Read Akuapem Twi Contemporary Bible 2020 Nnwom 138 Bible Online

Nnwom 138 - Akuapem Twi Contemporary Bible 2020 bible

Nnwom 138

¹Dawid de. AWURADE, mede me koma nyinaa ayi wo ayɛ; mɛto wʼayeyi dwom wɔ “anyame” no anim.

²Mede mʼani bɛkyerɛ wʼasɔredan kronkron no, akotow wo na makamfo wo din wɔ wʼadɔe a enni huammɔ ne wo nokwaredi nti, efisɛ woama wʼahyɛde no so yiye; ama asen wo titiriwyɛ.

³Bere a misu frɛɛ wo no, wugyee me so; woma minyaa akokoduru ne nnamyɛ.

⁴AWURADE, sɛ ahemfo a wɔwɔ wiase nyinaa te nea woahyɛ no a, ma wɔnkamfo wo.

⁵Ma wɔnto AWURADE akwan ho nnwom, na AWURADE anuonyam yɛ kɛse.

⁶Ɛwɔ mu sɛ AWURADE wɔ ɔsorosoro de, nanso ɔhwɛ mmɔborɔfo, na ahantanfo de, ohu wɔn wɔ akyirikyiri.

⁷Ɛwɔ mu sɛ menam ɔhaw mu de, nanso wobɔ me nkwa ho ban; woteɛ wo nsa wɔ mʼatamfo abufuw so, na wode wo nsa nifa gye me nkwa.

⁸AWURADE bɛma nea wahyehyɛ ama me no aba mu; AWURADE, wʼadɔe wɔ hɔ daa, nnyaa wo nsa ano nnwuma akyidi. Wɔde ma dwonkyerɛfo.