Read Akha Ja ceuˬ 30 Bible Online

Ja ceuˬ 30 - Akha bible

Ja ceuˬ 30

¹(Daˬbiˇ-euˬ caˇdawˬ) Sahˬpaˬ Miˬyehˇ-oˇ, muiˇ-eu deuˬngaˬ-ahˇzuiˆzuiˆ-ehˇ, laˬkʼaˬmaˬbi cehˇ-eu gʼaˇduˬ, nawˇngaˬ-ahˇ ka kʼoꞈ-euˬmiˇneh, nawˬ-ahˇciˬhuiˬciˬmahˇ-eu ma.

²Ngaˬ-euˬ Sahˬpaˬ Miˬyehˇ-oˇ, caw ba nehˬlaꞈlehˇ ngaˇguˇngeh, nawˇ naˇgawˇlaˆtaˬlaꞈ-euˬmeh.

³Shiˇ-eu lmˬbymˇ maˬbi keuˆni, ngaˬ-euˬsaꞈlaˇ-ahˇ ka kʼoꞈ-awˇ, duˬkʼahˬ-ahˇmaˬbi ga byoˆni, ngaˬ-ahˇnawˇbi dehꞈlaꞈ-euˬmeh.

⁴SahˬpaˬMiˬyehˇ-euˬtsawˇshawˇdeuˬ, ja ceuˬ-eu caˇ-eu dawˬcaˇ-awˇ, SahˬpaˬMiˬyehˇ-ahˇ ciˬpoeˬ-awˬ. Yawꞈ-euˬtsawˇmyahˇ-ahˇnoeˬkeuˆ-awˇ, yawꞈ-euˬguiˬlahˬ-ahˇ ja ceuˬ-awˬ.

⁵Aˬyawꞈnui ma pehˇ-eu jeˬ-aˬ, tiˬkʼehˇlaˇkʼehˬ tehꞈ-ehˇgmˬ-awˇ, aˬyawꞈnui ma muiˬ-eu jeˬ-aˬ, tiˬziˇjiˇtiˬyehˆjuˬ-eu meh. Uˬciꞈmyaˆbiˇya yoeˇbya kawꞈ, uˬbya laˬkʼaˬcehˇ-eu oe meh.

⁶Ngaˇbaw luꞈza luꞈ-eu laꞈkʼoeˇ, shaˬle-eu nah maˬbaw ma lehˇ, yawˬhaˇyawˬha ehˇpeuˬ-eu ma.

⁷SahˬpaˬMiˬyehˇnawˬneh ngaˬ-ahˇ, gʼawˬshaˬgaˬ-awˇlaˆziꞈlaꞈ-euˬ, gawˬjawˬloꞈ-ehˇziꞈdah jaˆma. Ehˇkʼawꞈnawˇmyaˆpyawˬciˬzaꞈngeh, Nui ma shaˬzahˬnaꞈdui dui nya.

⁸SahˬpaˬMiˬyehˇ-ahˇngaˇkuˇ-awˇ, caw ba nehˬlaꞈlehˇ shaˇ-eu ma.

⁹Shiˇ-eu duˬkʼahˬ-ahˇngaˇkeuˆnaˇ, nawˬ-ahˇmuiˬlaˇduˬjaˆta loˇ. Shiˇ-awˇkʼaˬlehˇpyeuꞈjiˇ-euˬdeuˬ, nawˬ-ahˇpaˇja ceuˬnya ta loˇ. Nawˇsaˇjaˇziꞈ-eu gaˇkawˆ-ahˇ, kʼaˬlehˇkʼoeˇdeuˬja nya ta loˇ.

¹⁰SahˬpaˬMiˬyehˇ shaˇdawˬnaˇ-awˬ. ngaˬ-ahˇgʼawˬshaˬgaˬnehˬlaꞈ-awˇ, maˬbyehˇdzeh ni caw ba le-awˬ.

¹¹Ngaˇnoeˬshaˬnoeˬzahˬ-eu jeˬ-ahˇ, laˬkʼaˬcehˇ-eu jeˬpyeuꞈlaˇni, nawˬneh yuˇpaˇnehˬlaꞈ-euˬmeh. Nui ma shaˬzahˬnyehꞈlehˆlaꞈ-awˇ, laˬkʼaˬcehˇnui saˇza-eu jeˬ, nawˬneh nyehꞈdm nehˬlaꞈ-euˬmeh.

¹²Ciˬcuˇni maˬjawˇtehˬcoeˇ-ehˇ, nawˬ-ahˇ caˇ-awˇ ja ceuˬ-eu ma. Ngaˬ-euˬSahˬpaˬMiˬyehˇgʼaˬ-oˇ, mˬmaˬmaˬbyaˆzaˇziˇ jiˇni, nawˬ-euˬguiˬlahˬ-ahˇja ceuˬma.