Read Akha Ja ceuˬ 4 Bible Online

Ja ceuˬ 4 - Akha bible

Ja ceuˬ 4

¹(Daˬbiˇ-euˬ caˇdawˬ) Ngaˬ-euˬ gʼoe duˬ Miˬyehˇ-oˇ, ngaˇguiˬlahˬshaˇ ngeh naˇhaˬlaꞈ. Shaˬzahˬ ngaˬ-ahˇ ciˬtehˬle ngeh, nawˇcaw ba dzeuˇnehˬlaꞈ-euˬmeh. Nymˬ-mˇ ngaˬ-ahˇ gʼawˬ shaˬ gaˬ-awˇ, ngaˬ-euˬshaˇdawˬ naˇhaˬnehˬlaꞈ.

²Tsawˇhaˬ zaˬdeuˬ, aˇmyah keuˆni, ngaˬ-ahˇ ja bu-eu lehˇ gʼeh te. Gaˇdahˇmaˬtsoeˬleˇ-eu jeˬ-ahˇ, aˇmyah keuˆni naw maꞈgaˬ-awˇ, Maˬtsaˬmaˬdawˇ-eu jeˬ mehˬnah, aˇmyah keuˆni cah-eu gʼeh te.

³Yaw tsaˬyaw dawˇ tsawˇhaˬdeuˬ-ahˇ SahˬpaˬMiˬyehˇ tseˇdoˆgeuꞈ-awˇ, ngaˇkuˇ-eu teˇsaˇ-ahˇaˬyawꞈ, naˇhaˬmeh lehˇnaw maꞈsiˬ-awˬ.

⁴Guˆ-awˇyaw dzuˬdzuˬ-eu laꞈkʼoeˇ, iˬbaˇmˇ-eu jeˬ byehˇdzeh-awˬ. Yuꞈ zaˇ-ahˇ ciˬcuˇni yuꞈngeh, gaˇkawˆheu-ahˇ shaˇnoeˬduˬ-awˬ.

⁵Tsaˬ-eu dawˇ-eu lawˇshehˇ-eu jeˬ SahˬpaˬMiˬyehˇ-ahˇ lawˇ nehˬ-awˇ, yawꞈ-ahˇtehꞈ-ehˇ naw maꞈ gʼoe-awˬ.

⁶“Sahˬpaˬ Miˬyehˇ-oˇ, nga maꞈ-ahˇ, gʼawˬshaˬtiˬpoˆhaw gaˬlaꞈ-awˇ, guiˬlahˬ shehˬlahˬnehˬlaꞈ-awˬ” lehˇ tsawˇhaˬgʼawˬmya ni shaˇ-eu meh.

⁷Dzaˬla gʼo cehˇ, aˬgaꞈdzaˇuiˇ, za dui dui le-euˬbaˬda neh, yawꞈmaꞈlaˬkʼaˬcehˇ-eu kʼoeˇ-aˬ, nawˬneh ngaˬ-ahˇ biꞈnehˬlaꞈ-euˬ, laˬkʼaˬcehˇ-eu jeˬmaˬtawˬ-a.

⁸Yuˬzaˇ-ahˇngaˇ joe yuꞈleˇngeh, saˇlehˆni yuꞈkʼaˆbyoˆ-eu ma. Ngaˬ-ahˇnui saˇ biꞈnya-eu gʼaˬ, SahˬpaˬMiˬyehˇ-oˇ, nawˇtehꞈmeh.