Read Akha Yawˇshuˆ 12 Bible Online

Yawˇshuˆ 12 - Akha bible

Yawˇshuˆ 12

¹Yawˇdaˬ lawˇ baˬ nahˇ ma doˆ kʼehˬ paw, Aˬnoˬ deh kʼawꞈ-ahˇ neh Yawˇdaˬ deh kʼawꞈ caw caw-ehˇˬ, laꞈ taˆ paw Heˬlaˬmoˬ gawˬ jawˬ-ahˇ keuˆ ni jaˆ keuˆ-eu miˇ kʼahˬ kʼoeˇ kʼahˬ-ahˇ, Iˇsaˬleˬlaˆ tsawˇ haˬ deuˬ deuˆ gʼaˬ-awˇ jawˇ luꞈ-eu meh. Sahˬ paˬ nyiˬ gʼaˬ-ahˇ aˬ yawꞈ maꞈ deuˆ gʼaˬ-euˬ meh.

²Tiˬ gʼaˬ-aˬ, Heˬshaˬboˬ meuˬ-ahˇ jawˇ-awˇ uˆ lahˇ-euˬ Aˬmawˇliˆ sahˬ paˬ Siˇhoˬ meh. Aˬ yawꞈ-euˬ miˇ kʼahˬ-aˬ, Aˬnoˬ deh kʼawꞈ uˬ gʼmˬ-ahˇ jaˆ-eu Aˬyawˬ meuˬ hawˇ-eu deh kʼawꞈ-euˬ gʼahˇ ceh jaˆ-eu meuˬ-ahˇ neh, Aˬmoˬ miˇ kʼahˬ-euˬ miˇ kaˬ pyeuꞈ-eu Jaˬboˆ lawˇ baˬ-ahˇ keuˆ ni meh. Kʼoeˇ-aˬ, Giˇlaˆ miˇ kʼahˬ tiˬ paˆ ehˇ gʼaˬ ni pyeuꞈ-eu meh.

³Gaˬliˬlehˇ lah-ahˇ neh Yawˇdaˬ deh kʼawꞈ caw caw-ehˇ, Shiˇ-eu iˬ ma laˆ shaˆ-euˬ nahˇ ma doˆ kʼehˬ paw jaˆ-eu Behˬjaˬshiˇmoˇ meuˬ-ahˇ neh Piˇsaˬgaˬ gawˬ jawˬ-ahˇ keuˆ ni, miˇ kʼahˬ kʼoeˇ kʼahˬ tehꞈ meh.

⁴Aˬshaˇtaˬyoˇ meuˬ hawˇ-eu Eˬdiˇliˇ meuˬ-ahˇ jawˇ-awˇ uˆ lahˇ-euˬ Leˬpeˬ tsawˇ jeuˬ laꞈ kʼoeˇ dzeˇ yaꞈ-euˬ sahˬ paˬ Awˇgaˆ-ahˇ kʼawꞈ, aˬ yawꞈ maꞈ neh deuˆ gʼaˬ-euˬ meh.

⁵Aˬ yawꞈ-euˬ miˇ kʼahˬ-aˬ, Heˬlaˬmoˬ gawˬ jawˬ, Saˬleˬkaˬ meuˬ, Geˬshuˇlaˆ meuˬ hawˇ-eu, Mawˇkah meuˬ-euˬ miˇ kaˬ-ahˇ keuˆ ni jaˆ-eu Baˬshaˬ gahˬ kaˬ, Giˇlaˆ miˇ kʼahˬ tiˬ paˆ hawˇ-eu, Heˬshaˬboˬ sahˬ paˬ Siˇhoˬ-euˬ miˇ kʼahˬ-ahˇ keuˆ ni meh.

⁶Sahˬ paˬ heu nyiˬ gʼaˬ-ahˇ Moˇseˬ hawˇ-eu Iˇsaˬleˬlaˆ tsawˇ haˬ deuˬ deuˆ gʼaˬ-euˬ meh. Sahˬpaˬ Miˬyehˇ-euˬ zaˬ kʼaˆ Moˇseˬ-aˬ, Luˇbeˬ tsawˇ jeuˬ, Gaˆ tsawˇ jeuˬ hawˇ-eu, Maˬnaˇseˬ tsawˇ jeuˬ tiˬ paˆ-ahˇ, sahˬ paˬ kʼoeˇ nyiˬ gʼaˬ-euˬ miˇ kʼahˬ biꞈ-euˬ meh.

⁷Leˬbaˬnoˬ deh kʼawꞈ-ahˇ jaˆ-eu Baˬlaˇ gaˆ meuˬ-ahˇ neh aˇ dahˬ beh-awˇ, laꞈ oˆ paw Eˬdoˬ meuˬ dawˬ peh jaˆ-eu Haˬlaˆ gawˬ jawˬ-ahˇ keuˆ ni jaˆ-eu miˇ kʼahˬ-ahˇ kʼaˇ jawˇ-eu sahˬ paˬ dawˬ tawˆ luꞈ-ahˇ, Yawˇshuˆ hawˇ-eu Iˇsaˬleˬlaˆ tsawˇ haˬ deuˬ neh deuˆ gʼaˬ-euˬ meh. Miˇ kʼahˬ kʼoeˇ, Iˇsaˬleˬlaˆ tsawˇ haˬ deuˬ-ahˇ Yawˇshuˆ biꞈ nehˬ-awˇ, bi geuꞈ tsehˆ tsehˆ-euˬ meh.

⁸Gawˬ jawˬ gawˬ duˇ deuˬ maˬ ehˇ, nahˇ ma ga kʼehˬ paw jaˆ-eu gʼaˬ lawˬ deuˬ maˬ ehˇ, Yawˇdaˬ deh kʼawꞈ hawˇ-eu kʼoeˇ-euˬ gawˬ jawˬ dawˬ dahˬ deuˬ maˬ ehˇ, nahˇ ma doˆ kʼehˬ paw jaˆ-eu gawˬ jawˬ baˬ gʼa deuˬ maˬ ehˇ, laꞈ oˆ paw pyawˬ-ahˇ jaˆ-eu gui coˇ ni gʼeh-eu miˇ kʼahˬ maˬ ehˇ, miˇ kʼahˬ kʼoeˇ kʼahˬ laꞈ kʼoeˇ ahˇ-eu meh. Miˇ kʼahˬ kʼoeˇ kʼahˬ-aˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Kaˬnaˬ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu, Yeˬbuˇ tsawˇ jeuˬ deuˬ jawˇ-euˬ meh.

⁹Meuˬ heu deuˬ-ahˇ jawˇ-eu sahˬ paˬ deuˬ-ahˇ Iˇsaˬleˬlaˆ tsawˇ haˬ deuˬ deuˆ gʼaˬ-euˬ meh. Yeˬliˇkoˇ meuˬ, Beˬdeˬlaˇ meuˬ dawˬ peh jaˆ-eu Aˬiˇ meuˬ,

¹⁰Yeˬluˇsaˬlehˬ meuˬ, Heˬbyoˬ meuˬ,

¹¹Jaˬmuˆ meuˬ, Laˬkiˇshaˆ meuˬ,

¹²Eˇgaˬloˬ meuˬ, Geˬzeuˬ meuˬ,

¹³Deˬ beuˬ meuˬ, Geˬdaˬ meuˬ,

¹⁴Hawˇmaˬ meuˬ, Aˬlaˬdaˇ meuˬ,

¹⁵Liˇbaˬnahˬ meuˬ, Aˬduˬlamˬ meuˬ,

¹⁶Maˬgeˬ daˬ meuˬ, Beˬdeˬlaˇ meuˬ,

¹⁷Taˬpahˇ meuˬ, Heˬpaˬ meuˬ,

¹⁸Aˬpyehˇ meuˬ, Laˬshaˬloˬ meuˬ,

¹⁹Maˬdoˬ meuˬ, Haˬzawˇ meuˬ,

²⁰Shiˇmyoˬmeˬloˬ meuˬ, Aˬkaˇshaˆ meuˬ,

²¹Taˬnehˇ meuˬ, Meˬgiˇdoˬ meuˬ,

²²Geˬdeˬshaˆ meuˬ, Gaˬlaˬmeˬlaˇ-ahˇ jaˆ-eu Jawˇkaˬneˬ meuˬ,

²³iˬ ma laˆ shaˆ lawˇ deh-ahˇ jaˆ-eu Dawˇlaˆ meuˬ, Gaˬliˬlehˇ miˇ kʼahˬ-ahˇ jaˆ-eu Gawˇiˆ meuˬ hawˇ-eu,

²⁴Teuˇzaˬ meuˬ, heu deuˬ laꞈ kʼoeˇ jawˇ-eu sahˬ paˬ dawˬ tawˆ luꞈ smˬ tseˇ tiꞈ gʼaˬ-ahˇ sehꞈ-euˬ meh.