Read Akha Ja ceuˬ 113 Bible Online

Ja ceuˬ 113 - Akha bible

Ja ceuˬ 113

¹Sahˬpaˬ Miˬyehˇ-ahˇ ja ceuˬ-awˬ. Sahˬpaˬ Miˬyehˇ-euˬ zaˬ kʼaˆ deuˬ-oˇ, aˬ yawꞈ-euˬ tsawˇ myahˇ-ahˇ ja ceuˬ-awˬ.

²Nymˬ-mˇ hawˇ-eu mˬ maˬ maˬ byaˆ zaˇ ziˇ, aˬ yawꞈ-euˬ tsawˇ myahˇ-ahˇ ja ceuˬ luꞈ-uˇ.

³Nahˇ ma doˆ kʼehˬ ga kʼehˬ doe ni, Sahˬpaˬ Miˬyehˇ-euˬ tsawˇ myahˇ-ahˇ ja ceuˬ-awˬ.

⁴Tsawˇ jeuˬ dawˬ tawˆ luꞈ kʼoeˇ taˆ Sahˬpaˬ Miˬyehˇ uˆ lahˇ-awˇ, aˬ yawꞈ-euˬ yaw shehꞈ kʼahˬ sehˇ mˬ naˆ maˬ tseˇ goˇ-eu meh.

⁵Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ duˇ-eu tiˬ gʼaˬ-iˬ maˬ jawˇ-a. Yaw goˇ-ahˇ aˬ yawꞈ jawˇ luꞈ kʼawꞈ,

⁶mˬ hawˇ-eu miˇ tsaˬ-ahˇ ya mawˇ ni, aˬ yawꞈ awˆ kʼoꞈ-awˇ haw-eu meh.

⁷Shaˬ-eu zahˬ-eu tsawˇ haˬ deuˬ-ahˇ, kʼaˬ lehˇ tsahˬ-ahˇ neh aˬ yawꞈ gʼeu tuˇ-awˇ, mehꞈ-eu shuꞈ-eu tsawˇ haˬ deuˬ-ahˇ, shaˬ zahˬ naꞈ gaˇ ciˬ tuˇ nehˬ-awˇ,

⁸aˬ yawꞈ-euˬ tsawˇ haˬ deuˬ-euˬ sahˬ paˬ za yo nehˬ-ehˇ, tiˬ kawˆ loꞈ-ehˇ bi nuiˇ-eu meh.

⁹Maˬ baw aˬ ma-ahˇ aˬ yawꞈ taˬ huiˬ nehˬ-awˇ, zaˬ jawˇ le-awˇ laˬ kʼaˬ bi cehˇ-eu meh. Sahˬpaˬ Miˬyehˇ-ahˇ ja ceuˬ-awˬ.