Read Akuapem Twi Contemporary Bible 2020 Nnwom 137 Bible Online

Nnwom 137 - Akuapem Twi Contemporary Bible 2020 bible

Nnwom 137

¹Babilonia nsubɔnten ho, ɛhɔ na yɛtena suu bere a yɛkaee Sion no.

²Ɛhɔ konkɔn so nnua mu na yɛde yɛn asanku sensɛnee,

³ɛhɔ na yɛn nnommumfafo kaa se yɛnto nnwom, yɛn ahohiafo hwehwɛɛ anigye nnwom fii yɛn nkyɛn; wɔkae se, “Monto Sion nnwom baako nkyerɛ yɛn!”

⁴Ɛbɛyɛ dɛn na yɛatumi ato AWURADE nnwom, bere a yɛwɔ ananafo asase so?

⁵Yerusalem, sɛ me werɛ fi wo a ma me nsa nifa werɛ mfi sankubɔ.

⁶Sɛ mankae wo a, ma me tɛkrɛma nka ntare mʼanom sɛ mamfa Yerusalem sɛ mʼanigyede kɛse pa ara a.

⁷Kae, AWURADE, nea Edomfo yɛɛ da a Yerusalem hwee ase no. Wɔteɛɛ mu se, “Munnwiriw, munnwiriw ngu fam nkɔka ne fapem!”

⁸Ɔbabea Babilonia, wɔadome wo akɔ ɔsɛe mu, nea otua wo ka bio ani gye wɔ nea wode ayɛ yɛn no ho.

⁹Nea ɔkyere wo nkokoaa de wɔn dwiradwira abotan no ani gye.