Read Akha Ja ceuˬ 127 Bible Online

Ja ceuˬ 127 - Akha bible

Ja ceuˬ 127

¹(Uˬ duˬ tahˬ nymˇ nymˇ ma-ahˇ daˆ leˇ-eu Sawˇlaˬmoˬ-euˬ caˇ dawˬ) Sahˬpaˬ Miˬyehˇ neh tsoˆ-euˬ maˬ ngeuˇ naˇ, nymˇ tsoˆ-eu tsawˇ haˬ deuˬ neh mˇ-euˬ gaˇ yawꞈ ngehꞈ meh. Sahˬpaˬ Miˬyehˇ neh loꞈ piˇ-euˬ maˬ ngeuˇ naˇ, meuˬ-ahˇ loꞈ piˇ-eu tsawˇ haˬ deuˬ maˬ yuꞈ ni loꞈ kʼawꞈ yawꞈ ngehꞈ meh.

²Uˬ shawˬ yaw naꞈ-ehˇ tuˇ-awˇ uˬ ciꞈ zahˇ le ngeh keuˆ ni, yaw dehꞈ dehꞈ dzaˬ-eu gʼaˇ duˬ mˇ sehꞈ leꞈ kʼawꞈ tiˬ jeˬ-iˬ gaˇ dahˇ maˬ tsoeˬ-a. Aˬ jeˬ miˇ neh ehˇ naˇ, Sahˬpaˬ Miˬyehˇ gaˬ-eu tsawˇ haˬ deuˬ-ahˇ, yuꞈ kʼaˆ luꞈ ngeh aˬ yawꞈ dzaˬ tuiˆ dawˇ tuiˆ biꞈ nehˬ-eu meh.

³Zaˬ deuˬ-aˬ, Sahˬpaˬ Miˬyehˇ neh biꞈ-euˬ laꞈ sawˬ meh. Aˬ yawꞈ maꞈ-aˬ, maˇ maˇ ni gʼeh-eu guiˬ lahˬ meh.

⁴Aˬ da gʼaˬ tsawˇ kʼaˆ maˬ kʼaˆ laˇ mi naˆ-ehˇ dehꞈ le-euˬ aˬ li deuˬ-aˬ, guiˇ deuˆ-eu tsawˇ haˬ-euˬ aˬ laꞈ-ahˇ tuˆ tehˬ taˬ-euˬ kaˆ myaˬ-ahˇ duˇ-eu meh.

⁵Kʼoeˇ loꞈ-ehˇ gʼeh-eu kaˆ myaˬ gʼawˬ mya ni jaˆ-eu tsawˇ haˬ laˬ kʼaˬ ya cehˇ tehꞈ-a. Yaˇ kʼaˬ daˇ duˬ-ahˇ muiˇ-eu deuˬ nehˬ-ehˇ aˬ yawꞈ ya ja dzaˬ ngeh, ya shaꞈ dawˇ gaˇ tiˬ jawˇ-iˬ maˬ keuˆ-a.