Read Akha Ja ceuˬ 22 Bible Online

Ja ceuˬ 22 - Akha bible

Ja ceuˬ 22

¹(Daˬbiˇ-euˬ caˇdawˬ) Ngaˬ-euˬ Miˬyehˇ-oˇ, Ngaˬ-euˬ Miˬyehˇ-oˇ. Aˬjeˬmiˇneh byehˇdzeh laꞈte. Caw ba laꞈlehˇguˇsehꞈleꞈkʼawꞈ, aˬjeˬmiˇneh maˬluˆle te.

²“Ngaˬ-euˬMiˬyehˇ-oˇ”lehˇguˇngeh, nah gʼahˇkuˇkʼawꞈ oˬmaˬtoˬ-ehˇ, Uˬciꞈkuˇkʼawꞈteˇmaˬgaˬnya.

³Ehˇkʼawꞈnawˇ Muiˬ-eu shawˇ-eu Gʼaˬ, Iˇsaˬleˬlaˆ ja ceuˬduˬmeh.

⁴Aˬpoeˬdeuˬnawˬ-ahˇjah yaꞈ-awˇ, nawˬneh bi ka kʼoꞈnehˬ-euˬmeh.

⁵Aˬyawꞈmaꞈnawˬ-ahˇguˇgaˬ-awˇ, shaˬzahˬguˆgaˆya dzeuˇ-iˇ-awˇ, nawˬ-ahˇgʼoe-euˬbaˬda baˇneh, nui ma cawˆgaˇ maˬya keuˆ-a.

⁶Ehˇkʼawꞈngaˇtsawˇhaˬmaˬhaˬ-ehˇ, buˬjoe tiˬmawˇmaˬtawˬmiˇ-a. Tsawˇhaˬyawˬgʼaˬna luꞈ ngaˬ-ahˇ, yehˬbawˬsehˇlu-ehˇgʼeh-eu meh.

⁷Kʼaˇmawˇle-eu deuˬnaˬgʼa-awˇ, mehˬlaˇcawˬdoˆmehˬnehˬlaꞈ-awˇ, uˬduˬjuiꞈmehˬnehˬlaꞈ-eu meh.

⁸“SahˬpaˬMiˬyehˇ-ahˇnawˇgʼoe-euˬ, maˬhaw ni bi shaˬlaꞈtaˬloˇ. SahˬpaˬMiˬyehˇnawˬ-ahˇgaˬnaˇ, aˬjeˬmiˇneh ngehˬmaˬgʼeh-ehˇ, maˬka kʼoꞈni byehˇcoeˇta”lehˇ, yawꞈmaꞈcehꞈlehꞈka haw-eu meh.

⁹Nawˬneh ngaˬ-ahˇbi dehꞈle-awˇ, aˬcoeˇdawˇzaˬpyeuꞈluꞈngeh neh, nawˇbo saˆhaw piˇlaꞈ-euˬmeh.

¹⁰Uˬmaˆlaꞈkʼoeˇuˇluꞈngeh neh, nawˇngaˬ-euˬMiˬyehˇpyeuꞈ-eu ma.

¹¹Ngaˬ-ahˇbyehˇ-awˇ taˬiˇbyoˆlaꞈ. Shaˬzahˬguˆgaˆ peh le luꞈ-awˇ, caw ba le-eu gʼaˬ maˬjawˇ-a.

¹²Mawˇneˇmawˇgaw tiˬjawˬoe-awˇ, Baˬshaˬmawˇneˇyaw gʼeh kʼoeˇdeuˬ, ngaˬ-ahˇjawˬlahˇjiˇtaˬ-euˬmeh.

¹³Shaˬjiˇmehꞈlaˇ-awˇjoeˬluꞈ-eu, haiˬ-eu aˇlaˬjaˬshiˇ loꞈ-ehˇ, kʼaˬmeh mˇnga-awˇloꞈ-eu meh.

¹⁴Iˇcuꞈtahˬkʼaˇdzeh-eu loꞈ-ehˇ, ngaˬ-euˬ gʼaˬ iˇdzeh jiˇmiˇ-a. Yoeˬtsuiꞈyoeˬlaꞈ puiˇ-iˇ jiˇ-awˇ, Nui ma byaˬshahˬguiˇ-iˇmiˇ-a.

¹⁵Kuˬbyahˬ lehˇtsaˇloꞈ-ehˇgui-awˇ, mehˬlaˇ mehˬtaˆmyahˬleˇ miˇ-a. Kʼaˬlehˇ tsahˬ-ahˇbi shiˇ-eu lehˇ, nawˇngaˬ-ahˇbyehˇdzeh laꞈ-euˬnga.

¹⁶Aˬkuiˬ ga jawˬle-eu loꞈ-ehˇ, haiˬ-eu tsawˇhaˬ tiˬjawˬoe-awˇ, ngaˬ-euˬ aˬkuiˇaˬlaꞈdawˬtawˆ, cehˬpyaˬcehˬshaˇjiˇ-euˬmiˇ-a.

¹⁷Ngaˬ-euˬshaˬyoeˬ gui jiˇnya-awˇ, muiˇ-eu deuˬ-ahˇ tmˬleˇ-euˬmeh.

¹⁸Aˬyawꞈmaꞈ maˇbyaˆdzeh diˇ-awˇ, ngaˬ-euˬmehˬtsoeˬ biˇgeuꞈ-eu meh.

¹⁹SahˬpaˬMiˬyehˇtaˬiˇbyoˆlaꞈ. Ngaˬ-euˬgʼoe duˬpyeuꞈ-eu gʼaˬ-oˇ, Yaw kawˇoe-awˇka kʼoꞈnehˬlaꞈ.

²⁰Mi cehˇlaꞈ-ahˇmaˬbi shiˇ-ehˇ, aˬkuiˬneh maˬbi kawꞈsehꞈni, ngaˬ-euˬsaꞈlaˇ ka kʼoꞈnehˬlaꞈ.

²¹Aˇlaˬjaˬshiˇ-euˬ kʼaˬmeh-ahˇ, nehꞈnyoˬuˬcoeˇ-euˬyaw kaˬ-ahˇ, maˬbi shiˇni ka kʼoꞈnehˬlaꞈ.

²²Nawˬneh mˇtaˬ-euˬgaˇkawˆdeuˬ, ngaˬ-euˬtsawˇhaˬ-ahˇja mehˬma. Tsawˇhaˬaˇmaꞈbymˇleˇ-euˬgaˇ, nawˬ-ahˇngaˇguˇ-awˇja ceuˬma.

²³SahˬpaˬMiˬyehˇ-ahˇguˆ-eu deuˬ, yawꞈ-ahˇcaˇ-awˇja ceuˬkaˇ-euˇ. Yaˬkoˆ-euˬzaˬdeuˬuˆdeuˬ-oˇ, yawꞈ-ahˇciˬhuiˬciˬmahˇnehˬ-awˬ. Iˇsaˬleˬlaˆtsawˇhaˬdeuˬ-oˇ, aˬyawꞈ-ahˇuˬduˬtahˬkaˇ-euˇ.

²⁴Shaˬzaˬ-ahˇyawꞈmaˬbyehˇdzeh-ehˇ, shaˬzahˬnaꞈ-euˬgaˇmaˬngehˇni, caw ba le ni shaˇ-eu dawˬ-ahˇ, maˬbyehˇni naˇhaˬnehˬ-eu meh.

²⁵Tsawˇhaˬtiˬbyah uiˬleˇ-euˬgaˇ, nawˬ-euˬkuiˇzaˇlaꞈzaˇgaˇkawˆ, nawˬ-ahˇngaˇja ceuˬnehˬ-eu ma. Ngaˬneh saˇjaˇdzaˬ-euˬloꞈ-ehˇ, nawˬ-ahˇzeu-eu deuˬ-euˬmehˬshi, lawˇ-eu shehˇ-eu jeˬngaˇmˇma.

²⁶Shaˬzaˬzahˬzaˬya dzaˬdehˆ-awˇ, SahˬpaˬMiˬyehˇ-ahˇpoˆ-eu deuˬ, aˬyawꞈ-ahˇ ya ja ceuˬtehꞈ-a. Mˬmaˬmaˬbyaˇzaˇziˇjiˇni, yawˬmaꞈbaw le za le luꞈ-uˇ.

²⁷Miˇtsaˬtsawˇjeuˬtsawˇca dawˬtawˆ, SahˬpaˬMiˬyehˇ-ahˇnoeˬlaˇ-awˇ, aˬyawꞈjawˇgaˇ gʼoꞈkʼoꞈlaˇ-awˇ, aˬyawꞈ-ahˇuˬduˬtahˬtehꞈ-a.

²⁸SahˬpaˬMiˬyehˇdzoeˬdzaˬoꞈ-awˇ, dawˬtawˆkʼoeˇtaˆ uˆlahˇtehꞈ-a.

²⁹Nui ma kʼaˇhuiˬ-eu tsawˇhaˬdeuˬ, aˬyawꞈ-ahˇya tahˬshaˇlaˇ-awˇ, shaˬjehˆneh tehˆ-euˬmiˇtsaˬzaˬ, aˬyawꞈmehˬshi ya awˆbyaˆmeh.

³⁰Aˬkaˇ tiˬziˇ saˇ-iˬ tiˬziˇ, SahˬpaˬMiˬyehˇ-ahˇgʼoe tehꞈ-a. SahˬpaˬMiˬyehˇhuiˬ-eu gaˇkawˆ, nahˬziˇdeuˬ-ahˇja mehˬtehꞈ-a.

³¹SahˬpaˬMiˬyehˇ-euˬtsawˇjeuˬ-ahˇ, aˬyawꞈka kʼoꞈnehˬ-euˬgaˇkawˆ, aˬkaˇdehꞈle-eu deuˬ-ahˇ kʼawꞈ, aˬyawꞈmaꞈja mehˬnehˬtehꞈ-a.