, Geˬdeˬshaˆ meuˬ, Daˬbeˬlaˆ meuˬ,

⁷³Laˬmoˆ meuˬ, Aˬneˬ meuˬ hawˇ-eu, meuˬ heu deuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ meh.

⁷⁴Aˬshaˬ miˇ kʼahˬ laꞈ kʼoeˇ Maˬshaˬlaˇ meuˬ, Aˬbaˬdoˬ meuˬ,

⁷⁵Haˬkoˆ meuˬ, Leˬhawˇbaˆ meuˬ hawˇ-eu, meuˬ heu deuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ meh.

⁷⁶Naˬtaˬliˇ miˇ kʼahˬ laꞈ kʼoeˇ, Gaˬliˬlehˇ gahˬ kaˬ-ahˇ jaˆ-eu Geˬdeˬshaˆ meuˬ, Haˬmoˬ meuˬ, Kiˇlaˬdeˬ meuˬ hawˇ-eu, meuˬ heu deuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ meh.

⁷⁷Miˇ tsaˬ maˬ za-ehˇ dzeˇ-eu Meˬlaˬliˇ aˇ jeuˬ deuˬ-ahˇ biꞈ-euˬ meuˬ deuˬ-aˬ, heu deuˬ meh. Zeˬbuˬloˬ miˇ kʼahˬ laꞈ kʼoeˇ, Leˬmoˬnoˬ meuˬ, Taˬbawˬ meuˬ hawˇ-eu, meuˬ heu nyiˬ meuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ meh.

⁷⁸Yawˇdaˬ lawˇ baˬ nahˇ ma doˆ kʼehˬ paw dzeˇ baˬ-ahˇ, Luˇbeˬ miˇ kʼahˬ laꞈ kʼoeˇ, Yeˬliˇkoˇ meuˬ-euˬ nui paw jaˆ-eu deh ga yaw goˇ-ahˇ jaˆ-eu Beˬseˬlaˇ meuˬ, Yaˬzah meuˬ,

⁷⁹Geˬdiˇmoˇ meuˬ, Meˬpaˇ meuˬ hawˇ-eu, meuˬ heu deuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ meh.

⁸⁰Gaˆ miˇ kʼahˬ laꞈ kʼoeˇ, Giˇlaˆ gahˬ kaˬ-ahˇ jaˆ-eu Laˬmoˆ meuˬ, Maˬhaˬneˬ meuˬ,

⁸¹Heˬshaˬboˬ meuˬ, Yaˬzeuˬ meuˬ hawˇ-eu, meuˬ heu deuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ meh.