Read Akha Ja ceuˬ 114 Bible Online

Ja ceuˬ 114 - Akha bible

Ja ceuˬ 114

¹Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ-ahˇ neh doˆ laˇ ngeh, Yaˬkoˆ-euˬ zaˬ deuˬ uˆ deuˬ aˬ cawˬ miˇ kʼahˬ-ahˇ neh doˆ laˇ ngeh,

²Yuˇdaˆ miˇ kʼahˬ aˬ yawꞈ-euˬ muiˬ-eu shawˇ-eu jawˇ duˬ pyeuꞈ laˇ-awˇ, Iˇsaˬleˬlaˆ miˇ kʼahˬ aˬ yawꞈ uˆ lahˇ-eu jawˇ duˬ pyeuꞈ laˇ-euˬ meh.

³Iˬ ma laˆ shaˆ yaw neˇ ciˬ pyawˇ-awˇ cehˆ-euˬ meh. Yawˇdaˬ lawˇ baˬ gawˆ mehˇ paw yoeˇ daˆ leꞈ-euˬ meh.

⁴Gawˬ jawˬ deuˬ ciꞈ myehꞈ loꞈ-ehˇ tsawˬ-awˇ, gawˬ duˇ deuˬ yawˇ zaˬ loꞈ-ehˇ teuˆ-eu meh.

⁵Iˬ ma laˆ shaˆ-oˇ, aˬ jeˬ miˇ neh nawˬ ya cehˆ yawˬ ta. Yawˇdaˬ lawˇ baˬ-oˇ, aˬ jeˬ miˇ neh nawˇ tahˬ poˆ-ehˇ ya yoeˇ kʼoꞈ ta.

⁶Gawˬ jawˬ deuˬ-oˇ, aˬ jeˬ miˇ neh ciꞈ myehꞈ loꞈ-ehˇ tsawˬ te. Gawˬ duˇ deuˬ-oˇ, aˬ jeˬ miˇ neh yawˇ zaˬ loꞈ-ehˇ teuˆ te.

⁷Miˇ tsaˬ tahˬ kʼawˇ-oˇ, Sahˬpaˬ Miˬyehˇ oe ngeh yaw dzuˬ dzuˬ-awˬ. Yaˬkoˆ-euˬ Miˬyehˇ mehˬ shi yaw dzuˬ dzuˬ-awˬ.

⁸Kʼaˬ lo lo yaˇ-ahˇ lah bi pyeuꞈ-iˇ-awˇ, lo guˇ-ahˇ lawˇ gawˆ bi yoeˇ le-eu gʼaˬ-euˬ mehˬ shi guˆ-awˇ yaw dzuˬ dzuˬ-awˬ.