Read Akha Ja ceuˬ 82 Bible Online

Ja ceuˬ 82 - Akha bible

Ja ceuˬ 82

¹(Aˬsaˆ-euˬ caˇ dawˬ) Mˬ kʼoeˇ taˆ mehˬ bawˬ bawˬ gaˇ, Miˬyehˇ aˬ yuiꞈ geuꞈ-awˇ sheuˬ gʼeh-eu meh. Miˬyehˇ deuˬ uiˬ leˇ taˬ-euˬ gaˇ, aˬ yawꞈ heu loꞈ-ehˇ daˇ-eu meh.

²“Naw maꞈ maˬ tsaˬ maˬ dawˇ-euˬ laꞈ kʼoeˇ yaˇ kʼaˬ daˇ-eu jeˬ taˬ paˇ mˇ. Haiˬ-euˬ tsawˇ haˬ deuˬ-euˬ myaˆ pyawˬ-ahˇ taˬ paˇ haw.

³Shaˬ zaˬ zahˬ zaˬ hawˇ-eu muˇ coe aˬ nmˇ deuˬ-ahˇ yaw muiˬ paˬ-ehˇ haw piˇ nehˬ-awˬ. Shaˬ-eu zahˬ-eu tsawˇ haˬ hawˇ-eu, tahˬ shaˇ kʼaˇ maˬ za-eu deuˬ-ahˇ, dawˇ coe ni haw nehˬ pyaˆ nehˬ-awˬ.

⁴Haiˬ-eu tsawˇ haˬ deuˬ laꞈ-ahˇ neh aˬ yawꞈ maꞈ-ahˇ ka kʼoꞈ nehˬ-awˬ.

⁵“Naw maꞈ aˇ naˆ naˆ-ehˇ laꞈ-i-awˇ, aˇ naˆ naˆ-ehˇ gah te. Naw maꞈ geuꞈ-eu tiˬ pawꞈ-iˬ maˬ ahˇ ni cawˆ jiˇ-awˇ, miˇ tsaˬ kʼoeˇ taˆ yaw tsaˬ yaw dawˇ jeˬ maˬ paˇ jaˆ meh.

⁶Naw maꞈ miˬ yehˇ meh lehˇ ngaˇ ehˇ-eu ma. Naw maꞈ yawˬ gʼaˬ na luꞈ Huiˬ dui mahˇ dui dui-eu Gʼaˬ-euˬ aˬ li tehꞈ meh.

⁷Ehˇ kʼawꞈ, tsawˇ haˬ zaˬ loꞈ-ehˇ naw maꞈ ya shiˇ-awˇ, miˇ tsaˬ kʼoeˇ taˆ sahˬ paˬ sahˬ ma geuꞈ-eu deuˬ loꞈ-ehˇ ziˇ ya jiˇ le tehꞈ-a.”

⁸Miˬyehˇ-oˇ, miˇ tsaˬ kʼoeˇ taˆ uˆ lahˇ le-awˬ. Tsawˇ jeuˬ dawˬ tawˆ luꞈ nawˬ-euˬ tehꞈ meh.