Read Akha Ja ceuˬ 7 Bible Online

Ja ceuˬ 7 - Akha bible

Ja ceuˬ 7

¹(Daˬbiˇ-euˬ caˇdawˬ) Ngaˬ-euˬSahˬpaˬ,ngaˬ-euˬMiˬyehˇ, nawˬ-ahˇ ngaˇtahˬshaˇlaˇ-euˬma. Ngaˬ-ahˇteh-eu deuˬ-euˬlaꞈ-ahˇ, nawˇngaˬ-ahˇ ka kʼoꞈnehˬlaꞈ-awˬ.

²Nawˇngaˬ-ahˇ maˬka kʼoꞈlaꞈnaˇ, haiˬ-eu aˇlaˬjaˬshiˇloꞈ-ehˇ, caw ba le-eu gʼaˬmaˬjawˇgaˇ, yawꞈmaꞈngaˬ-ahˇ baꞈdzaˬgʼeh-awˇ, cehˬpyaˬcehˬshaˇnehˬlaꞈtehꞈ-a.

³Ngaˬ-euˬSahˬpaˬ, ngaˬ-euˬMiˬyehˇ, ngaˇheu loꞈ-ehˇ mˇ-euˬjaˆnaˇ, ngaˬ-euˬ aˬlaꞈ mˇlehˬlawˬnaˇ,

⁴Ngaˬ-euˬ cawˬtiˬgʼaˬ-euˬkʼoeˇ taˆ, ngaˬneh yaw doeˇjahˇ-euˬjaˆ-awˇ, ngaˬ-ahˇmuiˇ-eu tsawˇhaˬkʼoeˇtaˆ, nawˬdzaˬkʼaˆdzaˬtaˬ-euˬjaˆnaˇ,

⁵muiˇ-eu gʼaˬ ngaˬ-ahˇ teh mi-awˇ, kʼaˬlehˇ-ahˇnawˬpahˬnehˬlaꞈ-awˇ, ngaˬ-euˬdaˬ miˇtsa ga luꞈ-uˇ.

⁶SahˬpaˬMiˬyehˇ nui ma pehˇ-awˇ, muiˇ-eu deuˬ kʼaˆluꞈgaˇzuiˆ-awˬ. SahˬpaˬMiˬyehˇ-oˇ, tuˇlaˇ-awˬ. ngaˬ-euˬgʼaˇduˬ yaˇkʼaˬdaˇ-awˬ.

⁷Tsawˇhaˬkʼaˇjawˇ-eu dawˬtawˆluꞈ, nawˬ-euˬtiˬjawˬ bi uiˬlaˇ-awˇ, yaw goˇ-ahˇ nuiˇ-awˇuˆlahˇ-awˬ.

⁸Miˇtsaˬtsawˇhaˬ dawˬtawˆluꞈ-ahˇ, SahˬpaˬMiˬyehˇ yaˇkʼaˬdaˇmeh. Ngaˇtsaˬgaˇdawˇgaˇ nawˇhaw-awˬ, ngaˬ-euˬgʼaˇduˬ yaˇkʼaˬdaˇ-awˬ.

⁹Haiˬ-eu deuˬ aˇsaˬbi saˬ-awˇ, tsaˬ-eu deuˬ bi dehꞈtuˇlaˇ-awˬ. Tsaˬ-eu dawˇ-eu Miˬyehˇnawˇ-aˬ, nui ma-ahˇ yaˇkʼaˬdaˇ-eu meh.

¹⁰Miˬyehˇngaˬ-ahˇ haw piˇ-eu meh. Yawꞈ-euˬ dawˬnaˇ haˬ-eu deuˬ-ahˇ, maˬbyehˇni ka kʼoꞈnehˬ-eu meh.

¹¹Miˬyehˇ yaˇkʼaˬdaˇ-eu dawˇ-awˇ, haiˬ-eu deuˬ-ahˇ zuiˆawˆ-eu meh.

¹²Yawꞈmaꞈnui ma maˬnoeˬpaˇnaˇ, Miˬyehˇ mi cehˇshiˬtaˆ taˬ-awˇ, kaˆngoꞈdaˆ-awˇ loꞈluꞈ-eu meh.

¹³Sehꞈ-eu keu ka lehˬhmˬtaˬ-awˇ, kaˆmyaˬneh mawˬdziˇtaˬ-euˬmeh.

¹⁴Haiˬ-eu kʼoeˇdeuˬ doeˇgaˇhaw sheˇ. Aˬcawˬ-ahˇ laˆ shaˬ-eu toˆ-awˇ, laˆdzaˬgahˇdzaˬ-eu jawˬ-eu meh.

¹⁵Ehˇkʼawꞈ yawˬha kʼmˇ-euˬlahˇju, yawˬhaˇyawˬha teuˆpaꞈ-eu meh.

¹⁶Yawˬha neh mˇ-euˬ yaw haiˬjeˬ, yawˬha-ahˇ paˇgʼoꞈpoˆle-awˇ, yawˬha neh jahˇ-euˬyaw doeˇjeˬ, yawˬha-ahˇ paˇkeuˆle-eu meh.

¹⁷SahˬpaˬMiˬyehˇ tsaˬ-eu dawˇ-eu, guiˬlahˬhuiˬ-awˇ ja ceuˬ-eu ma. Huiˬdui mahˇdui dui-eu Miˬyehˇ, aˬdui-euˬ SahˬpaˬMiˬyehˇ-ahˇ, ngaˇcaˇ-awˇ ja ceuˬnehˬ-eu ma.