Read Akuapem Twi Contemporary Bible 2020 Nnwom 124 Bible Online

Nnwom 124 - Akuapem Twi Contemporary Bible 2020 bible

Nnwom 124

¹Ɔsoroforo dwom. Dawid de. Sɛ anka AWURADE nni yɛn afa a, ma Israel nka,

²Sɛ anka AWURADE nni yɛn afa bere a nnipa tow hyɛɛ yɛn so,

³bere a wɔn abufuw sɔre tiaa yɛn a anka wɔmemenee yɛn anikann;

⁴anka nsuyiri no bebu afa yɛn so, anka ɔhweam no bɛtwe yɛn akɔ,

⁵anka nsu a ano yɛ den no bɛpra yɛn kɔ.

⁶Ayeyi nka AWURADE a wamma ho kwan amma wɔamfa wɔn se antetew yɛn mu.

⁷Yɛaguan sɛ anomaa afi ofirisumfo afiri mu; wɔabubu afiri no, ama yɛaguan.

⁸Yɛn mmoa wɔ AWURADE din mu, ɔsoro ne asase Yɛfo no.