Read Akha Ja ceuˬ 21 Bible Online

Ja ceuˬ 21 - Akha bible

Ja ceuˬ 21

¹(Daˬbiˇ-euˬ caˇdawˬ) Sahˬpaˬ Miˬyehˇ-oˇ, nawˬneh gʼaˬbiꞈnehˬ-euˬmiˇneh, sahˬpaˬlaˬkʼaˬcehˇluꞈ-eu meh. Gʼaˬleˇ-eu jeˬbiꞈ-euˬmiˇneh, aˬyawꞈlaˬkʼaˬcehˇdui dui meh.

²Aˬyawꞈnui kʼahˇ kʼaˇjaˆ-eu jeˬ, aˬyawꞈ-ahˇnawˇbiꞈbyah nehˬ-awˇ, shaˇdawˬnaˇhaˬgeuꞈnehˬ-euˬmeh.

³Huiˬdui muiˬdui dui-eu guiˬlahˬ, aˬyawꞈjawˇgaˇnawˇhehˇleꞈ-awˇ, muiˬdui dui-eu shuiˇneh jahˇ-euˬ, dzoeˬdzaˬuˬkʼoˆbi kʼoˆ-euˬmeh.

⁴Aˬyawꞈnawˬ-ahˇziˇlahˬshaˇngeh, ziˇza guiˬlahˬ nawˇbiꞈ-euˬmeh.

⁵Nawˬneh caw ba nehˬ-euˬmiˇneh, aˬyawꞈyaw shehꞈkʼahˬsehˇhuiˬ-awˇ, tsawˆmyahˇdoˆ-awˇbaoˬhuiˬ-eu jeˬ, aˬyawꞈ-ahˇnawˇbiꞈtaˬ-euˬmeh.

⁶Nawˬ-euˬguiˬlahˬaˬyawꞈnehˬ-ehˇ, mˬmaˬmaˬbyaˆzaˇziˇjaˆ-awˇ, aˬyawꞈnehˬ-ehˇnawˇjawˇmiˇneh, aˬyawꞈlaˬkʼaˬcehˇ-eu byah meh.

⁷Baoˬhuiˬ-eu SahˬpaˬMiˬyehˇ-ahˇ, dzoeˬdzaˬsahˬpaˬjah ziꞈluꞈmeh. SahˬpaˬMiˬyehˇgaˬ-eu baˬda, aˬyawꞈnui ma ziꞈdah jaˆmeh.

⁸Muiˇ-eu tsawˇhaˬdawˬtawˆluꞈ-ahˇ, sahˬpaˬneh bi nyehꞈmi jiˇ-awˇ, aˬyawꞈ-ahˇbye-eu tsawˇhaˬdeuˬ, dawˬtawˆluꞈbi nyehꞈjiˇtehꞈ-a.

⁹Miˬdzaˬloꞈ-ehˇsahˬpaˬoe ngeh, aˬyawꞈmaꞈ-ahˇlaˆcawˆtehꞈ-a. SahˬpaˬMiˬyehˇnui ma pehˇ-awˇ, aˬyawꞈmaꞈ-ahˇ myoꞈahˇjiˇ-awˇ, miˬdzaˬneh laˆcawˆnehˬtehꞈ-a.

¹⁰Aˬyawꞈmaꞈ-euˬzaˬdeuˬuˆdeuˬ, tiˬgʼaˬ-iˬ maˬbi dzeuˇ-iˇni, sahˬpaˬneh bi sehꞈjiˇtehꞈ-a.

¹¹Sahˬpaˬ-ahˇpuiˬ-eu leh jeh kʼawꞈ, aˬyawꞈmaꞈ maˬlaˆpyeuꞈnya-ehˇ,

¹²Sahˬpaˬneh kaˆbi beuˆtahˬ-awˇ, naˇkʼah paw ya cehˆgʼoꞈtehꞈ-a.

¹³SahˬpaˬMiˬyehˇ-oˇ, nawˇgʼaˬkʼaˆgaˇja ceuˬ-eu ma. Huiˬdui dui-eu nawˬ-euˬbaoˬ-ahˇ, nga maꞈcaˇ-awˇja ceuˬ-eu ma.