Read Akha Ja ceuˬ 2 Bible Online

Ja ceuˬ 2 - Akha bible

Ja ceuˬ 2

¹Aˬjeˬmiˇneh miˇkʼahˬtsawˇjeuˬ, Miˬyehˇ-ahˇ puiˬ-eu lehˇ gʼeh ta. Maˬmˇmaˬshaˇ pyeuꞈnya-eu jeˬ, aˬ jeˬ miˇ neh leh jeh luꞈ ta.

²SahˬpaˬMiˬyehˇ-ahˇ maˬ ehˇ, aˬyawꞈ tsiˇlehꞈ-awˇ tseˇdoˆ-euˬ dzoeˬdzaˬ sahˬpaˬ-ahˇmaˬehˇ, Miˇkʼahˬsahˬpaˬdeuˬciˬdaˬ-awˇ, miˇkʼahˬsahˬma deuˬpuiˬ-eu meh.

³“Yawꞈnyaꞈ uˆlahˇ-eu behˇlehˆ-awˇ, yawꞈnyaˆdzoeˬdzaˬ teuˆtsehˆma” lehˇ, aˬ yawꞈmaꞈ lmˬ-awˇ ehˇ-eu meh.

⁴Aˬyawꞈmaˬ-euˬ bawˬtoˆkʼoeˇ-ahˇ, mˬtaˆ dzoeˬdzaˬnuiˇmahˬdziˬ-eu, Sahˬpaˬ Miˬyehˇ uiˇyoeˇ-eu meh.

⁵Yawꞈ-euˬ nui ma pehˇ-eu teˇsaˇ, yawꞈmaꞈ laˇbaˇ-iˇ ni ehˇ-eu,

⁶“Ngaˬ-euˬ muiˬ-eu shawˇ-eu gawˬjawˬ, Ziˇoˬ gawˬjawˬ heu-euˬkʼoeˇ taˆ, dzoeˬdzaˬsahˬpaˬ ciˬnuiˇ-euˬma.”

⁷Dzoeˬdzaˬsahˬpaˬ kʼoeˇgʼaˬehˇ-eu, “SahˬpaˬMiˬyehˇ neh pyehˬ-euˬdawˬ, miˇ kʼahˬ doe ni tsaꞈgaˬ-eu ma. Yawꞈneh ngaˬ-ahˇ ehˇ-euˬdawˬ-aˬ, ‘Nawˇngaˬ-euˬ aˬli pyeuꞈ-eu ma. Iˬnah ngaˇ nawˬ-euˬ aˬda ma.

⁸Nawˇ ngaˬ-ahˇshaˇhaw sheˇ. Miˇtsaˬtsawˇjeuˬ dawˬtawˆhawˇ-eu, Miˇkʼahˬ mˬdzeˇmiˇdzeˇkeuˆni, nawˬ-ahˇngaˇ biꞈjiˇnehˬ-eu ma.

⁹Yawꞈmaꞈ-ahˇ shmˇkahˬneh zuiˆ-awˇ, diˬkʼehꞈdiˬkʼoeˆnehˬ-eu uˬtaꞈ, mui deuˇ deh paˆdzeh-eu loꞈ-ehˇ, deh meuˇ deh loeˇ-awˇ bi ga-awˬ.’ ”

¹⁰Sahˬpaˬdeuˬ ehˇdawˬnaˇhaˬ-awˇ, sahˬma deuˬ naˬbawˇgaˬleˇsheˇ.

¹¹Guˆ-eu nui ma ahˇ-eu laꞈ kʼoeˇ, SahˬpaˬMiˬyehˇ-euˬgaˇmˇ-awˬ. Guˆ-awˇ yaw dzuˬdzuˬ-eu laꞈkʼoeˇ, aˬkuiˇ uˬmoˆ awˆbyaˆ leˇ-awˬ. Yawꞈ-euˬ nui pehˇ ga keuˆ le naˇ, ja pyuˬni ya shiˇjiˇtehꞈ-a. Yawꞈ-ahˇ tahˬshaˇleˇ-eu deuˬ-aˬ, guiˬlahˬhuiˬ-eu tsawˇhaˬmeh.