Read Akuapem Twi Contemporary Bible 2020 Nnwom 126 Bible Online

Nnwom 126 - Akuapem Twi Contemporary Bible 2020 bible

Nnwom 126

¹Ɔsoroforo dwom. Bere a AWURADE de Sion fi nnommum san bae no, yɛyɛɛ sɛ wɔn a wɔsosoo adae.

²Ɔserew hyɛɛ yɛn anom ma, anigye nnwom hyɛɛ yɛn tɛkrɛma so ma. Na wɔkaa wɔ amanaman no mu se, “AWURADE ayɛ nneɛma akɛse ama wɔn.”

³AWURADE ayɛ nneɛma akɛse ama yɛn, na anigye ahyɛ yɛn ma.

⁴AWURADE, san fa yɛn siade ma yɛn, te sɛ nsuwansuwa a ɛwɔ Negeb no.

⁵Wɔn a wodua no nusu mu no de anigye nnwom betwa.

⁶Wɔn a wɔde osu fi adi so aba a wɔrekodua no, de anigye nnwom bɛsan aba a wɔsoso nnɔbae afiafi.