Read Akuapem Twi Contemporary Bible 2020 Nnwom 115 Bible Online

Nnwom 115 - Akuapem Twi Contemporary Bible 2020 bible

Nnwom 115

¹Ɛnyɛ yɛn, AWURADE, ɛnyɛ yɛn, na wo din na anuonyam nka, wʼadɔe ne wo nokwaredi nti.

²Adɛn nti na aman no bisa se, “Wɔn Nyankopɔn wɔ he?”

³Yɛn Nyankopɔn wɔ ɔsoro; nea ɔpɛ biara na ɔyɛ.

⁴Nanso wɔn ahoni yɛ dwetɛ ne sikakɔkɔɔ a wɔde onipa nsa na ayɛ.

⁵Wɔwɔ ano, nanso wontumi nkasa; wɔwɔ ani, nanso wonhu ade.

⁶Wɔwɔ aso, nanso wɔnte asɛm; wɔwɔ hwene, nanso wɔnte hua.

⁷Wɔwɔ nsa, nanso wɔnte nka; wɔwɔ anan, nanso wɔnnantew. Wontumi mma nnyigyei bi mfi wɔn mene mu.

⁸Wɔn a wɔyɛɛ ahoni no bɛyɛ sɛ wɔn ara, saa ara na wɔn a wɔde wɔn ho to wɔn so no bɛyɛ.

⁹Mo Israelfo nyinaa, momfa mo ho nto AWURADE so, ɔyɛ mo boafo ne kyɛm.

¹⁰Ao Aaronfi, momfa mo ho nto AWURADE so, ɔyɛ mo boafo ne kyɛm.

¹¹Mo a musuro no, momfa mo ho nto AWURADE so, ɔyɛ mo boafo ne kyɛm.

¹²AWURADE kae yɛn na obehyira yɛn: Obehyira Israelfi, obehyira Aaronfi

¹³Obehyira wɔn a wosuro AWURADE, nketewa ne akɛse nyinaa.

¹⁴AWURADE mma wʼase nnɔ, wo ne wo mma.

¹⁵AWURADE nhyira wo, ɔsoro ne asase Yɛfo no.

¹⁶Ɔsorosoro tɔnn yɛ AWURADE de, nanso asase de, ɔde ama onipa.

¹⁷Ɛnyɛ awufo na wɔkamfo AWURADE wɔn a wɔkɔ fam dinn no.

¹⁸Yɛn na yɛma AWURADE so nnɛ ne daa nyinaa. Monkamfo AWURADE.