Read Akuapem Twi Contemporary Bible 2020 Nnwom 122 Bible Online

Nnwom 122 - Akuapem Twi Contemporary Bible 2020 bible

Nnwom 122

¹Ɔsoroforo dwom. Dawid de. Me ne wɔn a wosee me sɛ, “Ma yɛnkɔ AWURADE fi” no ani gyei.

²Yegyinagyina wʼaponkɛse ano, Yerusalem.

³Wɔakyekyere Yerusalem yiye sɛ kuropɔn wahyehyɛ mu nneɛma fɛfɛ.

⁴Ɛhɔ na mmusuakuw no kɔ, AWURADE mmusuakuw no, Wɔkɔkamfo AWURADE din, sɛnea nhyehyɛe a wɔde ama Israel no te.

⁵Ɛhɔ na atemmu nhengua no sisi, Dawid fi nhengua no.

⁶Monsrɛ asomdwoe mma Yerusalem se, “Ma wɔn a wɔdɔ wo no nnya bammɔ.

⁷Ma asomdwoe mmra wʼafasu mu na bammɔ mmra wʼaban mu.”

⁸Me nuanom ne me nnamfonom nti, mɛka se, “Asomdwoe ntena wo mu.”

⁹AWURADE yɛn Nyankopɔn fi nti, mɛhwehwɛ wo yiyeyɛ.