Read Akha Ja ceuˬ 20 Bible Online

Ja ceuˬ 20 - Akha bible

Ja ceuˬ 20

¹(Daˬbiˇ-euˬ caˇdawˬ) Nawˬ-euˬkʼoeˇtaˆshaˬzahˬoe ngeh, SahˬpaˬMiˬyehˇhaw cawˬluꞈ-uˇ. Yaˬkoˆ-euˬ Miˬyehˇ-euˬtsawˇmyahˇ, nawˬ-ahˇngehˬgʼeh dah teˬluꞈ-uˇ.

²Uˬduˬtahˬnymˇnymˇma-ahˇneh, caw ba-eu jeˬ bi keuˆle-awˇ, yawꞈ-euˬ Ziˇoˬgawˬjawˬ-ahˇneh, ngehˬgʼeh-eu jeˬ keuˆle luꞈ-uˇ.

³Nawˬneh kʼaˇdamˬnehˬ-euˬjeˬ-ahˇ, aˬyawꞈmaˬngehˇni noeˬkeuˆ-awˇ, nawˬneh kʼaˇlawˇnehˬ-euˬjeˬ-ahˇ, nui kʼahˇshiˇ-awˇha geuꞈluꞈ-uˇ.

⁴Nawˇkʼaˇgeuꞈmawꞈ-eu jeˬza-awˇ, kʼaˇnoeˬ-euˬjeˬ mˇpyeuꞈnya ni, aˬyawꞈnawˬ-ahˇcaw ba luꞈ-uˇ.

⁵Nawˇguiˇdeuˆ-eu gʼaˬleˇ-euˬgaˇ, nga maꞈguˇguˇ-ehˇcehˇgʼa-awˇ, aˬdui Miˬyehˇtsawˇmyahˇlaꞈkʼoeˇ, paˇloˬpaˇlehˇka tuˇnehˬma. Nawˇkʼaˇshaˇ-eu yawˬjeˬna luꞈ, SahˬpaˬMiˬyehˇmˇbyah luꞈ-uˇ.

⁶SahˬpaˬMiˬyehˇneh tsiˇlehꞈ-euˬ, aˬyawꞈ-euˬdzoeˬdzaˬsahˬpaˬ-ahˇ, gʼaˬleˇ-eu baoˬ biꞈnehˬmeh lehˇ. nymˬ-mˇngaˇsiˬduˬtaˬ-euˬma. Muiˬ-eu shawˇ-eu mˬtaˆjawˇ-awˇ, shaˇdawˬnaˇhaˬnehˬ-eu laꞈkʼoeˇ, aˇmaˇlaꞈ-euˬbaoˬ-ahˇgʼoe-awˇ, gʼaˬleˇ-eu jeˬbiꞈnehˬ-eu meh.

⁷Mahˬlaˆlawˬ-ahˇaˬcawˬgʼoe-awˇ, mahˬ-ahˇnui ma huiˬ-awˇdeuˆkʼawꞈ, SahˬpaˬMiˬyehˇpyeuꞈ-eu Miˬyehˇ, aˬdui-euˬ nui ma huiˬduˬma.

⁸Yawꞈmaˬya coˬdzeh jiˇkʼawꞈni, aˬdui ziꞈdah ni yawꞈ-eu ma.

⁹Sahˬpaˬ Miˬyehˇ-oˇ, nga maꞈshaˇgaˇnaˇhaˬlaꞈ-awˇ, nawˬ-euˬsahˬpaˬ bi gʼaˬleˇ-awˬ.