Read Akuapem Twi Contemporary Bible 2020 Nnwom 136 Bible Online

Nnwom 136 - Akuapem Twi Contemporary Bible 2020 bible

Nnwom 136

¹Monna AWURADE ase na oye. Nʼadɔe wɔ hɔ daa.

²Monna anyame mu Nyankopɔn no ase. Nʼadɔe wɔ hɔ daa.

³Monna awuranom mu Awurade no ase. Nʼadɔe wɔ hɔ daa.

⁴Ɔno nko ara na ɔyɛ anwonwade akɛse. Nʼadɔe wɔ hɔ daa.

⁵Ɔno na ofi ne ntease mu bɔɔ ɔsoro. Nʼadɔe wɔ hɔ daa.

⁶Ɔno na ɔtrɛw asase mu de kataa nsu so. Nʼadɔe wɔ hɔ daa.

⁷Ɔno na ɔbɔɔ akanea akɛse no. Nʼadɔe wɔ hɔ daa.

⁸Ɔbɔɔ owia sɛ enni adekyee so. Nʼadɔe wɔ hɔ daa;

⁹Ɔbɔɔ sram ne nsoromma sɛ wonni adesae so no. Nʼadɔe wɔ hɔ daa.

¹⁰Ɔno na okunkum Misraimfo mmakan, Nʼadɔe wɔ hɔ daa.

¹¹na oyii Israelfo fii wɔn mu no. Nʼadɔe wɔ hɔ daa.

¹²Ɔde nsa kɛse ne basa a wateɛ mu. Nʼadɔe wɔ hɔ daa.

¹³Ɔno na ɔpaee Po Kɔkɔɔ no mu no, Nʼadɔe wɔ hɔ daa.

¹⁴na ɔde Israelfo faa mfimfini no. Nʼadɔe wɔ hɔ daa.

¹⁵Nanso ɔpraa Farao ne nʼasraafo guu Po Kɔkɔɔ mu no. Nʼadɔe wɔ hɔ daa.

¹⁶Ɔno na odii ne nkurɔfo anim wɔ sare no so. Nʼadɔe wɔ hɔ daa.

¹⁷Ɔno na okum ahemfo akɛse no, Nʼadɔe wɔ hɔ daa.

¹⁸na okum ahemfo akunini no. Nʼadɔe wɔ hɔ daa.

¹⁹Okum Amorifo hene, Sihon, Nʼadɔe wɔ hɔ daa.

²⁰ne Basanhene, Og. Nʼadɔe wɔ hɔ daa.

²¹Na ɔde wɔn nsase maa sɛ agyapade. Nʼadɔe wɔ hɔ daa.

²²Ɔde maa ne somfo Israel sɛ agyapade. Nʼadɔe wɔ hɔ daa.

²³Ɔkaee yɛn, yɛn mmerɛwyɛ mu. Nʼadɔe wɔ hɔ daa.

²⁴Na ogyee yɛn fii yɛn atamfo nsam. Nʼadɔe wɔ hɔ daa.

²⁵Ɔno na ɔma abɔde biara aduan. Nʼadɔe wɔ hɔ daa.

²⁶Monna ɔsorosoro Nyankopɔn no ase. Nʼadɔe wɔ hɔ daa.