Read Akha Ja ceuˬ 101 Bible Online

Ja ceuˬ 101 - Akha bible

Ja ceuˬ 101

¹(Daˬbiˇ-euˬ caˇ dawˬ) Saˇ jaˇ ziꞈ-eu jeˬ hawˇ-eu yaw tsaˬ yaw dawˇ jeˬ gaˇ kawˆ, ngaˇ caˇ-awˇ ja ceuˬ ma. Sahˬpaˬ Miˬyehˇ-oˇ, nawˬ-ahˇ ngaˇ caˇ-awˇ ja ceuˬ ma.

²Ngaˬ-euˬ dehꞈ jeˬ dehꞈ kawˆ iˬ baˇ taˬ kʼaˇ maˬ za. Ngaˇ jawˇ gaˇ nawˇ aˬ myah oe-eu gʼeh te. Ngaˬ-euˬ nymˇ laꞈ kʼoeˇ ngaˇ shawˇ jehˆ ni dehꞈ ma.

³Yaw haiˬ jeˬ-ahˇ ngaˇ maˬ taꞈ. Miˬyehˇ-ahˇ byehˇ dzeh-eu deuˬ mˇ gaˇ shaˇ gaˇ ngaˇ bye-eu ma. Aˬ yawꞈ maꞈ-ahˇ ngaˇ tiˬ jeˬ-iˬ maˬ taꞈ.

⁴Maˬ sui maˬ dawˇ-eu jeˬ-ahˇ ngaˇ gaˇ jaw jaw-awˇ, yaw haiˬ jeˬ-ahˇ ngaˇ myaˆ maˬ haw cawˬ.

⁵Aˬ cawˬ kʼoeˇ taˆ yaw haiˬ jeˬ mˇ-eu gʼaˇ duˬ dawˬ saˆ saˆ kʼoeˬ-eu tsawˇ haˬ-ahˇ, ngaˇ yahˇ pawˇ ma. Nui ma huiˬ-awˇ smˇ kʼaˆ kʼaˆ dzaˬ-eu tsawˇ haˬ-ahˇ ngaˇ maˬ taꞈ.

⁶Miˬyehˇ-ahˇ saˇ jaˇ ziꞈ-eu tsawˇ haˬ deuˬ-ahˇ ngaˇ nui kʼahˇ shiˇ-awˇ, ngaˬ-euˬ nymˇ nymˇ ma laꞈ kʼoeˇ bi jawˇ ma. Sui dui dawˇ dui dui-eu tsawˇ haˬ deuˬ-ahˇ ngaˬ-euˬ gaˇ bi mˇ ma.

⁷Jaˬ myawꞈ myawꞈ-eu deuˬ-ahˇ ngaˬ-euˬ nymˇ nymˇ ma laꞈ kʼoeˇ maˬ bi jawˇ-ehˇ, mehˇ shuiˇ shuiˇ-eu tsawˇ haˬ deuˬ-ahˇ ngaˬ-euˬ mehˬ shi maˬ taˬ.

⁸Nga maꞈ-euˬ miˇ kʼahˬ laꞈ kʼoeˇ jawˇ-eu maˬ tsaˬ maˬ dawˇ-eu tsawˇ haˬ deuˬ-ahˇ, nah doˆ le ngeh ngaˇ laˆ cawˆ ma. Haiˬ-eu tsawˇ haˬ dawˬ tawˆ luꞈ-ahˇ Sahˬpaˬ Miˬyehˇ-euˬ meuˬ laꞈ nyiˇ ngaˇ teh dzeh ma.