Read Akha Ja ceuˬ 149 Bible Online

Ja ceuˬ 149 - Akha bible

Ja ceuˬ 149

¹Sahˬpaˬ Miˬyehˇ-ahˇ ja ceuˬ-awˬ. Caˇ dawˬ yaw shuiꞈ caˇ-awˇ Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ-ahˇ saˇ jaˇ ziꞈ-eu tsawˇ haˬ deuˬ uiˬ leˇ taˬ-awˇ jawˇ gaˇ, aˬ yawꞈ-ahˇ ja ceuˬ-awˬ.

²Iˇsaˬleˬlaˆ miˇ kʼahˬ-oˇ, nawˬ-ahˇ beh-euˬ gʼaˬ baˬ da neh laˬ kʼaˬ cehˇ-awˬ. Ziˇoˬ tsawˇ haˬ deuˬ-oˇ, naw maꞈ-euˬ sahˬ paˬ baˬ da neh laˬ kʼaˬ cehˇ-awˬ.

³Gaˇ nyeh nyeh-awˇ aˬ yawꞈ-euˬ tsawˇ myahˇ-ahˇ ja ceuˬ-awˬ. Tahˬ diˬ, deuˇ-mˬ diˬ-awˇ aˬ yawꞈ-ahˇ ja ceuˬ-awˬ.

⁴Aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui kʼahˇ shiˇ-eu meh. Nui nahˬ nui yu ahˇ-eu deuˬ-ahˇ aˬ cawˬ kʼoeˇ taˆ bi gʼaˬ leˇ-eu laꞈ kʼoeˇ taˬ huiˬ taˬ mahˇ nehˬ-eu meh.

⁵Miˬyehˇ-euˬ tsawˇ haˬ deuˬ gʼaˬ leˇ-euˬ baˬ da neh laˬ kʼaˬ cehˇ-awˇ, uˬ ciꞈ miˇ lah-ehˇ laˬ kʼaˬ tiˬ cehˇ caˇ dawˬ caˇ luꞈ-uˇ.

⁶Taˆ dui dui-eu mi cehˇ tuˆ tehˬ-awˇ Miˬyehˇ-ahˇ ja ceuˬ ngeh, aˬ yawꞈ maꞈ yaw kʼaˆ-ehˇ guˇ luꞈ-uˇ.

⁷Aˬ cawˬ tsawˇ jeuˬ-ahˇ deuˆ gʼaˬ-awˇ miˇ kʼahˬ zaˬ-ahˇ kʼehˬ-eu gʼaˇ duˬ,

⁸aˬ yawꞈ maꞈ-euˬ sahˬ paˬ-ahˇ paꞈ-awˇ aˬ yuiꞈ aˬ tsu deuˬ-ahˇ shmˇ caˆ paꞈ-eu gʼaˇ duˬ,

⁹Miˬ yehˇ neh dawˬ biꞈ-euˬ loꞈ-ehˇ aˬ cawˬ tsawˇ jeuˬ-ahˇ kʼehˬ-eu gʼaˇ duˬ, (Mi cehˇ tuˆ tehˬ-awˇ ja ceuˬ ngeh yaw kʼaˆ-ehˇ guˇ luꞈ-uˇ.) Heu-aˬ, Miˬyehˇ-euˬ tsawˇ haˬ deuˬ gʼaˬ leˇ-euˬ bawˬ-iˬ meh. Sahˬpaˬ Miˬyehˇ-ahˇ ja ceuˬ-awˬ.