Read Akha Ja ceuˬ 112 Bible Online

Ja ceuˬ 112 - Akha bible

Ja ceuˬ 112

¹Sahˬpaˬ Miˬyehˇ-ahˇ ja ceuˬ-awˬ. Sahˬpaˬ Miˬyehˇ-ahˇ taˬ huiˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ laˬ kʼaˬ cehˇ-eu tsawˇ haˬ guiˬ lahˬ huiˬ-eu meh.

²Muiˬ-eu jaˬ-eu tsawˇ haˬ-euˬ zaˬ deuˬ-aˬ, miˇ kʼahˬ heu laꞈ kʼoeˇ baoˬ ahˇ-awˇ, aˬ yawꞈ-euˬ zaˬ deuˬ uˆ deuˬ guiˬ lahˬ za tehꞈ-a.

³Aˬ yawꞈ-euˬ nymˇ jiˇ smˇ muiˬ smˇ baw baw laˇ-awˇ, mˬ maˬ maˬ byaˆ zaˇ ziˇ guiˬ lahˬ baw tehꞈ-a.

⁴Gʼawˬ shaˬ gaˬ nya-awˇ yaw tsaˬ yaw dawˇ jeˬ-ahˇ gaˬ-eu muiˬ-eu jaˬ-eu tsawˇ haˬ deuˬ kʼoeˇ taˆ, yaw zahˇ laꞈ kʼoeˇ yaw shehꞈ bya-eu meh.

⁵Tsawˇ tsiˇ maˬ tsiˇ ni ngaˬ nehˬ paˇ nehˬ-awˇ, dawˇ coe ni gaˬ-eu tsawˇ haˬ guiˬ lahˬ huiˬ-eu meh.

⁶Muiˬ-eu jaˬ-eu tsawˇ haˬ maˬ ya cawˆ-iˇ-a. Aˬ yawꞈ-ahˇ Miˬ yehˇ maˬ ngehˇ-a.

⁷Haiˬ-eu gaˇ kawˆ deuˬ ja gaˇ ya gaˬ ngeh aˬ yawꞈ maˬ guˆ-a. Aˬ yawꞈ Sahˬ paˬ Miˬ yehˇ-ahˇ gʼoe-awˇ jah-eu ziꞈ-eu meh.

⁸Aˬ yawꞈ guˆ-eu nui ma tiˬ pawꞈ-iˬ maˬ ahˇ-ehˇ, aˬ yawꞈ-ahˇ muiˇ-eu deuˬ smˬ-iˇ tehꞈ-a lehˇ siˬ duˬ-eu meh.

⁹Shaˬ-eu tsawˇ haˬ-ahˇ aˬ yawꞈ yaw muiˬ-ehˇ gamꞈ nehˬ-awˇ, gʼawˬ shaˬ gaˬ-eu nui ma maˬ byoˆ-iˇ-a. Aˬ yawꞈ baoˬ jaˆ-awˇ, aˬ cawˬ yaw zeu baw tehꞈ-a.

¹⁰Haiˬ-eu tsawˇ haˬ deuˬ kʼoeˇ gaˇ mawˇ ngeh nui ma pehˇ-awˇ, seuˬ tsehꞈ tehꞈ-awˇ iˇ byoˆ-eu meh. Haiˬ-euˬ tsawˇ haˬ deuˬ noeˬ tmˬ duˬ byoˆ jiˇ-euˬ meh.