Read Akha Ja ceuˬ 26 Bible Online

Ja ceuˬ 26 - Akha bible

Ja ceuˬ 26

¹(Daˬbiˇ-euˬ caˇdawˬ) Sahˬpaˬ Miˬyehˇ-oˇ, Ngaˇyaw tsaˬyaw dawˇjeˬmˇ-awˇ, nawˬ-ahˇjah-eu ziꞈ-eu miˇneh, iˬbaˇ maˬahˇ-a lehˇ daˇ-awˬ.

²Sahˬpaˬ Miˬyehˇ-oˇ, ngaˬ-ahˇpyehˆtseˇ-awˇlawˬhaw-awˬ. Ngaˬ-euˬnui ma-ahˇ poˆduˬ-awˬ.

³Maˬtsehˆleˇ-eu nawˇgaˬ-eu jeˬ, ngaˬ-euˬmyaˆnuiˆmehˬshi jaˆ-awˇ, nawˬ-ahˇsaˇjaˇziꞈ-eu laꞈkʼoeˇ, ngaˇdehꞈgʼeh jawˇgʼeh luꞈ-eu ma.

⁴Gaˇdahˇmaˬtsoeˬ-eu tsawˇhaˬ-ahˇ, cawˬmaˬcawˬtaꞈni ngaˇdehꞈ-awˇ, mehˇshuiˇshuiˇ-eu tsawˇhaˬnehˬ-ehˇ, mehˬbawˬmaˬmˇni dehꞈ-eu ma.

⁵Yaw haiˬdeuˬ-ahˇ maˬgm leˇ-ehˇ, yaw cawˆdeuˬ-ahˇ yahˇluꞈ-eu ma.

⁶Sahˬpaˬ Miˬyehˇ-oˇ, Ngaˇiˬbaˇmaˬahˇ-eu gaˇkawˆ, aˬlaꞈdzuiꞈshawˇdzeh mehˬ-euˬma. Nawˬ-euˬlawˇduˬtiˬjawˬcah-awˇ, nawˬ-ahˇuˬduˬtahˬlaˇ-euˬma.

⁷Zahˬdui dui leˇpaˬ-ehˇgʼeh-eu, nawˬneh mˇtaˬ-euˬgaˇdeuˬ-ahˇ, guiˬlahˬhuiˬ-eu dawˬcaˇ-eu ma.

⁸Sahˬpaˬ Miˬyehˇ-oˇ, nawˬ-euˬyaw shehꞈkʼahˬsehˇjaˆ-eu, nawˬ-euˬnymˇ-ahˇngaˇgaˬ-eu ma.

⁹Iˬbaˇzaˬnehˬ-ehˇshehˆkeuˬ-ehˇ, nawˇngaˬ-ahˇtaˬyaˆdzeh nehˬlaꞈ. shiˬmehꞈ-eu tsawˇhaˬdeuˬnehˬ-ehˇ, tiˬgm-ehˇ taˬlaˆcawˆnehˬlaꞈ.

¹⁰Yawꞈmaꞈ yaw haiˬ mˇnawˆnawˆ-awˇ, laꞈnmꞈnmꞈ-eu kawˇdui dui meh.

¹¹Ngaˇyaw tsaˬjeˬmˇ-eu miˇneh, gʼawˬshaˬgaˬ-awˇka kʼoꞈnehˬlaꞈ.

¹²Guˆgaˆdawˬtawˆluꞈdzeuˇjiˇ-awˇ, ngaˬ-euˬaˬkuiˇ ziꞈdah jaˆma. Tsawˇhaˬaˇmaꞈgʼahˇceh yawꞈ-awˇ, SahˬpaˬMiˬyehˇ-ahˇja ceuˬma.