Read Akha Bawˇtsahˬ 1 Bible Online

Bawˇtsahˬ 1 - Akha bible

Bawˇtsahˬ 1

¹Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ le gʼaˬ-awˇ, nyiˬ kʼoꞈ tiˬ kʼoꞈ ba la nyiˬ siˬ tiˬ siˬ aˇ nah yaw beh nah-ahˇ, Siˇnaˆ bawˇ tsahˬ bawˇ dahˇ-ahˇ jaˆ-eu Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ, Moˇseˬ-ahˇ Sahˬpaˬ Miˬyehˇ dawˬ ngehˬ cawˬ-euˬ meh. Aˬ yawꞈ ehˇ-eu,

²“Aˬloˬ naw nyaꞈ nmˇ Iˇsaˬleˬlaˆ tsawˇ haˬ dawˬ tawˆ luꞈ-euˬ tsawˇ myahˇ yuˇ-awˬ.

³Nyiˬ tseˇ kʼoꞈ laꞈ taˆ paw-euˬ guiˇ deuˆ nya-eu kʼaˬ dzeˇ zaˬ deuˬ-euˬ tsawˇ myahˇ yuˇ-awˬ.

⁴Tsawˇ jeuˬ aˬ yawꞈ jeuˬ yawꞈ laꞈ kʼoeˇ aˬ yuiꞈ aˬ tsu geuꞈ luꞈ-eu gʼaˬ naw nyaꞈ-ahˇ bi caw ba-awˬ.”

⁵Aˬ yawꞈ nyaꞈ-ahˇ ya caw ba-eu tsawˇ haˬ-aˬ, heu deuˬ meh. Luˇbeˬ tsawˇ jeuˬ laꞈ kʼoeˇ & Sheˬduˇ-euˬ aˬ li Eˇliˇzuˇlaˆ

⁶Suˇmoˬ tsawˇ jeuˬ laꞈ kʼoeˇ & Zuˇliˇshaˬdehˇ-euˬ aˬ li Sheˬluˇmeˬlaˇ

⁷Yuˇdaˆ tsawˇ jeuˬ laꞈ kʼoeˇ & Aˬmiˇnaˬdehˇ-euˬ aˬ li Naˬshoˬ

⁸Iˇsaˬkaˬ tsawˇ jeuˬ laꞈ kʼoeˇ & Zuˇaˆ-euˬ aˬ li Naˬdaˬneˬlaˇ

⁹Zeˬbuˬluˬ tsawˇ jeuˬ laꞈ kʼoeˇ & Heˬloˬ-euˬ aˬ li Eˇliˇbaˆ

¹⁰Eˇpaˬleˬ tsawˇ jeuˬ laꞈ kʼoeˇ & Aˬmiˇhuˆ-euˬ aˬ li Eˇliˇshaˬmaˇ Maˬnaˇseˬ tsawˇ jeuˬ laꞈ kʼoeˇ & Peˬdaˬzuˇ-euˬ aˬ li Gaˬmaˬleˬlaˇ

¹¹Beˬyaˬmiˬ tsawˇ jeuˬ laꞈ kʼoeˇ & Giˇdawˇniˆ-euˬ aˬ li Aˬbiˇdaˬ

¹²Daˬ tsawˇ jeuˬ laꞈ kʼoeˇ & Aˬmiˇshaˬdehˇ-euˬ aˬ li Aˬheˇzaˬ

¹³Aˬsaˬ tsawˇ jeuˬ laꞈ kʼoeˇ & Awˇkaˬlaˇ-euˬ aˬ li Paˬjeˬlaˇ

¹⁴Gaˆ tsawˇ jeuˬ laꞈ kʼoeˇ & Doeˬlaˇ-euˬ aˬ li Eˇlaˬsaˆ

¹⁵Naˬtaˬliˇ tsawˇ jeuˬ laꞈ kʼoeˇ & Eˇnaˬ-euˬ aˬ li Aˬhiˇlaˬ heu deuˬ meh lehˇ ehˇ nehˬ-euˬ meh.

¹⁶Tsawˇ haˬ heu deuˬ-aˬ, Iˇsaˬleˬlaˆ tsawˇ haˬ deuˬ laꞈ kʼoeˇ tseˇ doˆ taˬ-euˬ, tsawˇ jeuˬ aˬ yawꞈ jeuˬ yawꞈ kʼoeˇ taˆ aˬ yuiꞈ aˬ tsu geuꞈ-eu deuˬ meh.

¹⁷Tsawˇ haˬ heu tseˇ nyiꞈ gʼaˬ neh bi caw ba-eu laꞈ kʼoeˇ, ba la nyiˬ siˬ tiˬ siˬ aˇ nah yaw beh nah-ahˇ, tsawˇ haˬ dawˬ tawˆ luꞈ-ahˇ Moˇseˬ hawˇ-eu Aˬloˬ aˬ nyaꞈ kuˇ uiˬ-awˇ, tsawˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ, tsawˇ haˬ dawˬ tawˆ luꞈ-euˬ tsawˇ myahˇ yuˇ-euˬ meh. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, nyiˬ tseˇ kʼoꞈ laꞈ taˆ paw-euˬ kʼaˬ dzeˇ zaˬ deuˬ-euˬ tsawˇ myahˇ boꞈ taˬ jiˇ-euˬ meh. Siˇnaˆ bawˇ tsahˬ bawˇ dahˇ laꞈ kʼoeˇ, tsawˇ haˬ kʼoeˇ deuˬ-euˬ tsawˇ myahˇ Moˇseˬ yuˇ-euˬ meh.

¹⁸

¹⁹

²⁰Yaˬkoˆ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Luˇbeˬ-euˬ zaˬ deuˬ uˆ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ guiˇ kʼaˇ deuˆ nya-eu kʼaˬ dzeˇ zaˬ dawˬ tawˆ luꞈ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ, tiˬ gʼaˬ saˇ-iˬ tiˬ gʼaˬ-euˬ tsawˇ myahˇ yuˇ-euˬ meh.

²¹Luˇbeˬ tsawˇ jeuˬ laꞈ kʼoeˇ, tsawˇ myahˇ dawˆ-euˬ tsawˇ haˬ oeˬ muiˇ koꞈ heˇ ngaˬ yaˇ gʼaˬ byah-eu meh.

²²Suˇmoˬ-euˬ zaˬ deuˬ uˆ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ guiˇ kʼaˇ deuˆ nya-eu kʼaˬ dzeˇ zaˬ dawˬ tawˆ luꞈ-ahˇ gui-awˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ, tiˬ gʼaˬ saˇ-iˬ tiˬ gʼaˬ-euˬ tsawˇ myahˇ yuˇ-euˬ meh.

²³Suˇmoˬ tsawˇ jeuˬ laꞈ kʼoeˇ, tsawˇ myahˇ dawˆ-euˬ tsawˇ haˬ ngaˬ muiˇ gʼoeˬ heˇ smˬ yaˇ gʼaˬ byah-eu meh.

²⁴Gaˆ-euˬ zaˬ deuˬ uˆ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ guiˇ kʼaˇ deuˆ nya-eu kʼaˬ dzeˇ zaˬ dawˬ tawˆ luꞈ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ, tiˬ gʼaˬ saˇ-iˬ tiˬ gʼaˬ-euˬ tsawˇ myahˇ yuˇ-euˬ meh.

²⁵Gaˆ tsawˇ jeuˬ laꞈ kʼoeˇ, tsawˇ myahˇ dawˆ-euˬ tsawˇ haˬ oeˬ muiˇ ngaˬ heˇ koꞈ yaˇ ngaˬ tseˇ gʼaˬ byah-eu meh.

²⁶Yuˇdaˆ-euˬ zaˬ deuˬ uˆ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ guiˇ kʼaˇ deuˆ nya-eu kʼaˬ dzeˇ zaˬ dawˬ tawˆ luꞈ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-euˬ loꞈ-ehˇ, tiˬ gʼaˬ saˇ-iˬ tiˬ gʼaˬ-euˬ tsawˇ myahˇ yuˇ-euˬ meh.

²⁷Yuˇdaˆ tsawˇ jeuˬ laꞈ kʼoeˇ, tsawˇ myahˇ dawˆ-euˬ tsawˇ haˬ shiꞈ muiˇ oeˬ heˇ koꞈ yaˇ gʼaˬ byah-eu meh.

²⁸Iˇsaˬkaˬ-euˬ zaˬ deuˬ uˆ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ guiˇ kʼaˇ deuˆ nya-eu kʼaˬ dzeˇ zaˬ dawˬ tawˆ luꞈ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ, tiˬ gʼaˬ saˇ-iˬ tiˬ gʼaˬ-euˬ tsawˇ myahˇ yuˇ-euˬ meh.

²⁹Iˇsaˬkaˬ tsawˇ jeuˬ laꞈ kʼoeˇ tsawˇ myahˇ dawˆ-euˬ tsawˇ haˬ ngaˬ muiˇ oeˬ heˇ oeˬ yaˇ gʼaˬ byah-eu meh.

³⁰Zeˬbuˬluˬ-euˬ zaˬ deuˬ uˆ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ guiˇ kʼaˇ deuˆ nya-eu kʼaˬ dzeˇ zaˬ dawˬ tawˆ luꞈ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ, tiˬ gʼaˬ saˇ-iˬ tiˬ gʼaˬ-euˬ tsawˇ myahˇ yuˇ-euˬ meh.

³¹Zeˬbuˬluˬ tsawˇ jeuˬ laꞈ kʼoeˇ tsawˇ myahˇ dawˆ-euˬ tsawˇ haˬ ngaˬ muiˇ shiꞈ heˇ oeˬ yaˇ gʼaˬ byah-eu meh.

³²Yoˇsehˆ-euˬ aˬ li Eˇpaˬleˬ-euˬ zaˬ deuˬ uˆ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ guiˇ kʼaˇ deuˆ nya-eu kʼaˬ dzeˇ zaˬ dawˬ tawˆ luꞈ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ, tiˬ gʼaˬ saˇ-iˬ tiˬ gʼaˬ-euˬ tsawˇ myahˇ yuˇ-euˬ meh.

³³Eˇpaˬleˬ tsawˇ jeuˬ laꞈ kʼoeˇ tsawˇ myahˇ dawˆ-euˬ tsawˇ haˬ oeˬ muiˇ ngaˬ yaˇ gʼaˬ byah-eu meh.

³⁴Yoˇsehˆ-euˬ aˬ li Maˬnaˇseˬ-euˬ zaˬ deuˬ uˆ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ guiˇ kʼaˇ deuˆ nya-eu kʼaˬ dzeˇ zaˬ dawˬ tawˆ luꞈ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ, tiˬ gʼaˬ saˇ-iˬ tiˬ gʼaˬ-euˬ tsawˇ myahˇ yuˇ-euˬ meh.

³⁵Maˬnaˇseˬ tsawˇ jeuˬ laꞈ kʼoeˇ tsawˇ myahˇ dawˆ-euˬ tsawˇ haˬ smˬ muiˇ nyiˬ heˇ nyiˬ yaˇ gʼaˬ byah-eu meh.

³⁶Beˬyaˬmiˬ-euˬ zaˬ deuˬ uˆ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ guiˇ kʼaˇ deuˆ nya-eu kʼaˬ dzeˇ zaˬ dawˬ tawˆ luꞈ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ, tiˬ gʼaˬ saˇ-iˬ tiˬ gʼaˬ-euˬ tsawˇ myahˇ yuˇ-euˬ meh.

³⁷Beˬyaˬmiˬ tsawˇ jeuˬ laꞈ kʼoeˇ, tsawˇ myahˇ dawˆ-euˬ tsawˇ haˬ smˬ muiˇ ngaˬ heˇ oeˬ yaˇ gʼaˬ byah-eu meh.

³⁸Daˬ-euˬ zaˬ deuˬ uˆ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ guiˇ kʼaˇ deuˆ nya-eu kʼaˬ dzeˇ zaˬ dawˬ tawˆ luꞈ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ, tiˬ gʼaˬ saˇ-iˬ tiˬ gʼaˬ-euˬ tsawˇ myahˇ yuˇ-euˬ meh.

³⁹Daˬ tsawˇ jeuˬ laꞈ kʼoeˇ tsawˇ myahˇ dawˆ-euˬ tsawˇ haˬ koꞈ muiˇ nyiˬ heˇ shiꞈ yaˇ gʼaˬ byah-eu meh.

⁴⁰Aˬsaˬ-euˬ zaˬ deuˬ uˆ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ guiˇ kʼaˇ deuˆ nya-eu kʼaˬ dzeˇ zaˬ dawˬ tawˆ luꞈ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ, tiˬ gʼaˬ saˇ-iˬ tiˬ gʼaˬ-euˬ tsawˇ myahˇ yuˇ-euˬ meh.

⁴¹Aˬsaˬ tsawˇ jeuˬ laꞈ kʼoeˇ tsawˇ myahˇ dawˆ-euˬ tsawˇ haˬ oeˬ muiˇ tiˬ heˇ ngaˬ yaˇ gʼaˬ byah-eu meh.

⁴²Naˬtaˬliˇ-euˬ zaˬ deuˬ uˆ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ guiˇ kʼaˇ deuˆ nya-eu kʼaˬ dzeˇ zaˬ dawˬ tawˆ luꞈ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ, tiˬ gʼaˬ saˇ-iˬ tiˬ gʼaˬ-euˬ tsawˇ myahˇ yuˇ-euˬ meh.

⁴³Naˬtaˬliˇ tsawˇ jeuˬ laꞈ kʼoeˇ tsawˇ myahˇ dawˆ-euˬ tsawˇ haˬ ngaˬ muiˇ smˬ heˇ oeˬ yaˇ gʼaˬ byah-eu meh.

⁴⁴Tsawˇ haˬ heu deuˬ-aˬ, Moˇseˬ, Aˬloˬ hawˇ-eu, Iˇsaˬleˬlaˆ tsawˇ haˬ deuˬ-euˬ aˬ yuiꞈ aˬ tsu tseˇ nyiꞈ gʼaˬ neh tsawˇ myahˇ yuˇ-euˬ tsawˇ haˬ deuˬ pyeuꞈ-eu meh. Aˬ yawꞈ maꞈ aˬ yawꞈ gʼaˬ yawꞈ, yawˬ ha aˇ jeuˬ-euˬ dah zaˇ dah luꞈ-eu deuˬ pyeuꞈ-eu meh.

⁴⁵Nyiˬ tseˇ kʼoꞈ-ahˇ neh laꞈ taˆ paw-euˬ guiˇ deuˆ nya-eu Iˇsaˬleˬlaˆ tsawˇ haˬ dawˬ tawˆ luꞈ-ahˇ, yawˬ ha-euˬ nymˇ jiˇ-ahˇ kʼaˇ taꞈ-eu loꞈ-ehˇ tsawˇ myahˇ yuˇ-euˬ meh.

⁴⁶Dawˬ tawˆ luꞈ koꞈ seh smˬ heˇ ngaˬ yaˇ ngaˬ tseˇ gʼaˬ byah-eu meh.

⁴⁷Leˬbiˇ tsawˇ haˬ deuˬ-ahˇ nui deuˬ nehˬ-ehˇ tiˬ kawˆ loꞈ-ehˇ tsawˇ myahˇ maˬ yuˇ-aˬ.

⁴⁸Aˬ jeˬ miˇ neh ehˇ naˇ, Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

⁴⁹“Guiˇ deuˆ nya laˇ-euˬ kʼaˬ dzeˇ zaˬ deuˬ-euˬ tsawˇ myahˇ nawˇ yuˇ ngeh, Leˬbiˇ tsawˇ haˬ deuˬ-euˬ tsawˇ myahˇ taˬ yuˇ ahˇ.

⁵⁰Ehˇ kʼawꞈ, Leˬbiˇ tsawˇ haˬ deuˬ-ahˇ ngaˇ jawˇ-eu Sehˬ gʼawˆ hawˇ-eu kʼoeˇ gaˇ jaˆ-eu keu ka deuˬ-ahˇ haw-eu pyaˆ-eu tsawˇ haˬ bi geuꞈ-awˬ. Sehˬ gʼawˆ hawˇ-eu kʼoeˇ-euˬ keu ka deuˬ-ahˇ aˬ yawꞈ maꞈ ya baꞈ ya pi meh. Sehˬ gʼawˆ kʼoeˇ laꞈ kʼoeˇ aˬ yawꞈ maꞈ gaˇ ya mˇ-awˇ, kʼoeˇ jawˬ jawˬ-ehˇ aˬ yawꞈ maꞈ ya jawˇ meh.

⁵¹Naw maꞈ yawˬ gaˇ yawˬ paˇ jawˇ paˇ-iˇ ngeh, Leˬbiˇ tsawˇ haˬ deuˬ Sehˬ gʼawˆ kʼoeˇ ya pyaˆ-awˇ, naw maꞈ kʼaˇ jawˇ paˇ-iˇ-euˬ tsahˇ-ahˇ aˬ yawꞈ maꞈ Sehˬ gʼawˆ kʼoeˇ ya gʼoˆ tsoꞈ meh. Leˬbiˇ tsawˇ haˬ maˬ ngeuˇ-eu tsawˇ haˬ aˬ geu gʼaˬ maˬ kaˬ, Sehˬ gʼawˆ dawˬ peh le naˇ, sehꞈ gaˇ ya daˬ tehꞈ-a.

⁵²Iˇsaˬleˬlaˆ tsawˇ haˬ nui deuˬ-aˬ, aˬ yawꞈ gʼaˬ yawꞈ yawˬ ha-euˬ aˇ muˇ nehˬ-ehˇ yawˬ ha aˇ muˇ-euˬ paˇ loˬ paˇ lehˇ uˬ moˆ guiˇ maꞈ baw baw-ehˇ, sehˬ gʼawˆ gʼawˆ-awˇ ya jawˇ meh.

⁵³Ehˇ kʼawꞈ, ngaˇ nui ma pehˇ-eu jeˬ Iˇsaˬleˬlaˆ tsawˇ haˬ aˇ maꞈ aˇ muˇ kʼoeˇ taˆ maˬ ya bi keuˆ le-eu gʼaˇ duˬ, ngaˇ jawˇ-eu Sehˬ gʼawˆ dawˬ peh tsawˇ haˬ tiˬ gʼaˬ-iˬ maˬ ya laˇ ni, Leˬbiˇ tsawˇ haˬ deuˬ Sehˬ gʼawˆ jawˬ jawˬ-ehˇ yawˬ ha-euˬ sehˬ gʼawˆ gʼawˆ-awˇ jawˇ-eu laꞈ kʼoeˇ ya loꞈ piˇ meh.”

⁵⁴Sahˬpaˬ Miˬyehˇ neh Moˇseˬ-ahˇ dawˬ kʼaˇ biꞈ nehˬ-euˬ jeˬ dawˬ tawˆ luꞈ-ahˇ Iˇsaˬleˬlaˆ tsawˇ haˬ deuˬ mˇ-euˬ meh.