Read Akha Ja ceuˬ 32 Bible Online

Ja ceuˬ 32 - Akha bible

Ja ceuˬ 32

¹(Daˬbiˇ-euˬ caˇdawˬ) Yaw lehˬyaw ca byehˇbyoˆnehˬ-awˇ, iˬbaˇbi dehˬkaˬ-euˬgʼaˬ-aˬ, guiˬlah huiˬ-eu tsawˇhaˬmeh.

²SahˬpaˬMiˬyehˇyaw lehˬmaˬno, jaˬmyawꞈmehˇshuiˇlaw-eu tsawˇhaˬ, guiˬlahˬhuiˬ-eu tsawˇhaˬmeh.

³Iˬbaˇ maˬja doˆni zaꞈngeh, nah ga-ehˇngoeˇsehꞈleꞈ-euˬma.

⁴Uˬciꞈnah gʼahˇmaˬtsehˆleˇni, nawˬ-euˬaˬlaꞈngaˬ-ahˇkah-awˇ, jawˇla nahˇtsaˇlawꞈ-eu loꞈ-ehˇ, gʼaˬdawˬtawˆluꞈ lawꞈguiˇ-euˬnya.

⁵Kʼoeˇnaˇ yaw lehˬmaˬpaˇzaꞈni, ngaˬ-euˬ iˬbaˇja doˆ-euˬma. “Iˬbaˇkʼaˇmˇtaˬ-euˬdawˬtawˆ, SahˬpaˬMiˬyehˇ-ahˇdzawˇma” lehˇ, yawˬhaˇyawˬha ngaˇehˇngeh jawˇ, nawˇiˬbaˇpyehˬnehˬlaꞈ-euˬmeh.

⁶Guˆ-eu gaˆ-eu iˇ jeuˬoe ngeh, luˬgaˇseˇgaˇ maˬya keuˆni, nawˬ-ahˇsaˇjaˇziꞈ-eu tsawˇhaˬ, zahˬngeh guiˬlahˬshaˇnya luꞈ-uˇ.

⁷Nawˇ-aˬ ngaˬ-euˬdzuˇzaꞈduˬma. Shaˬzahˬguˆgaˆbi dzeuˇlaꞈ-awˇ, ka kʼoꞈ-eu guiˬlahˬyaw dzahˇneh, ngaˬ-ahˇtsahˇlahˇnehˬlaꞈ-euˬmeh.

⁸Sahˬpaˬ Miˬyehˇ ehˇ-eu, “Nawˇya iˇ-eu gaˇma tiˬkahˇ, nawˬ-ahˇngaˇmehˬnehˬtsoˆnehˬ-awˇ, Ngaˬ-euˬmyaˆnuiˆhaw piˇnehˬma.

⁹Mehˬkaꞈdawˆ-awˇya zuiˆgʼaˬ-eu, haiˬ-eu mahˬpaˬloꞈ-ehˇtaˬgʼeh.”

¹⁰Haiˬ-eu tsawˇhaˬ shaˬzahˬnaꞈ-awˇ, SahˬpaˬMiˬyehˇ-ahˇgʼoe-eu deuˬ, gʼoeˇ-eu gaˬ-eu bi tsahˇlahˇmeh.

¹¹Tsaˬeu dawˇ-eu tsawˇhaˬdeuˬ-oˇ, SahˬpaˬMiˬyehˇlaꞈkʼoeˇcehˇ-awˬ. Nui ma dawˇ-eu tsawˇhaˬdeuˬ-oˇ, laˬkʼaˬcehˇdui dui-awˇguˇ-awˬ.